Қазақстан міндетті сертификаттауға жататын өнімдердің бірыңғай тізбесін әзірлемек
Техникалық реттеу және метрология комитеті «Қазақстанның кейбір заңнамалық актілеріне техникалық реттеу мәселесі бойынша өзгерістер мен толықтырулар енгізу туралы» заң жобасының тұжырымдамасы жобасын әзірледі, деп хабарлайды Zakon.kz.
Заң жобасын әзірлеушілердің хабарлауынша, Қазақстанда мұндай тізім 2005 жылы бекітілген. Бірақ заңдарда тікелей құзіреттіліктің жоқтығынан кейін ол жойылған. Осы уақытқа дейін көптеген позициялар ұлттық техникалық регламенттердің жоқтығынан тұрақсыз күйінде қалып отыр.
Атап айтқанда, ауылшаруашылық техникасы мен оған арналған қосалқы бөлшектер: қару-жарақ пен оған арналған патрондар, ауыл шаруашылығы өндірісінің және тамақ өнеркәсібінің өнімдері, байланыс құралдары, тұрмыстық химия және халық тұтынатын тауарлар, отын шикізаты, құрылыс материалдары және тағы басқа.
Осыған байланысты, техникалық реттеу саласындағы уәкілетті органға оны бекіту құзыретін бере отырып, Қазақстанда міндетті сертификаттауға жататын өнімдердің Бірыңғай тізбесін белгілеу ұсынылады. Уәкілетті органға осындай тізбені бекіту құқығын берумен қатар, КО шешімін және қауіпсіздік тәуекелі жоғары өнімдердің ерекше маңызды түрлері бойынша талдамалық мәліметтерді ескере отырып, міндетті ұлттық сертификаттауға жататын өнімдерге қатысты критерийлер айқындалады.
Бірыңғай тізімді енгізу мыналарға ықпал етеді:
- халықтың қауіпсіздігін қамтамасыз ету;
- адал бәсекелестікті нығайту.
Сонымен қатар мұндай тізімді жасау сәйкестікті растау нысандарын және тауарлар сәйкес келуі керек стандарттау құжаттарын анықтауға мүмкіндік береді (қазір ұлттық стандарттарда жоқ), әзірлеушілер сенеді.
Комитет уәкілетті органға тиісті құзыретті беру нарықты ЕАЭО техникалық регламенттері күшіне енбеген қауіпті өнімдерден қорғауға және азаматтарды қауіпті өнімдерден қорғау бойынша ұлттық деңгейде шешімдер қабылдауға мүмкіндік береді деген қорытындыға келді.
Құжат 26 тамызға дейін қоғамдық талқылау үшін Ашық НҚА веб-сайтында жарияланған.
