АСТАНАДА БАЛАНЫ ҚАЛАЙ БІРІНШІ СЫНЫПҚА ОРНАЛАСТЫРУҒА БОЛАДЫ?

Биыл Астана қаласында бірінші сыныпқа баратын оқушылардың рекордты саны тіркеліп отыр - 23 мың бала. Мектептегі орын тапшылығы 17 мыңды құрайтыны болжанады. «ҚазАқпарат» ХАА елорданың білім басқармасының мәліметтеріне сүйеніп, баланы мектепке орналастыруда ата-аналар жиі кездесетін сұрақтарға жауаптар іздеп көрді.

Электрондық үкімет сайтында, мектептер сайттарында және нақты қабылдау кезінде талап етілетін құжаттардың тізімі әртүрлі болуы ата-аналарда жиі түсініксіздік тудырады.

Әкімдіктен мәлім еткендей, оқушыларды бірінші сыныпқа тіркейтін қабылдау комиссиясы 2017 жылдың 1 шілдесі мен 30 тамызы аралығында жұмыс істейді. Бекітілген ережелерге сәйкес, мектепке қабылдау үшін келесі құжаттар талап етіледі:
1) баланың заңды өкілдерінен өтініш;
2) баланың туу туралы куәлігінің көшірмесі (нотариалды расталмаған);
3) денсаулық жағдайы туралы анықтама (медициналық паспорт);
4) тұрғылықты жерін растайтын мекен-жай анықтамасы немесе өзге құжат (мекен-жай анықтамасының орнына жылжымайтын мүлікке тіркелген құқық туралы №2 форма немесе жалға алу/сату-сатып алу туралы келісімшарттың көшірмесі (нотариалды расталмаған); 5) 3х4 см көлеміндегі 2 дана фотосурет.

Егер мектептерде мекен-жай анықтамасынан бөлек, анықтаманың, баспананы жалға алу немесе сату-сатып алу туралы келісімнің нотариалды расталған көшірмесін сұрайтын болса, 55-68-83 телефон нөміріне қоңырау шалу немесе zh.assanova@astana.kz поштасына хат жазу арқылы шағымдануға болады.

Астанада баспананың иесі де, жалға алушысы да болып табылмайтын, туыс-туғандарында тұратын отбасылар да кездеседі. Білім басқармасы мұндай жағдайда «Көші-қон туралы», «Тұрғын үй қатынастары туралы» заңдарына сәйкес уақытша тіркеуге тұруға кеңес береді. Бұдан бөлек, елордалықтар қаланың құрылыс қарқынымен байланысты қиындықтарға тап болуда. Барлық тұрғын үйлер ресми тіркеліп үлгермей жатады, осы себепті ата-аналар балаларын мектепке орналастыруда екі ойлы күйде қалады.

«Апта сайын жаңа үйлердің тізіміне мониторинг жасаймыз. Ақпарат түсісімен, үйді жақын орналасқан мектептердің біріне тіркейміз. Одан әрі жаңа үйлерді білім беру мекемесіне тіркеу туралы бұйрық шығарылады», - деп атап өтті білім басқармасының баспасөз қызметінен. Қалада барлығы 95 жалпы білім беретін мектеп жұмыс істейді.

Олардың 84-і - мемлекеттік, 11 - жекеменшік. 1 және 11 сынып аралығында білім беретін 90 мектептің 32-сінде сабақ - қазақ тілінде, 17 - орыс тілінде және 41 - аралас жүргізіледі.

Қалған 5 мектептің екеуі бастауыш мектептер, оларда сабақ қазақ және орыс тілдерінде жүргізіледі, 3 негізгі мектепте - орыс тілінде. Әкімдіктен атап өткендей, мектептерге жапсарлас тұрғызылып жатқан 5 нысанның құрылысы орын тапшылығы мәселесін шешуі тиіс. Олар жаңа оқу жылының қарсаңында пайдалануға берілуі тиіс.

Одан бөлек, жаңадан 6 мектеп бой көтере басталды, жыл соңына дейін тағы 4 мектептің іргетасын қалау көзделуде. Айта кетейік, Астананың орта білім мекемелерінде сондай-ақ мамандар тапшылығы бар, әсіресе бастауыш сынып мұғалімдері қажет.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Август 2022 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

Мы в соц сетях:

АСТАНАДА БАЛАНЫ ҚАЛАЙ БІРІНШІ СЫНЫПҚА ОРНАЛАСТЫРУҒА БОЛАДЫ?

Поделиться материалом

Другие материалы по теме

По читаемости

По материалам