Нұркен Қойшыбаев: "Жайдарман" – менің өмірім

Сатирик Сейіт Кенжеахметұлының «Күлдіре білу – өнер, күле білу – өмір, күлкіге қалу – өлім» деген күлкі туралы тауып айтқан сөзі бар. Расымен, халыққа күлкі сыйлау, қоғамдағы келеңсіз жайттарды сынға алып, әзілмен жеткізу - кез келген жанның қолынан келетін іс емес.

Солардың қатарында қоғам сұранысына ие жайдарманшылардың да бар екені рас. Тіпті "Жайдарман" арқылы танылып, өзіндік имиджін қалыптастырып үлгерген жастардың қатары қалың.

«Журналистика» мамандығының 4-курс студенті Нұркен Қойшыбаев - солардың бірі. Бүгінгі жас жайдарманшылардың әзіл-қалжыңы көрермен көңілінен шыға ма? Кейіпкерімізбен осы сұрақ төңірегінде сұхбаттасқан едік.

– Сұхбатымызды «жайдарманшы» болып қалыптасуыңнан бастасақ.

– 6-7-сынып оқып жүрген кезімде теледидардан Аманғалидың өнерін көрдім. Содан бастап Аманғалиға еліктеп, пародия сала бастадым. Уақыт өте қызығушылығым артып, жайдарманшы атандым. Құрама өнер көрсеткен 1 жыл ішінде факультетаралық чемпион, ректор кубогін және қалалық жаздық кубоктің орысша лигасында ІІІ орынды жеңіп алдық.

Ал, мен «Үздік ойыншы» деген атақты иелендім. 2-курстың аяғында «Еркін құрама» болып басқа ойыншылармен команда құрдық. Алған марапаттарымыз да баршылық. Яғни, «Ректор кубогы-2016», күзгі, қысқы маусымашар кубогін ұттық.

Одан бөлек, Сарыөзек ауылы әкімі кубогінің чемпионаттары болды. Өнер мен жайдарман біріктірген мектепішілік «Қызықты қазақтар» жайдарман командасын құрдық. Мектепішілік жайдарман ойындарынан жүлделі орындарды иеленіп те жүрдік.

Мектепті бітіріп, жоғарғы оқу орнына түскенде жайдарман ойындары біріктірген біз І.Жансүгіров атындағы ЖМУ-дің «Ерекше құрама» жайдарман командасын құрдық. Ілияс Дауытов басшылық жасаған топ құрамында менен бөлек Рахат Рахимжанов, Нұрбақыт Әмербек, Бек Қалибек, Марлен Несіпберген болды.

Ерекше құраманың ерекшелігі – барлығымыз бір мамандық иесі, әрқайсымыздың бүгінде жеке құрамаларымыз бар. Уақыт өте «Тарих» мамандығының білімгері Руслан Самимолдаев басшылық еткен «Креатив» құрама командасында өнер көрсеттім. Бүгінде облыстық жастарға қызмет көрсету орталығының «Брэнд» жайдарман командасының капитанымын.

– Сіз үшін әзіл деген не?

– "Жайдарман" – менің өмірім. Өйткені, әзіл менің өмірімнің бір бөлшегіне айналып кеткен. Схнада қандай болсам, шын өмірде де сондаймын. "Жайдарман" десе ішкен асын жерге қойып, тағатсыздана күтетін көрерменнің көп болуы сапалы әзіл мен жақсы ойыншыға байланысты.

Жайдарман ойындарында жайдары жақсы әзілімен көрермендердің көзайымына айналу – басты міндет. Жайдарман ойындарының жандана түсуі көпшілікке оң көзқарас қалыптастырып, жастардың қызығушылығын жыл өткен сайын арттыруда.

Дегенмен, саннан гөрі сапаның болғаны маңыздырақ. Себебі, жиылған халық пен әділ бағасын берер төрешінің де күтетіні - ой салар астарлы әзіл, қағытпа қалжың.

Жүйесіз сөз, арзан күлкі, дарақы қылық, құр айқай–шу осындай тізбекпен елге күлкі сыйладым деп, өзі күлкіге қалып жататын жайдарман топтарының қатарына қосылмауды да ойлау қажет.

Ал, көпшілік қауымның жайдарман жайлы ойын сұрап, берер бағасын білгенімізде түрлі пікірлерді естідік. Бірі әзілдердің көңіл көншітпейтінін айтса, бірі жайдарман ойындарының жаңарып жатқандығына тоқталды.

Араларында біздің ойын форматымыздың да ерекшелігін айтып жатты. Соған тоқталсам. Мен басшылық ететін жайдарман тобы негізінен болмайтын әзіл және саясат тақырыбын да қозғайды. Әрбір ойынға алдын ала дайындықпен келеміз.

Әзілдерді өзіміз шығарып, көңілге ұнамдылығын да ескеремзі. Айта кетерлігі, біздің ойын көрсетуде де ерекшеліктеріміз бар, яғни, фишкамыз.

Олар: оқымысты бала мен ақымақ бала, толық қыз бен арық жігіт, қай-қайдағыны айтатын бала. Одан бөлек, «иә, иә» деген сөздермен «демеп» тұратын ойыншы да бар.

– Сөз бостандығына тоқталсақ... "Жайдарманда" цензура бар ма?

– Иә. Кейде балалар дұрыс әзілдей білмейді. Астарлап, шымшылап, қазақы түрде мақтамен бауыздағандай етіп жеткізуге болатын жерде турасынан қойып қалады. Айқайлағанша, тып-тыныш жасау керек. Сөз бостандығына келер болсақ, нақты бір шектеу бар деп айта алмаймын.

Мәселе жеткізу формасында. Менің командам қоғамдағы өзекті мәселені көбірек сынға алып, ел ескерер есті әзілдерді халық назарына ұсынамыз. Сабырлы еңбектің құны салмақты болмақ. Қарапайым көрерменнің де, осы саладағы мамандардың да пікірін білдік.

Әрі қарай ой таразысына салып, тұщымды әзіл ойнай білу - жайдарманшылардың, ал оны саралау - көрерменнің еншісінде.

– "Жайдарманның" миссиясы қандай?

– Өз ортасын таба алатын, ұлтжанды, ана тілімізде әзілдей алатын, қазақша сөйлеуден ұялмайтын, адамгершілігі жоғары азаматтарды тәрбиелеп шығару. Өйткені, "Жайдарман" – мүмкіншіліктер мекені. Ашылып сөйлеуге, сахна мәнерін үйренуге, жан-жақты болуға үйретеді.

– Сұхбатыңызға рахмет!

Шыңғыс МАРХАБЕКҰЛЫ
9-сынып оқушысы
С. Сейфуллин атындағы
орта мектеп
Алматы облысы
Ескелді ауданы
Бақтыбай ауылы
Жетекшісі: Жанна Қауранбекова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2025 »
Пн	Вт	Ср	Чт	Пт	Сб	Вс
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Мы в соц сетях:

Нұркен Қойшыбаев: "Жайдарман" – менің өмірім

Поделиться материалом

Другие материалы по теме

По читаемости

По материалам