Ақтөбеде кірпіш тапшылығынан құрылысшылар қол қусырып отыр

фото: 24.kz Ақтөбеде кірпіш тапшылығынан құрылысшылар қол қусырып отыр Жергілікті зауыттар құрылыс қарқынына ілесе алмай жатыр, деп хабарлайды «Хабар 24».

Салдарынан тас қалайтын мамандар қол қусырып отыр. Бұл мәселе әсіресе жеке компанияларға кедергі келтірді. Бұл үй бастапқы жоспарда 16 подъезі бар біртұтас кешен болуы тиіс еді. Алайда құрылыстың кешігуіне байланысты екіге бөліп, бірнеше кезеңмен тапсырып жатыр. Құрылыс компаниясы кірпіш тапшылығына байланысты алғашқы 8 подъезін ғана тұрғындарға берген. Ал қалған бөлігін тәмамдау үшін әлі 300 мыңға жуық кірпіш қажет.

«Баспананы дер кезінде тапсырмаған соң тұрғындар наразы. Бірақ бұл біздің қолымызда тұрған мәселе емес. Кірпіш болмаған соң құрылысшыларымыз да қол қусырып отыруға мәжбүр. Қазір біз осы жерге қажетті кірпішті жинап отырмыз. Шілде айында ғана құрылыс жанданады. 450-500 мың кірпіш қажет. Қолымызда тек 200 мыңы ғана бар», - дейді құрылыс компаниясының өкілі Махамбет Әбдірахманов.

Мұндай жағдай өңірдегі барлық құрылыс компаниясының басында бар. Әсіресе 1-2 қабаттың құрылысында қолданылатын 150 маркалы кірпіштің жоқтығы қолбайлау көрінеді.

«Қолымызға кірпіш түссе, бірден жұмыс жанданады. Бригадалар көліктен түсіріп үлгертпейді десек болады. 150 маркалы кірпіш тапшы. 125-маркалы да таптырмайды. Қазір 100-маркалы кірпішті жинап қойып отырмыз. Оның өзі көзді ашып жұмғанша таусылады. Бұрын 1,5 апта ішінде бір қабатты тұрғызсақ, қазір 3 аптаға дейін жүруге тура келеді. Екі есе кешігіп жатырмыз»,-деді құрылыс компаниясының өндірістік директоры Игорь Давлашеридзе.

Ақтөбеде кірпіш шығаратын 5 зауыт бар. Жылына 122 млн данасын өндіреді. Соңғы 4-5 жыл ішінде мұның өзі аз боп тұр. Сондықтан кірпіш соғатын шағын зауыт салуды құрылыс компаниялары өз қолдарына алған.

«Өзіміздің базамызда жылына 16 млн дана кірпіш шығаратын зауыт салуды қолға алдық. Бұл қажетті көлемнің тек 20 процентін ғана қамтиды. Құрылыс компаниясы бола тұра қызмет бағытын әртараптандыруға тура кеп тұр. Құрал-жабдықтар мен жұмысшыларды оқыту сияқты қосымша шығын да бар», - дейді құрылыс компаниясының директоры Самат Ұрмағамбетов.

Облыстық әкімдік өкілдері бұл жайтты өңірде құрылыстың қарқын алғандығымен тікелей байланыстырады. Жеке тұрғын үйді айтпағанда, дәл қазір көпқабатты баспана салатын 50-ге жуық компания жұмыс істеуде. Сәйкесінше материалға да сұраныс жоғары. Атырау мен Ақтау, Қызылорда мен Оралға да тасымалданып жатыр. Бұл орайда шенеуніктер әлеуметтік нысан құрылысын қатаң назарға алдық дейді. Зауыт өкілдерімен жүздесіп, бірінші кезекте мектеп пен балабақша, бюджеттік баспана құрылысына қажетті кірпішті кешіктірмеуін өтінген. Ал нарыққа тиесілі компаниялардың сұранысы жаңа зауыт жоспарлы қуатына көшкеннен кейін өтелетін болады дейді.

«Қазір Қандыағаш 41 млн шығару керек жылына, Лотос 70 млн шығару керек. Көктас 120 млн-ға есептелген. Қазір он млн-дай шығарып жатыр. Егер Көктас қосылатын болса, біздің мәселемізді шешіп кететін еді. Өкінішке орай шамалы уақыт керек боп тұр», - деді облыстық құрылыс, сәулет және қала құрылысы басқармасының басшысы Нағымжан Алдияров.

Шенеуніктер қалыптасқан жағдайға қарамастан өңірдегі құрылыс қарқынын төмендетуге негіз жоқ дейді. Белгіленген жоспарға сай биыл 1 млн 200 мың шаршы метр баспана қолданысқа беру көзделген. Сондықтан тығырықтан шығар жол табуға мүдделі.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июль 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

Ақтөбеде кірпіш тапшылығынан құрылысшылар қол қусырып отыр

Поделиться материалом

Другие материалы по теме

По читаемости

По материалам