Ауылдан жырақта жүрсем де, Ақжарым ойымнан кетпейді

Көрнекі сурет «Туған елдей ел болмас, туған жердей жер болмас», - дейді дана халқымыз. Туған жер - адам өмірінен ойып тұрып орын алар ең маңызды бөлшек. Өмірді туған жерінсіз елестету мүмкін емес.Дүниеге келген әр адамның туған жері бар. Ол біреулерде қала, біреулерде аудан.

Ал менің туған жерім - алтын бесік ауылым. « Ауыл» десем көп адамдар біртүрлі көзқараспен қарайды. Бірақ әлемді таңқалдырған ғалым, шешен тілді ақын, таңдайына бұлбұл ұя салған әнші - бәрі де ауылдан шыққан. Сол секілді мен де ауылдың қара көз қызымын.

Ауылымның аты – Ақжар. Ауылдың іргетасы 1958 жылы қаланған. Ауылдың сыртында үлкен биік жар болған екен, соған сәйкес ауылдың аты «Ақжар» деп аталыпты.

Ауылымыз жылдан-жылға дамып келеді. Қазіргі таңда елдімекенде №28 орта мектеп, №7 «Шаттық» балабақшасы, Мәдениет үйі, аурухана, мешіт, түрлі дүкендер және ұннан жасалатын өнімдерді шығаратын цех жұмыс жасайды.

Тұрғындардың негізгі кәсібі егін мен мал шаруашылығы.Өсіретін мал түрі - жылқы, сиыр, қой, ешкі. Егетін өнімдері: күріш, бидай және бақша дақылдары. Ауылдастарым еңбекқор жандар. Келген қонағын ерекше сыйлап, төрден орын беріп, барлық тәтті-дәмдісін аузына тосады.

Қазір мен оқуыма байланысты қалада тұрамын. Бірақ демалыс сайын ауылыма асыға келемін. Келе сала анамның құрт-майын, айран-сүтін ішемін. Одан бөлек ата-анама қолғабыс етемін. Ауылда жұмыстың үлкен-кішісі жоқ. Адамдар таң сәріден қойды, сиырды өріске айдайды.

Үлкендер кезекпен қой бағады. Жұмыстың ең қызығы кешке басталады. Өрістегі қойды күтіп, түгендейміз. Кейде малымыз адасып кетіп жатады. Адасқан малды іздеп, жаяу аралаймыз. Сөйтіп жүргенде өрістен сиыр келеді. Осылайша демалыстың қалай өткенін байқамай қаламын.

Ауыл мен үшін қымбат,бағалы.Егер біреу маған: «Ауылыңды басқа жерге айырбастайсың ба?», - десе, мен ойланбастан «жоқ» деп жауап берер едім. Туған жер - менің кіндік қаным тамған жер.

«Бұл күні жүректен қалай жыр түлемес,
Туған жерге шын бақыт кім тілемес?
Ақжарым,сенде туып өскен бала
Биікке ұмтылмауы мүмкін емес?» деген өз жүрегімнен шыққан өлеңмен шығармамды аяқтағым келеді.

Меруерт ҚҰЛДҮЙСЕНОВА
9 «Б» сынып оқушысы
№5 көру қабілеті бұзылған
балалардың арнайы
мектеп-интернаты
Қызылорда қаласы
Жетекшісі: Гүлнар Мыңбаева

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Февраль 2026 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28

Мы в соц сетях:

Ауылдан жырақта жүрсем де, Ақжарым ойымнан кетпейді

Поделиться материалом

Другие материалы по теме

По читаемости

По материалам