Ауылына мешіт салдырған атпал азаматқа жұрт дән риза

Тектілердің мекені, талаптының тұяғы тиген, танымалдар түлеген қасиетті Қызылқоға ауданын білмейтіндер кемде-кем. Осы қақпақты қара қазан – Қызылқоғадан шыққан тұлғалардың бірі өнерімен өрге жүзсе, енді бірі азаматтылығымен мәлім. Ал мен сөз еткелі отырған тұлға қазақ бабамның «Еңбек етсең емерсің» деген нақыл сөзін мықтап жанына тоқыған, білегіне емес, біліміне сенген, мақтауға да, мақтануға да тұрарлық азамат, аталмыш ауданның тумасы – Жауғашты Жоланұлы Нәбиев.

Жауғашты Жоланұлы Нәбиев – 1942 жылы Атырау облысы, Қызылқоға ауданындағы Сағыз ауылында дүниеге келген. Туған өлкем Сағызымда сағым қуып өскен Жауғашты ағамыз, қазіргі таңда өзім білім алып жатқан №9 орта мектебінің түлегі.

Оқуға түсіп, қазақ ауыл шаруашылығы институтын бітіріп 1965-1975 жылдары арасында «Қызыл ту» пластмасса бірлестігінде электрик, инженер, жаңа лаборатория бастығы, бас инженердің орынбасарлығына көтеріледі.

Ал бас директор болса Жауғашты ағамыздың өте білімді, жаңалықшыл инженер ғана емес, бизнеске де бейімі бар екенін байқап өзіне коммерция жөніндегі орынбасар етіп алады.

Сол жерден Жергілікті өнеркәсіп министрлігіне жоғарылап, 1982 жылдан бастап Министрлер Кеңесінің жаңадан ашылған «Сыртқы байланыс және көрме» бөліміне меңгеруші болып ауысты. Күні бүгінге дейін сол кезде өзі құрған «Қазақстан Коммерция» компаниясының президенті.

Атап өтсең аты дардай боп көрінетін мамандықтар мен компания атаулары Жауғашты ағамыздың тәкәппарлығын арттырып айға алып кеткен жоқ. Керісінше, ағамыз қандай белестен аттап, қандай шыңға қол созса да елдік, ұлттық мүддеге ықыластығын жойған жоқ.

Атақты жазушы Сәбит Мұқановтың Маңғыстау жеріне сапарынан кейін туған немересінің атын қалай «Адай» деп қойғаны жайлы білетін боларсыздар. Өзінің шыққан тегі Адай Жеменей руының тектілі мен іске ептілігі Жауғашты ағамыздың бойынан танылып-ақ тұрды.

Өзімнің туған өлкемнен түлеп ұшып, төрткүл дүниені шарлап елімнің нарығының дамуына зор үлес қосқан азаматтың жомарттығын айтпай кетсем, сын болар. Өзінің өткені мен бүгінін саралай алған, туған жердің текті ұлы 2008 жылы ауылымызға өз қаражатымен «Абдолла Хазіреті» мешітін салдырған болатын.

Бұл игілікті бастама рухани білім мен дініміздің үйлесуіне септігін тигізді. Мешіт салынғалы арада он жыл өтсе де күннен-күнге нұрланып, мұсылман жұртшылықтың рухани нәр алатын ғимараты өз қасиетін жоймай қаз қалпында тұр.

2017 жылғы Елбасымыздың «Болашаққа бағдар: рухани жаңғыру» атты мақаласы жарияланғалы бері біз секілді мектеп оқушылары үшін жаңалық боп көрінетін көптеген рухани дүниелер көз алдымызда танылып, көңілге қонып жатыр.

Алайда, рухани жаңғыру керек екен деп рухани жерлерді аралап, ескерткіш бастарына ас беріп деген секілді дүниелер де көп жасалып жатыр. Бірақ, мен мұндай шаралардан рухани азық алып жатқандай емеспін.

Мен ХХІ ғасырдың ұланымын, менің түсінуімде рухани жаңғыру – өткен ғасырларда өмір сүрген, елдік мүддені жанына серік еткен бабаларымыздың ісін немесе салт-дәстүрлерімізді жаңғырту.

Тарата айтқанда, Жауғашты секілді абзал азаматтарымыз жастайынан көптеген игілікті істе жүрді, міне қазіргі ХХІ ғасырда да осындай алдыңғы буын ағаларымызды үлгі ете отырып, солар секілді азаматтарды тәрбиелеп шығара алсақ, бұл – нағыз рухани жаңғыру болмақ.

Ақнұр САЙФОЛЛА
10 сынып оқушысы
№9 орта мектеп
Атырау облысы
Қызылқоға ауданы
Сағыз ауылы
Жетекшісі: Асылан Мәтенов

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2025 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Мы в соц сетях:

Ауылына мешіт салдырған атпал азаматқа жұрт дән риза

Поделиться материалом

Другие материалы по теме

По читаемости

По материалам