Қазақстанда «Өрлеу SMART-педагогы» атты байқау аяқталды

Колледж оқытушылары мен мектеп мұғалімдері арасында «Өрлеу SMART-педагогы: табысқа жетелейтін кәсіби жол» тақырыбында өткен республикалық байқаудың нәтижелері жарияланды. Байқауға бүкіл Қазақстанның оқытушылары қатысуға мүмкіндік алды.

«Өрлеу SMART-педагогы: табысқа жетелейтін кәсіби жол» байқауының марапаттау салтанаты өтті. Байқау мектеп мұғалімдері мен колледж оқытушыларының біліктілігін көтеру мақсатында өткізілді. Байқау ұйымдастырушысы – «Өрлеу» Біліктілікті көтеру ұлттық орталығы» АҚ. Байқаудың ортақ құрылтайшысы ретінде атсалысқан Microsoft компаниясы мұғалімдерге оқыту тәжірибесінде заманауи ақпараттық технологияларды ендіруге көмектесті. Байқауға қатысуға Қазақстанның бүкіл өңірлеріндегі педагогтер ниет білдірді.

Байқауға қатысу кезіндегі міндетті шарттардың біріне сәйкес Microsoft жаһандық порталында оқудан өту талап етілді. Оқытушылар «Оқыту технологияларының негіздері» атты курсты өтіп, «Skype in the Classroom негіздері», «Sway негіздері», «Office Mix негіздері» сынды кез келген қосымша модульді таңдауға мүмкіндік алды.

Байқау қорытындысы бойынша келесі оқытушылар жеңімпаз атанды:

- Алматының индустрия, туризм және қонақжайлық колледжінің оқытушысы Ерасыл Мамырбеков «Мен – Z буынына жататын педагогпын» атты жобасымен «Техникалық және кәсіби білім беру» санатында 1 орынды иеленді;

- Солтүстік Қазақстан облысы №1 Новоишим орта мектебінің мұғалімі Шынар Мұқашева «Бастауыш оқушыларының танымдық іс-әрекетін белсендендіру» атты жобасымен «Орта білім беру» санатында 1 орынды иеленді.

«Мен оқыту үдерісінде smart-технологияларды кеңінен қолданып, дамытуға мүмкіндік беретін жаңа идеялар мен мүмкіндіктерді әрдайым ізденіп жүремін, - дейді Ерасыл Мамырбеков. – Менің бүгінгі шәкірттерім «Z» буынына жататын тұңғыш нағыз цифрлік ұрпақ болғандықтан, мен «Z» буынына жататын педагог тақырыбын таңдадым. Осы студенттерім менің оқытушы ретіндегі ізденісіме шабыт беріп, сабақ барысында сан алуан smart-технологияларды қолдануға ынталандырады. Мәселен, қазір әрбір студенттің қолында смартфон бар екені белгілі. Сабақ барысында бұл технологияға тыйым салудың орнына, мен, керісінше, студенттердің Microsoft Office mobile көмегімен құжаттарды редакциялау және таныстырылымдарды дайындау, ақпарат іздеу, дидактикалық ойындарға қатысу (kahoot сервисі арқылы) сынды тағы да басқа көптеген технологияларды тиімді түрде кеңінен қолдануына жағдай жасаймын».

«Еліміздің келешегі мектеп қабырғасында және кәсіби білім беруде заманауи технологияларды қаншалықты толыққанды түрде қолданатынымызға байланысты. Технологиялар арқасында шекаралар жойылып, білім барынша қолжетімді бола түсуде, ал педагогтың рөлі өзгеріске ұшырауда. Нағыз SMART-педагог ақпарат ағынында дұрыс бағдар тауып, ең бастысын көруге көмектесіп, оқушылардың мобильдік және бұлттық технологиялар заманында биік жетістіктерге жетуі үшін іргетас қалайды. Білім беру саласы Microsoft қызметінде басымдық берілген басты бағыттардың бірі болғандықтан, біз Қазақстан оқытушыларының біліктілігін арттыруғ ары қарай да жағдай жасауды жалғастырмақпыз», - деп атап өтті Microsoft ТМД бизнес-операциялар жөніндегі директоры Әлия Назарқасымова.

«Өрлеу» Біліктілікті көтеру ұлттық орталығы» АҚ

«Өрлеу» Біліктілікті көтеру ұлттық орталығы» АҚ 2012 жылы құрылды. Орталықтың миссиясы – корпоративтік басқару негізінде жоғары білім беру сапасын қамтамасыз ету, әлемдік және қазақстандық тәжірибені кеңінен тарату арқылы педагогикалық кадрлар біліктілігін жүйелі түрде көтеру. «Өрлеу» орталығы қызметіндегі келешегі мол бағыттардың бірі жетекші білім беру ұйымдарымен халықаралық деңгейде ынтымақтасу болып табылады.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2026 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Қазақстанда «Өрлеу SMART-педагогы» атты байқау аяқталды

Поделиться материалом

Другие материалы по теме

По читаемости

По материалам