Туған өлке құшағында

Қазақтың қызына Қазақтың даласы туралы сыр шерту – үлкен мәртебе. Елдің елдігін, тәуелсіздіктің тұғырын жырға қосу - жүздің біріне ғана бұйыратын іс. Айбарлы да айбатты, қайсар да қамқор болып өскен дала қызына туған өлке тақырыбы таңсық емес.

Әйтсе де, кіндік қаным тамған жерді тебіренбей, елжіремей жыр-әніме қоса алмаймын. Ел дегенде жүрегім қалай дүрсілдесе, туып өскен Шымкентімді айтқанда да қанатым бітіп, бойыма ерекше күш-қайрат енеді.

Шымкент – тарихы тереңде жатқан, көнелердің дара жолынан, алтын ізінен қалған, Жәбектің тоғыз торабьын қиылыстырған, қасиеті мен құдәреті сабақтасқан ерекше қала. Елдің көшін көтеріп, басын билеген дана да, жалауын көкке көтертіп, әнұранын жат жұрт, жеті ғаламға шырқатқан бала да Шымқаладан шыққан-дыр.

Тарихтың мұрасын сақтап, һәм байлығын ұрпақтан ұрпаққа қалдырып отырған көне қаланың өмірі XI−XII ғасырлардан бастау алған. Ерте кезден бастап қолайлы мекен болған аймақтың қазіргі климаты, географиялық орналасуы, халқы да тіршілігі де қолайлы.

Шымкентте мүмкін еместің бәрі де мүмкін. Себебі Шым қаламыз – армандардың орындалатын жетістіктер ордасы. Көктемнің жадыраған кешінде бүршік атқан жеміс ағашындай қала әр тұрғынына өмірлік жеміс сыйлайды.

Қарыштап дамып, сағаттап өсіп жатқан шаһардың бүгінгі келбеті мен көрінісі кез келген жанды өзіне баурайды. Үшінші мегаполис – Қазақстанның жерұйығы, Қазақстанның Техасы. Жайқалған бағы алуан гүлдерге толы болса, сол бағынан сылдырлаған күлкіні естисіз.

Себебі Шымкентте бақытты жандар тұрады. Күн көзіндей кұлімдеген, жүректері лүпілдеген жандар сән-сарайына айналған ақ орданы махаббаттан жаралған қала десек артық болмас.

Өйткені, Шымкент – ғашықтардың мекені, сол ғашықтардың кішкентай бақытының өлкесі. Шымкент өзінің ауа-райы сияқты нұрлы, жылы, қонақжай, шуақты жандармен бірге.

Қаланың бүгінгі келбеті жаңа құрылыстармен толы болса, сол инфрақұрылымдардың барлығы туристік өндірістің дамуына септігін тигізеді. Дегенмен, биік-биік ғимараттар бәрінде баршылық. Ал жасыл қаладағыдай табиғат екінің біріне бұйырмайды.

Жасыл әлемі кемелденген дала келбетіндей-ақ. Асқар таумен қоршалған бейнесі әсемденген саябақтарында ғажап көрінеді. Шымкенттің дамыған бүгінгі көрінісі ертегілер елінде жүргендей тұңғиық сезім береді.

Шымқала Қазақстандағы ғылым мен білімнің дамуына септігін тигізіп жатқан шексіз жолдар түзеді. Оның бірінші дәлелі – қос Назарбаев Зияткерлік мектебі. Одан түлеп ұшқан оқушылар мен баурайында көктеп, жетіліп келе жатқан зияткерлер де қаланың, өлкенің, Республиканың дамуына өздерінің тың идеяларын ұсынып отыр.

Жыл сайын өткізілетін «кретивті самғау» жобасы оқушылар арасындағы бәсекелестік пен дамуды қолдайды. Осы арқылы түрлі тақырыптардағы жаһандық мәселелерді шешу жұмыстары жүргізілуде.

Атап айтқанда, қалдықтарды өңдеу, экологиялық тиімді тазалау жұмыстары, эко үй, радияция шығармайтын құрылғылар, эко көліктер мен үнемдеу жобалары. Қаламызда бизнес пен басқа да салаларды дамытуға бағытталған кешкі кездесулер ұйымдастырылған.

Халықтың психология және бизнес тақырыптарын игеруі мен еркін меңгеруіне бағытталған жобалардың ең сәттісі – PECHA-KUCHA. Онда қызығушылық танытқан әрбір тұрғын сахнада өз идеясын білдіріп, TEDX-тегі сияқты идеяларын жүзеге асыру жолдарын қарастырады.

Өлкеде велосипедпен жүру жобасы басталғаннна бері, салауатты өмір салтын ұстанатын жандар көбейген. Бұл қаланың экс-әкімінің бастамасымен жүзеге асырылды. Қалада жаңа технологиялармен жабдықталған жаңа дизайндағы центрлермен қоса, спорт және өнер саласын қолдайтын орталықтар, стадиондар, студиялар мен кешендер бар.

Қаламызда елдегі ең жас бизнесмендер Ильяс Отан және Медеу Дильдабеков хостел жұмысын бастады. Олар Канадалық бизнесмен Жаннет Моринмен бірігіп, онлайн-хостел түрін шығарған. Сонымен қатар, Chaplin’s group, Night Club және Pecha-Kucha жобаларының директоры, жас бизнесмен Тоқтар Алимбеков те Шымкенттің қазіргі жасампаз азаматына жатады.

Қаланың қызықты адамдарының қатарына Республикалық Жайдарман ойындарының жеңімпаздары жатады. Оңтүстіктің атын шығарып жүрген жайдарманшылар әзіл арқылы елде көтеріліп жатқан түрлі мәселелерді астарлап жеткізіп, оның шешілуін сұрауда.

Сонымен қатар, өнер адамдарының көпшілігі Шымкенттен шыққаны анық. Өңірдің азаматтарының салауатты өмір салтын ұстануы, денсаулығын күшейтуіне бағытталған «dance battle» жобасы белсенділік танытуда.

Шымкент ғасырлар бойы өз сұлулығын сақтап келе жатқан ғажап қала ретінде тарих беттерінде алтын әріппен қалары анық. Шымкентте туған әр адам қаланы сүйіп өтері анық. Себебі Шымкент – армандар ордасы, ертегі қаласы, жер Жәннаты.

Ақмарал ІЗТІЛЕУ
12 «А» сынып оқушысы
Физика-математика бағытындағы
Назарбаев Зияткерлік мектебі
Шымкент қаласы
Жетекшісі: Нұрсәуле Нұрмағамбетова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2025 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Мы в соц сетях:

Туған өлке құшағында

Поделиться материалом

Другие материалы по теме

По читаемости

По материалам