Қазақстанда енді такси жүргізушісі, жолаушы және маршрут деректері тіркелмек
Депутаттар таксиде жүру ақысын төлеу кезінде тасымалдаушы, жолаушы, уақыт пен маршрут туралы мәліметтерді көрсетуді ұсынды. Ал премьер-министрдің бірінші орынбасары Роман Скляр бұл ұсынысты қолдады. Бұл туралы Stan.kz ақпарат агенттігі хабарлайды.
«Аmanat» партиясының бір топ депутаты такси саласында қызметті тасымалдаушы ретінде анықтауға мүмкіндік беретін билет жүйесі жоқ екенін атап өтті. Қайғылы жағдай орын алған жағдайда жәбірленушілердің отбасылары мен зардап шеккендер сапардың коммерциялық болғанын, яғни ақы төлеп отырғанын дәлелдеуге мәжбүр.
Сондай-ақ депутаттар жүргізушілерді тапсырыс алған кезде және төлемді жасағанда өзін-өзі реттейтін ұйымның платформасында цифрлық растауды қамтамасыз етуді ұсынды.
«СРО ережелері мен стандарттары тасымалдаушы, жолаушы, уақыт және бағыт туралы ақпаратты көрсететін жол жүру ақысын төлеу тәртібін қарастырады. Ол такси агрегаторлары үшін қауіпсіздік талаптарына жауап беретін жүргізушілердің ортақ тізімін құруды көздейді», – деді Роман Скляр.
Премьер-министрдің бірінші орынбасарының айтуынша, онда жүргізушінің жүргізуші куәлігі бар-жоғы, техникалық байқаудан өткен-өтпегені, сондай-ақ жолаушылардың азаматтық-құқықтық жауапкершілігін сақтандыру туралы ақпараты болады.
Еске салсақ, жаңа жылдан бастап елімізде ресми тіркеуден өтпеген такси жүргізушілері «Яндекс», «InDrive-тан» тапсырыс қабылдай алмайтынын хабарлаған едік.
