Ақәділ Суханбаевтың туған ауылы жайлы не білеміз?

Туған жерді сүю — парыз,
Сүю үшін білу парыз.
Қасиетін ұғу — парыз,
Күзетінде тұру — парыз.
М.Әлімбаев

Осы мақаланы жазар алдында Елбасымыз Нұрсұлтан Назарбаевтың «Біз Қазақстанның барлық азаматтарының Отаншылдық сезімі мен өз еліне деген сүйіспеншілігін дамытуға тиіспіз» деген парасатты пайымын басшылыққа алдым. Әрбір азамат туған өлкесінің өткен тарихын білуге тиіс.

Қазақтың қай ауылына барсаң да, ғасырлардың куәсіндей әр жерде қадау-қадау боп қалып қойған саялы бәйтеректерді кездестіресің. Біздің ауылымызда да сондай тамыры терең, жапырағы жайқалған бәйтеректер бар. Мен бүгін сол бәйтеректерге кеңінен тоқталамын.

Жетпіс жылдан астам үстемдік еткен коммунистік идеология өткен тарихымыздағы ақтаңдақтарды жариялатпады. Ал қазір оған барлық мүмкіндік бар. Әрбір азаматқа туған өлкесінің өткен тарихын білу – парыз. Мен өз ауылым туралы қысқаша айта кетейін.

Арысын айтпағанда, үстіміздегі ғасыр басынан бері ел тағдыры сынға түскен қаншама тарихи оқиғалар болды. Әр кезеңде халық қамын жеген қайраткерлер аз болған жоқ. Бар қазақ пен алты Алашқа танылған олар, әрине, қазіргі ұрпаққа зор мақтаныш. Халқымызда;

«Дүние-мүлік, қазына – күні жетіп тозады,
Аталардан қалған сөз – уақыттан да озады»,-

деген даналық тұжырым бар. Аталарымыз Сәмбет ұрпақтары замана көшіне сай соққан талай дауылдар салдарынан жан-жаққа тарыдай шашырап кеткен. Тарихтың талай дауылы соқса да, батыр ұрпақтарының бабалар өсиетіне адалдық танытқаны – мақтан етерлік жағдай.

Осы киелі мекенде «ақ сауытты, алмас қылышты» хас батыр атанған Қосы Сәмбетұлы қазақтың ұлт ретінде қалыптасуына өлшеусіз еңбек сіңірген. Ауылдың негізгі кәсібі – қант қызылшасын өсіру ісі «Батырақ» ауылы колхоз болып құрылғаннан бастап қолға алынды.

1929 жылы «Батырақ» ауылы құрылды. Батырақ –кедей шаруа деген мағынаны білдірген. Алғашында барлық ауыртпалық ауыл еңбекшілеріне түскен.

1937 жылдың құрбаны болған мемлекет және қоғам қайраткері Жақаш Мамыров ауданда МТС –ты алғаш құрған азамат. Бабалардың ерлігінен рух алған Ақәділ Суханбаевқа Польша жерінде жасаған өшпес ерлігі үшін Кеңес Одағының Батыры атағы берілді.

Бар жоғы 24 жасында, 1944 жылы 31 шілдеде ерлік көрсетіп, атамыз Ақәділ Суханбаев өмірден озды. Ағаділдей атамыздың батырлығын ұрпаққа жеткізу мақсатында жерлес жазушы аталарымыз Арғынбай Бекбосын мен Тұрсынхан Толқынбай ерлік туралы толғаныстарын кітап етіп шығарды.

Мектебімізде Ақәділ Суханбаевқа арналған мұражай бар. Мұражай А. Суханбаевтың ерлік жасағанына 30 жыл толғанда ашылған. Мектеп алдында А.Суханбаев ескерткіші де бар.

Одан бөлек, «Бәрі де майдан үшін, бәрі де жеңіс үшін» деген ұранмен тылда еңбек көрігін қыздырған қаншама әйелдер мен балалар болды.
1950 жылдан бастап ұсақ ұжымшарлар біріктіріліп, Суханбаев колхозы құрылды. Колхоз еңбекшілері қызу еңбектері үшін бірқатар наградалар алып, туған елін даңққа бөледі.

Колхоз шаруаларының қызу еңбегіне қарап, жас ұрпақты еңбекқорлыққа шақырамын. Еліміз тәуелсіздік алғаннан кейін жекешелендіру үрдісі жүріп,колхоз тарқады.

1998 жылдан бастап ауылымызға Жақаш есімі берілді. Ауылымыздың құрылғанына биыл 89 жыл толып отыр.

Қазіргі кезде ауыл жастары ата-баба өнегесімен болашағы жарқын күндерге үмітпен қарайды. Өткен тарихымызды баяндай келе, келер ұрпаққа мақтан етер, үлгі тұтар жетістіктеріміз аз емес. Мен туған өлкемді мақтан тұтамын.

Аяжан НҰРЛЫБЕК
А.Суханбаев атындағы орта мектептің
9-сынып оқушысы
Жамбыл облысы
Байзақ ауданы
Жақаш ауылы
Жетекшісі: Ләйла Егешова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Май 2026 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Мы в соц сетях:

Ақәділ Суханбаевтың туған ауылы жайлы не білеміз?

Поделиться материалом

Другие материалы по теме

По читаемости

По материалам