Әшімбаев қазіргі қоғам неге мұқтаж екенін айтты
![](https://matritca.kz/wp-content/uploads/2022/08/guwavhesupq4jvmfyfmglhizihzovlrgapyxdmah.jpg_width1200xheightautoxtype1-780x470.webp)
Бұл туралы Сенат спикері Мәулен Әшімбаев Орталық Азия волонтерлері форумының пленарлық сессиясында айтты, деп хабарлады BAQ.KZ тілшісі.
Волонтерлер пандемия кезінде қайсарлық пен еңбекқорлық көрсетті. Соңғы бірнеше жылдағы жағдайлар қоғам мен Үкіметті волонтерлік қозғалысқа басқаша қарауға міндеттеді. Қазіргі қоғамда волонтерлік қозғалыстың маңызы арта береді. Әлем бүгін күрделі кезеңде тұр. Адамдар әртүрлі әлеуметтік мәселелер мен катаклизмдерден зардап шегіп жатыр,- деді Әшімбаев.
Сенат төрағасы айтқандай, бүгінде қоғам құндылықтарды ілгерілетудің дұрыс жүйесіне мұқтаж.
Өзара көмек пен өзара тиімді идеяларды ілгерілетуді қалайды. Бүгінде адамдарға бейжай қарамайтын азаматтардың қолдауы керек. Волонтерлер қоғамда жаңа байланыстың моделін қалыптастырып жатыр. Бұл әрқашан мейірімді, жүрегі ашық адамдардың болуына сенім сыйлайды. Волонтерлер өз қызметінің нәтижесінде қоғамды жақсы жаққа өзгертеді. Елдегі волонтерліктің деңгейі қоғамның ересек екенін көрсетеді, – деді Әшімбаев.
Форумға Қазақстанның барлық өңірі мен көршілес Тәжікстан, Өзбекстан, Қырғызстан, Әзербайжан, Түркіменстан, Түркия, Армения, Ресей және Беларусь Республикасынан 200-ден астам делегат қатысып жатыр.