Шиелі – құтты мекенім » Матрица.kz - Информационно-аналитический портал

Шиелі – құтты мекенім

Еңбектегі ерлерің,
Мақтанышы елімнің.
Арта берсін ер даңқың,
Гүл жайнаған Шиелім.
Т. Шопашев

Менің өлкем – сырлы да, сыйлы, қасиетті де киелі өлке – Шиелі. Шиелі ауданы – ежелгі Сырдария өзенінің орта ағысында орын тепкен қастерлі мекен. Шығысында алты алашқа белгілі Сығанақ, Бестам шаһары, теріскейінде Оңтүстік өңірге етене сұғына орналасқан қазақ тауының атасы қарт Қаратау жатыр.

Еліміз егемендік алған жылдардан бері біздің өлке қарыштап, қарқынды даму үстінде. Өндіріс, ауыл шаруашылығы, шикізат өнеркәсібі жағынан Қазақстан экономикасына елеулі үлес қосуда. Елімізде сымбаты мен көркі жағынан алдыңғы қатарлы аудандардың бірі әрі бірегейі.

Шиелі – табиғаты сұлу, климаты керемет жер. Жерінің беті мен асты тұнған байлық. Топырағы егін егуге өте қолайлы. Қауын , қарбыз, картоптың бірнеше түрін өсіретін Шиелінің дәмі тіл үйіретін қауындары елімізде ғана емес, бүкіл ТМД елдерінің халқына белгілі.

Құнарлы да, құтты өңіріміз Шиелі ауданының негізгі байлығы – күріш. Сол күріштің құт мекенде кең етек жайып, жайқала өсуіне, халықтың ырысына айналуына себепші болған жандар аз емес.

Оның ішінде ерекше атап айтатыным - 1949 жылы омырауына Социалистік Еңбек Ерінің Алтын жұлдызын таққан, төрт Ленин орденін, бүкілодақтық халық шаруашылығы жетістіктері көрмесінің 11 алтын медалін төсіне қадап, Мемлекеттік Сыйлықтың лауреаты атанған Ыбырай Жақаев атамыз.

Қарапайым қазақ диқанының есімі әлемге әйгілі болды. Әрбір гектар егістен 171 центнерден күріш өндіру жұмыр жерде бұрын-соңды болып көрмеген ерлік еді, таза еңбектің шырқау биігі болатын. Сол кезде 60-ты алқымдап қалған диқан кетпенмен жер бетіне күрішші шежіресін жазды, үш жыл қатарынан осы көрсеткіштен төмендеген жоқ.

Еңбектегі осындай зор табыстары үшін қарапайым күрішші өз бақытын осылайша еңбектен тапты, аспан дәні атанған күріш дақылы оны мұратқа жеткізді, шыңға шығарды.

Адам бақытты болу үшін жаралған. Ал өмірдегі бақытыңды табудың түп негізі – еңбек. Еңбек ету арқылы адам адаммен , қоғаммен араласады. Өзара берік байланыста болады. Бақытты еңбектен тапқан қаһарман, еңбегімен елінің де, өзінің де даңқын шығарған кемеңгер дихан Ыбырай Жақаевтың ізбасарлары- Ким Ман Сан, кейіннен шиелілік 38 Еңбек Ерінің жоғары еңбек марапатына ие болуы аудан көлемінде ғана емес, жалпы Сыр бойында егіншілікке бет бұрудың нәтижесі еді.
"Дән деген – Жақаевы,
Ән деген –Нартайы,
Ел деген – Шоқайы бар"
бұл өлке өзінің ұлы тұлғаларын Қазақ еліне сыйға тартуды бір сәткеде тоқтатқан емес. Өңірімізден шыққан ұлы тұлғалар елімізге елеулі үлес қосуда.

Шиелі – Сырдың сақиналы маржаны, Қазақстанның көрікті жауһары десем, артық кетпегенім. Бұл шығармамен мен Шиелінің кішкентай ғана артықшылығын айттым, айтылмағаны қаншама. Бұл мендік ой, Аружан Ысмайылованың туған өлкесіне деген кішкене ғана лебізі.

Шиелі – менің туып өскен жерім, алтын бесігім, асыл қазынам.

Аружан ЫСМАЙЫЛОВА
№46 А.С.Пушкин атындағы мектеп-лицейінің
7-сынып оқушысы
Қызылорда облысы
Шиелі кенті
Жетекшісі: Гүлмира Рүстемова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Октябрь 2025 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

Шиелі – құтты мекенім

Поделиться материалом

Другие материалы по теме

По читаемости

По материалам