Төмен бағаға үй мен көлік алып береміз деген алаяқтар елді жарты миллиард теңгеге тақырға отырғызды

"Нарықтық құнынан төмен бағаға элиталық үй және қымбат көлік алып береміз!". Осындай желеумен алаяқтар отызға жуық отбасын жарты миллиард теңгеге тақырға отырғызған. Алайда жәбірленушілердің тергеу амалдарына көңілдері толмайды. Өйткені тұрғындарды алдап, ақшаларын алған азаматтар сотқа тек куәгер ретінде ғана тартылыпты. Бұл туралы Еуразия бірінші арнасы хабарлайды.

Арзанға үй алу үшін, жылдар бойы табан ақы, маңдай терімен жинаған ақшаларын санап берген тұрғындар не ақша, уәде етілген үйін ала алмай жер сипап қалыпты. Олардың арасында мұғалімдер мен дәрігерлер,

мемлекеттік қызметкерлер де бар екен. Алайда іс сотқа жеткенде жәбірленушілер жағаларын ұстаған.

ЛӘЙЛӘ МӨБЕКБАЕВА, ҚАЛА ТҰРҒЫНЫ:

“Ұлыма машина алып беремін деп, бізден 3 миллион 700 мың теңге ақша алады. Содан әне берем, міне берем деп, не машина жоқ, не ақша жоқ. Міне бір жыл болды алдап келе жатыр. Келіп сотқа қатыссақ Венера мен Чинирбаев бұл сотқа қатыспайды да. Бұл сотта ол жоқ. Білмейміз кімге заявление жазып, басқа адамдарды қарап жатыр”.

РАЙХАН ӘЗІМОВА, ҚАЛА ТҰРҒЫНЫ:

“Балаларымнан алаяқтық жолмен 7,5 миллион Шымырбаев пен Абдрахманова деген осы Талғарда тұрады. Міне сол адамдар сотта жоқ. Олар басында күдікті болып қаралған еді тергеу барысында прокуратураға жеткенде, прокуратурадан кейін Шымырбаев сотта мүлдем түсіп қалған, ал Абдрахманова құр куәгер ретінде”.

Күдіктілер жұртшылықтың сенімін арттыру үшін бастапқыда кейбіріне арзанға көлік пен үй де алып беріпті. Қоныс тойын тойлап, көлігін жуғандар да болған. Бұл жаңалық желдей есіп, үміткерлер қатары арта түскен. Жалға алынған үйлерді баспана ретінде ұсынып отырған. Тиісті құжаттар алынғанша күте тұруды өтінген. Жөндеу жұмыстарын жүргізіп, құжаттарын күтіп отырғанда шынайы қожайындары келіп, үйден қуып шыққандар да бар екен.

ГҮЛДАНА БАҚБЕРГЕН, ҚАЛА ТҰРҒЫНЫ:

“Үлкен кісілер болды. 80 миллион теңге берген кісілер болды. Ең көп сумма. 70, 50, 45, 25 ең азы 19 миллион теңге берген біздің дос баламыз бар екен. Оны біз сот барысында білдік. Акиматта істейміз деп өздерін предоставляли”.

ЛӘЙЛӘ МӨБЕКБАЕВА, ҚАЛА ТҰРҒЫНЫ:
“ Алматинский администрация акиматтан бөлінген машиналар, списаниеге кеткен машиналар деді бастықтардың. Бұлар списаниеге кеткен жаңа машиналар көп айдалмаған. Соларды сіздерге арзан ақшаға алып береміз деген әңгімелер”.

Қалалық соттың баспасөз қызметі тұрғындарды алдап, жарты миллиард теңгеге тақырға отырғызғандардың ісі сотта қаралып жатқандарын растады. Екі адамға айып тағылыпты. Қазір сот алдында жауап беруде.

ДИЯС МАХАМБЕТОВ АЛМАТЫ ҚАЛАЛЫҚ СОТЫНЫҢ БАСПАСӨЗ ХАТШЫСЫ:

“Сотталушы Жамал Тынаева мен Әлия Нұрсейітоваларға мемлекеттік бағдарлама бойынша нарықтық құнынан төмен бағаға үй алып беремін деп 27 жәбірленушіні алдап, 500 миллион теңгесін алғаны үшін айып тағылып отыр”

Жәбірленушілер мен алдағандар Талғар қаласының тұрғындары екен. Тергеу осы жерде жүргізілген. Бірақ істің Алматы қаласында қаралып жатқанын түсіне алмауда. Сондықтан істі қайта тергеуге жіберуді талап етуде.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июль 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

Төмен бағаға үй мен көлік алып береміз деген алаяқтар елді жарты миллиард теңгеге тақырға отырғызды

Поделиться материалом

Другие материалы по теме

По читаемости

По материалам