Бизнесменнің бүкіл отбасын қырып салған: Алматыдағы адам шошырлық қылмыстың мән-жайы

2013 жылы маусым айында алматылық кәсіпкер Ержан Сәкенов бірнеше сағатқа жұмыс бабымен үйінен шығып кетеді. Қайтып оралып, сұмдық жағдайға тап болады. Аяғы ауыр келіншегін, екі кішкентай ұлы мен қонаққа келген туысын біреу өлтіріп кеткен. Сейфті де алып кетіпті.

Дереккөз: Sputnik Казахстан

Үйдегілердің бәрін қырып салған

Жұмыс бабымен кетіп, екі сағаттан соң үйіне оралған Ержан пәтердің есігі ашық жатқанын көріп аң-таң болады. Кірген бойда, үйдегілердің атын атап шақыра бастаған. Алайда ешкім жауап бермеді. Неге екені сол сәтте белгілі болды.

Ержан қонақ бөлмесінде аяғы ауыр әйелінің қанға боялған денесін көреді. Көрші бөлмеде келіншегінің ағасы өлі табылады.

Кішкентай ұлдарын аласұрып іздеген Ержан олар тірі шығар деп үміттенген еді. Алайда екі баланы да ваннаға тұншықтырып өлтіріпті.

Ер адамның қоңырауынан кейін полиция тез келді.

Жылдар бойы талай сұмдықты кезіктірген жедел топ мүшелері мән-жайды көріп, төбе құйқалары шымырлады. Олар ештеңеден тайынбайтын нағыз қанішерлерді іздеу қажеттігін бірден түсінді.

Қарақшылық шабуыл екеніне күмән жоқ

Бүкіл отбасының өліміне алдын ала жоспарланған тонаушылық әкеп соққанына тергеушілердің еш күдігі болмады: пәтерден ірі көлемде қаражат және зергерлік бұйымдар жатқан сейфті алып кеткен. Қылмыскерлер құнды заттарды іздеп үйдің астаң-кестеңін шығарыпты.

Тағы бір маңызды жайт бар еді. Есіктің құлпы бұзылмаған. Демек, қылмыскерлерді үй иесі өзі кіргізген, яғни келіншек олармен таныс деген сөз.

Отағасының тонаушылыққа қатысы бар-жоғы да тексерілуі тиіс еді. Бірақ бұл дерек расталмады. Қарақшылық шабуыл кезінде ол базардан балалар бөлмесіне қажетті құрылыс материалдарын сатып алған болатын. Бүкіл отбасы дүниеге үшінші сәбидің келуін асыға күтіп жүріпті.

Ең қызығы, көпқабатты үйде тұратын көршілер шабуыл кезінде ешқандай айғай-шуды естімепті, қылмыскерлердің сейфті алып бара жатқанын да көрмеген. Полицейлер таң атқаннан кеш батқанға дейін ауладағы орындықта отыратын әжелерден де сұрастырған. Ешкім ештеңе білмейді.

Жедел қызметкерлер қылмыскерлердің кім екенін және қайдан іздеуге болатынын білмей дал болып жүргенде, қарақшылар патруль экипажының көзіне түседі. Олар қылмыс жасаған үйдің жанындағы шұңқыр ішінде ұрланған сейфті ашқалы жатқан жерінде ұсталыпты.

Жұмысшының кінәлі екеніне сенбеді

Шұңқырда сейфті ашқалы жатқан ер адамдарды көрген полиция оларды ұстамақ болады. Алайда тәртіп сақшыларын байқап қалған күдіктілер қаша жөнелген.

Дегенмен, ешқайсысы құтылып кете алмады, полиция бәрін қолға түсірді.

Пәтерден ұрланған сейфті ер адам бірден таныды. Күдіктілердің арасынан үйін жөндеген Өзбекстан азаматын көргенде, өз көзіне өзі сене алмады.

Ержан Сәкенов Икболжан Турдиевтің қылмысқа қатысы жоқ екенін полицейлерге түсіндірмек болған. Өйткені үйінде жұмыс істеп жүргенде, балаларға бауыр басып, бірге ойнайтын, отбасы да өзбек азаматына кәміл сенген.

Айта кетсек, Турдиев ақыры соңына дейін түк білмегендей кейіп танытты. Бүкіл отбасының өліміне қатысым жоқ деп ақталуға да тырысқан.

Алайда Турдиевке қарсы бұлтартпас айғақтар болды. Бірнеше қылмыстық сараптама растағандай, жантүршігерлік қылмыс жасағандардың бірі соның дәл өзі еді.

Ержан Сәкенов айтып бергендей, сол қаралы күні таңертең Турдиев үйге келген. Ол балалар бөлмесін жөндеуге келіседі.

Кәсіпкер өзбек азаматымен қалай танысты?

Ержан Сәкенов Турдиевпен 2009 жылы оның досының үйін жөндеп жатқанда танысқан. Сол кезде өзбек азаматы бизнесменнің байлығы туралы біліп қатты қызыққан екен.

Икболжанның өзі бөтен елде әрең күнелтіп жүреді, өйткені тапқан табысының басым бөлігін Өзбекстандағы отбасына жіберетін.

Икболжан мен Ержан екеуі жақсы араласып, көп ұзамай көрші елден келген жұмысшы бизнесменнің өз адамы болып кетеді.

Балалар бөлмесін жасамақ болған кезде де Ержан Сәкенов Икболжанның көмегіне жүгінген. Ол да қуана келісіпті.

Ашық мінезді, елгезек гастарбайтердің бірнеше жылдан бері қарақшылық шабуыл ойластырып жүргенін Ержан қайдан білсін...

Турдиев бұл қылмысты бір өзі жасай алмайтынын түсінеді, сондықтан сыбайластар іздей бастайды.

Алматы тұрғындары Ерлан Мамриев пен Бақытжан Мұхажанов өзбек азаматының ұсынысына көп ойланбай, бірден келісе кетеді. Мұны бар мәселені шешіп, байып кетудің таптырмас жолы деп түсінеді.

Егжей-тегжейлі жоспарланған қылмыс

11 маусымда таңертең Турдиев Сәкеновтің үйіне келеді. Ол жөндеу жұмыстарын аяқтауға біраз материал жетпейтінін айтқан.

Бір сағаттан соң Ержан көлігіне мініп, қажетті заттарды алып келуге кетеді.

Үй есігін қаққан кезде Ержанның әйелі Икболжанды көріп, еш ойланбастан кіргізбек болады. Есікті аша бергені сол еді, бетінен жойқын соққы алып, есін жоғалтқан.

Икболжан әйелді үтіктің сымымен қылқындырып жатқанда, сыбайластары келіншектің ағасын пышақтап тастайды.

Не болып жатқанын түсінбей, шуды естіп бөлмеден шыққан балалар "Икбол ағаларының" мойнына асыла кетеді. Сол кезде ол ұлдарды "ойнайық" деп алдайды.

Жуынатын бөлмеге кіріп, ваннаны суға толтырған Икболжан әуелі Ержанның кіші ұлын тұншықтырып тастап, артынша жеті жасар баланы да дәл солай өлтірген.

Қарақшы сотты алдамақ болды

Үйдегілерді қырып салған қылмыскерлер пәтерді түгел ақтарып, сейфтен басқа құнды бірдеңе іздейді.

Басқа ештеңе таппаған олар сейфті алып, қылмыс орнынан ізін жасырған.

Қарақшылар темір қораптың ішінде қанша ақша барын білмей кетті. Сейфті аша алмай жатқан жерде патруль экипажы үстілерінен түскен екен.

Сот отырысында күдіктілердің бірі – Бақытжан Мұқажанов – Сәкеновтің үйінде не болғанын түсінбедім, екі қарақшыны танымаймын, сол күні такси болып жүр едім деп ақталды.

Бірақ тергеушілердің айғағы жеткілікті еді. Ер адам қылмысқа белсенді араласқан: әйелді қылқындырып, балаларды ваннаға тұншықтыруға көмектесіпті.

Барлық қатысушының ішінде Турдиев қана кінәсін толығымен мойындады. Тіпті жасаған ісіне қатты өкінетінін де жеткізді.

Судья сотталушылардың бәрін өмір бойына бас бостандығынан айырды.

Іс фигуранттарының аты-жөні өзгертілді.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Май 2024 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

Бизнесменнің бүкіл отбасын қырып салған: Алматыдағы адам шошырлық қылмыстың мән-жайы

Поделиться материалом

Другие материалы по теме

По читаемости

По материалам