Восточно-Казахстанская область
Шығыс Қазақстанда қар көшкіні жүрді
Жауапты мекемелердің жұмысшылары жолды бірден тазартты
![](https://matritca.kz/wp-content/uploads/2023/01/3fd3b735-1d74-4bc0-854b-af3218d36589-780x470.png)
Шығыс Қазақстан облысында қар көшкіні жүрді. Бұл туралы ШҚО төтенше жағдайлар департаменті баспасөз қызметі мәлім етті, деп хабарлайды Azattyq Rýhy.
«Өскемен-Таулы Үлбі-Солтүстік» тасжолының учаскесінде жалпы көлемі 150 текше метр қар көшкіні жүрді. Бұл уақытта аталған жол жабық болатын. Жауапты мекемелердің жұмысшылары жолды бірден тазартты, — делінген хабарламада.
«Қазселденқорғау» ШҚ филиалының мамандары қар көшкінін жасанды жолмен де түсіріп жатыр. Қыс мезгілінің басынан бері өңірде 80 000 текше метрден астам қар түсірілген.