"Жанап өтті балалық, бала болып өспедім..."

Жанап өтті балалық, бала болып өспедім,
Шаруаның ғұмыры кенедейден кешкенім.
Менен сұра,
Бидайдың егілгенін, өскенін,
Менен сұра,
Еңбектің қысқа таңын, кештерін.
Менен сұра соғыстың тастап кеткен зардабын,
Ауыл қайтіп көтерді қан майданның салмағын, - дейді ақын Мұқағали Мақатаев «Менен сұра» өлеңінде.

Бұл шумақ Ұлы Отан соғысы жылдарында Қазақстанның майданды ауыл шаруашылық өнімдерімен қамтамасыз етудегі ролі мен маңызын еске түсіреді. Біздің елімізде Жеңіс күні атап өтілетін мейрамдардың арасында айырықша орын алады.

Ұлы Жеңіске үлес қосқан адамдардың барлығы да есімізде мәңгі қалады. Солардың арасында тек майдан алаңында соғысқан батырлар ғана емес, тыл адамдары да бар. Мені ерекше қызықтырған тылдағы адамдардың өмірі болды.

Олардың өмірі, еңбегі мен бастан кешкен оқиғаларын оқыған соң менде ол кісілерге деген құрмет, алғыс сезімі күшейді. Біз өз жерлестерімізбен мақтана аламыз. Қазір ол кісілердің қатары сиреп, өте аз қалды, біз ол кісілерді құрметтеп сыйлап жүруіміз керек. Тыл ардагерлері бүкіл елдің түкпір-түкпірінде болды.

Біздің Глубокое ауданында да 400 тыл еңбеккері бар екен. Олар сол кезде 8-10 жаста болған. Сол еңбек ардагерінің бірі, Қазақ ССР еңбек сіңірген металлургы, Глубокое ауданының құрметті азаматы - Шәріпжан Ахметқалиұлы.

Ол 1932 жылы 12 наурызда Шығыс Қазақстан облысының Таврический ауданы Украинка ауылында дүниеге келген. Оның тағдыры, оның отбасының тағдыры - біздің еліміздің тарихындағы жарқын көрініс. Ол кісі 8 жасынан бастап еңбекке араласты, соғыста жақындарын жоғалтты.

1944 жылдан бастап Таврический ауданындағы «Победа» колхозында жұмыс істеді. 1951-1954 жылдар аралығында Совет әскерінде қызмет атқарды. Кейіннен 1554 жылы Глубокое кентіне келіп, Ертіс мыс қорыту зауытында еңбек етеді. 1955 жылы шаңырақ көтереді.

Оның жұбайы Сагдат Аубакирқызы да сол жерде жұмыс жасаған. Шәріпжан ақсақал зауытта қызмет етіп жүріп көптеген істерге үйренеді. 1983 жылы өз үлесін қосып, аянбай еңбек еткені үшін «Үздік комбинат тәлімгері» марапатына ие болады.

Шәріпжан ата бес рет социалистік жарыстың жеңімпазы атанып, алты рет зауыт және комбинаттың құрмет тақасына енгізілді. 1982 жылдан 1986 жылдар аралығында өндірістік оқыту инструкторы болды. Сонымен қатар 20 жылдай уақыт бойына мыс балқыту цехының партия ұйымының хатшысы болып қызмет атқарды.

1974 жылдан 1984 жылға дейін Қазақстан тау-кен металлургия өнеркәсібі кәсіподағы Орталық комитетінің пленумының мүшесі болып сайланды. 2001 жылы зауыт жұмысын тоқтатқан уақытқа дейін зауыт ардагерлер кеңесінің төрағасы болып сайланды.

Бірнеше рет КСРО Жоғарғы Кеңесінің депутаттарының және Қаз ССР, Глубокое ауданының әкімдерінің сенімді өкілі болды. 2000 жылы «Глубокое ауданының құрметті азаматы» атағы берілді. Қазіргі уақытта кентіміздің ақсақалдар кенесінің және ардагерлер кеңесінің, облыстық ардагерлер кеңесінің мүшесі.

Ерен еңбегі мен белсенділігі үшін бірнеше марапаттарға ие болды. Атап айтқанда, 1966 жылы «Ленин» орденімен, 1970 жылы «В.И.Лениннің 100 жылдығын еске алу күніне орай ерен еңбегі үшін» мерейтойлық медалімен марапатталған.

1971 жылы «Еңбек Қызыл Ту» орденімен марапатталған және «Қазақ ССР құрметті металлургы» атағына ие болды. Ал 1982 жылы «Еңбек ардагері» медалімен марапатталған.

Бүкіл соғыс уақытында тыл монолитті және күшті болған.Ол майдандағы солдаттарға германия агрессиясын жеңуі үшін және ұлы жеңіс үшін үлкен үлес қосқан. Ұлы Отан соғысындағы жеңісі адамзатты фашизм қаупінен құтқарды. Қазақ халқының бұл жеңіске қосқан үлесі зор.

Соғыстың ауыртпалығын көтеріп, бостандықты қорғаған қазақстандық батырлардың есімі әрқашан ел есінде сақталады. Соғыстың алғашқы күндерінен бастап “Барлығы майдан үшін, барлығы жеңіс үшін!” деген ұранмен соғысқа аттанған ерлердің орнын әйелдер, қариялар мен балалар алмастырды.

Қорытындылай келе айтарым, тыл еңбеккерлерінің де жауды жеңудегі рөлі жоғары. Олар соғыс күндерінің барлық ауыртпалықтарын зор қажыр-қайратпен көтеріп, патриотизмның үлгісін танытты деп сеніммен айта аламыз.

Қымбат МҰХАМАДИЕВА
9 «Б» сынып оқушысы
Оралхан Бөкей атындағы
қазақ орта мектебі
Шығыс Қазақстан облысы
Глубокое ауданы
Глубокое кенті
Жетекшісі: Нұрлан Нурсеитова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Ноябрь 2024 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Мы в соц сетях:

"Жанап өтті балалық, бала болып өспедім..."

Поделиться материалом

Другие материалы по теме

По читаемости

По материалам