Баутин теңіз айлағы мен Түпқарағанның турист тартуға барлық мүмкіндігі бар

Маңғыстауым – маңғаз далам, паң далам,
Келбетіңе қараймын да таңғалам.
Кеудесіне сыйғызып мол байлықты,
Бүгінгі күн асып жатыр арнадан.

Туған жер дегенде бойындағы қаны қызбайтын, жүрегі елжіремейтін адам баласы бола қоймас. Табиғатты ұл-қызындай аялап, қорғай білген ата-бабамыздың адамгершілік асыл қасиеті, жомарттығы мен сезімнің асқақтығы да сол табиғатпен үндесіп жатқандай.

Жеті жұрт келіп, жеті жұрт кеткен маңғаз өлкенің туристік мүмкіншіліктері өте көп, алайда біз оны дұрыс пайдаланып жүрміз бе? Маңғыстаудың туризмінің қазіргі жағдайы қандай? -деген сұрақтарға жауап іздеп көрейікші.

Көпшілігіміз бұл жерде туризм дамып жатқанын білмейміз. Казірдің өзінде 23 жоба қолға алынып, нысан құрылыстары басталып кетті. Бірақ, бұл жеткіліксіз. Қаншама нысандар салынып, турфирмалар жұмыс істегенімен шетелге кеткен туристер саны азаймай отыр.

Көбісі бұған кедергі келтіруші мына 7 факторды себеп етеді.

Олар:

Инфляцияның өсуі, әлемдік қаржы нарығының тұрақсыздығы;

Табиғи апат факторлары;

Бағдарламаның толыққанды орындалмауы, стратегиялық құжаттардың сапасыз іске асырылуы;

Білікті мамандардың аздығы;

Инфоқұрылымның жеткілікті дамымауы;

Жергілікті атқарушы биліктің жеткілікті дәрежеде көңіл бөлмеуі;

Маркетингтік шаралардың жеткіліксіздігі және т.б.

Біз бәсекеге қабілетті экономика қалыптастырғымыз келсе, әуелі осы мәселелерді шешуіміз керек.

Маңғыстауға табан тіреген әр адам өлкенің тарихына қызықпауы мүмкін емес. Аңызға айналған ғашықтардың хикаялары, табиғат қолынан шыққан тас мүсіндер мен таңғаларлық әсем табиғат әр жанды бөтенсімей өзіне тартып тұрады.

Солардың ішіндегі өзіме жақыны әрі ерекшелері өзім туып-өскен Маңғыстаудың қарашаңырағы - Түпқараған түбегінің таңғажайыптары: Тамшалы, Шүйелі, Захар бақша. Бұлардың ерекшеліктеріне тоқталсақ.

Тамшалы - кәдімгі киіз үйге ұқсас дөңгелек кеуек үңгір. Айырмасы тек шаңырағы, уығы, иінінен жоғары жағы жоқ.

Захар бақша (күкірт суы деген атпен белгілі) - асты теңіз, үсті тау, ортасы бақша бұл жерден ағып жатқан қысы- жазы ыстық судың шипасы мол. Бұдан ағатын SO2, яғни күкірт суы адамның терісіне өте пайдалы, теріге шыққан кетпейтін жараларды емдей алатын қасиеті бар.

Егер де осы сала дамыса, экономикаға үш түрлі әсері бар.

1. Шетелден тікелей қаржы құйылады;

2. Адамдар жұмыспен қамтылады;

3. Экономикадағы төлем балансы мен экспорттық саудаға жағымды әсер етеді.

Осыларды қорыта келе менің бірнеше ұсынысым бар:

1) Шетелге, яғни, өзге мемлекеттерге өзімізді жарнамалау керек, егер біз танытпасақ, олар бұндай керемет жерді білмейді;

2) Захар бақшасындағы бұрынғы «Арай» пионер лагерінің орнына туристік маңызы бар нысан салынса, өзінің емдік суын және Шақпақ ата жеріндегі балшықты пайдалана отырып, емдік шараларды қосуға болады;

3) Туристік компаниялар 4 мезгілдің 1-еуіне ғана емес, барлығына жүйелі түрде жоспар құрса;

4) Келген туристің қаржысына қарай жерімізді таныстырса, нұр үстіне нұр болар еді.

Маңғыстау ойың терең, қырың биік,
Жат жерге кете алмадым көзім қиып .
Жат жерге кетіп едім сені қиып,
Көзімнің жүре алмадым жасын тыйып,- деп Түмен Балтабасұлы жазғандай бұл жердің бір киесі бар.

Шабыттанған ақынның жырына арқау болған Маңғыстауда туризмнің дамуына сенеміз және біз, келешек ұрпақ осыны қолға аламыз.

Гүлдана НҰРҒАБЫЛОВА
8-сынып оқушысы
Жалау Мыңбаев атындағы
мектеп-гимназия
Маңғыстау облысы
Түпқараған ауданы
Баутин ауылы
Жетекшісі: Анар Төлеуова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Сентябрь 2026 »
Пн	Вт	Ср	Чт	Пт	Сб	Вс
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Мы в соц сетях:

Баутин теңіз айлағы мен Түпқарағанның турист тартуға барлық мүмкіндігі бар

Поделиться материалом

Другие материалы по теме

По читаемости

По материалам