Мойнақ су электр стансасы – инновациялық энергетиканың көзі

Бір кездері Кеңестер Одағы ыдырамай тұрғанда құрылысы басталып, қаржы жетіспеушілігі салдарынан тасталған, еліміз егемендік алып етек жеңімізді жинай бастаған тұста Елбасы өзі тұсауын кескен «Мойнақ» СЭС бүгінде еліміздегі алып энергетика көзі саналады. Бұл жерде тағдырлары осы еңбекпен ұштасқан еліміздің түкпір-түкпірінен келген еңбеккер жандар жұмыс жасауда. Ынтымағы мен бірлігі жарасқан бұл өңірде қазір көрікті ауыл бой көтерген.

«Біз Қазақстанның жаһандық экономикалық үдерістерге сай дамып келе жатқан ел болуын қалаймыз. Әлемдегі жасалған жаңа мен озық атаулыны бойына сіңірген, дүние жүзілік шаруашылықтан шағында болса өзіне лайық орын иемденген әр жаңа экономикалық жағдайларға жылдам бейімделуге қабілетті ел болуын қалаймыз» деп атап көрсеткен болатын Елбасы Н.Ә.Назарбаев Қазақстан халқына жолдауларының бірінде.

Осы тұрғыда мен өз ауылым «Мойнақ» жайлы айтпақпын. Менің ауылым кішігірім болғанымен, ол жердей телегей-теңіз бақыт, қуанышқа толы мекен. «Мойнақ» ауылының іргетасы 1985 жылы қаланған екен.

1992 жылы қаржыландырудың тоқтауы салдарынан құрылыс жұмыстары жүргізілмей қалған. 2005 жылы ҚР Үкіметінің арнайы шешімімен жоба жалғастырылған болатын. Мойнақ су электр стансасы - елімізде баламасы жоқ бірегей құрылыс нысаны.

Тіпті дүние жүзінің өзінде мұндай нысан саусақпен санарлық. Бұл жерде 80 тұрғын үй бар. Тұрғындары Қазақстанның түкпір, түкпірінен жұмыс бабымен көшіп келген.

Біздің ауылымызда салынған аталмыш СЭС - ТМД елдері бойынша салынған үшінші инновациялық құрылыс. Станцияның ерекшелігі - су қоймасы мен СЭС ғимаратының арасындағы 9,2 шақырымдық деривация арқылы келген су 500 метрлік сарқырамадан төменге құйылып, қуаты 150МВт болатын су турбинасы іске қосылады.

Нәтижесінде экологиялық таза электр энергиясы өндіріледі. Станцияның орташа жылдық өнімділігі 1020 КВт/сағат. Жобаның жалпы құны 54,1 миллиард теңгені құрайды. Біздің ауылдың үйлері еуропалық стильде салынған. Ауылымызда 3 қонақ үй, 1 балабақша, мешіт бар.

Ауылымыз тап-таза, ауасы таза, табиғатын сөзбен айтып жеткізу мүмкін емес. Ауылымыз даму үстінде, алдағы уақытта мектеп салу, спортзал салу жоспарда бар. Біздің ауылда барлық жағдайлар жасалған. Бізде футбол, баскетбол, волейбол алаңдары бар.

Ауылымыздың жастары жыл сайын волейболдан, футболдан, теннистен жарысқа барып жүлделі орындармен оралады. Менің ауылым – менің мақтанышым. Ауылымызда әр мейрам ерекше қызықты өтеді. Соның бірі – Наурыз мейрамы.

Наурыз мейрамында топ – топқа Мойнақ СЭС – інде жұмыс жасайтын әке – аналарымызды бөліп, жарыстырады.Өте қызықты. Мойнақ ауылының тұрғындары өте ақкөңіл, жайдарлы жайсаң мінезді, қамқор, білімді жандар. Әр уақытта маған өз ақылдарын айтып отырады.

Мен жанбасам лапылдап,
Сен жанбасаң лапылдап,
Ол жанбаса лапылдап,
Аспан қалай ашылмақ – демекші өз ауылымды өзім мақтамасам, ауылымның бар екенін мен көрсетпесем, кім көрсетеді? Менің ауылым – менің Отанымның кішкентай бөлігі.

Алтынай РАХМЕТОВА
11-сынып оқушысы
Алматы облысы
Райымбек ауданы
Жылысай ауылы
Жетекшісі: Гүлмира Көктеубаева

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Декабрь 2025 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

Мы в соц сетях:

Мойнақ су электр стансасы – инновациялық энергетиканың көзі

Поделиться материалом

Другие материалы по теме

По читаемости

По материалам