Смартфонның көмегімен қан қысымын және қандағы оттегі мөлшерін шынымен өлшеуге болады ма?

Бүгінгі таңда смартфон тек байланыс құралы ғана емес, сонымен қатар өмірдің көптеген басқа салаларында сіздің көмекшіңіз бола алатын құрал болып табыладф. Заманауи смартфондарды аумақты шарлау, үйді басқару, автокөлік қозғалтқышын қашықтан іске қосу, ауа райын бақылау, қашықтан басқару пультін тексеру сияқты әртүрлі тапсырмалар үшін пайдалануға болады.

Бірақ кез келген дерлік смартфонмен денсаулығыңыздың негізгі көрсеткіштерін бақылауға болады деген пікір бар. Бұл мақалада біз сізге смартфон арқылы қандағы оттек мөлшері мен қан қысымын шынымен өлшеуге болады ма деген сұраққа жауап беріп көреміз.

Телефон камерасымен қандағы оттегі деңгейін өлшеуге бола ма?

Алдымен, пульсоксиметр жайлы білейік. Ол саусаққа киіктіріліп, қан құрамындағы оттегі мөлшерін есептейтін құрылғы. Сондай-ақ, смартфонды да пульсоксиметр ретінде қолданып, қанның кислородпен қанығу деңгейін анықтауға болады. Бұл дамыған технологияның жемісі. Сонымен қатар, осы қызметті атқару үшін арнайы жасалып, ғылыми зерттеулермен бекітілген қосымшалар да бар (бірақ, ақылы). Олар науқастарды емдеуге арналған препараттардан кем түспейді.

Алайда, бұл қосымшалар көрсеткен нәтижелер қалыпты жағдайдағы көрсеткіштермен сәйкес келгенімен, кейде қандағы оттегі төмендеп кеткенде дұрыс бағамдай алмай қалады. Ал бұл нәрсе денсаулыққа қауіп тудырады. Тағы да айта кетерлік нәрсе – смартфон камерасының көмегімен гипоксемияны анықтау мүмкін емес.

Смартфон арқылы қан қысымын өлшеуге бола ма?

Google Play және Apple Store ғаламтор дүкендерінде қан қысымын анықтау үшін пайдаланылатын қосымшалар бар. Олардың кейбіреулері "Фейк" немесе "әзіл" ретінде жасалған. Ондай бағдарламалардың барлығы ешқандай да қысымды өлшей алмайды!

Әдетте, аталған қосымшалар екі түрге бөлінеді. Біріншісін – ішінде дым жоқ «ақымақ» қосымшалар, екіншісін – смартфон экранынан қан қысымен көрсететін, бірақ өлшеу-өлшемеуі екіталай қосымшшалар деп атасақ болады. Бірінші санаттағы қосымшаның ешқандай пайдасы жоқ болса, екінші санаттағы саусақты камераға түсіріп, қысымды өлшейтін кейбір қосымшаларды пайдаланатын бірлі-жарым адамдар бар. Негізі бұл әдіс смартфон камерасы арқылы қалыпты жағдайда қан құрамындағы оттегін өлшеуге жарамды. Бірақ қан қысымын анықтау үшін мүлдем жарамайды! Одан бөлек, қан қысымын анықтайтын фитнес-білезіктер де ешқашан нақты ақпарат бере алмайтынын естен шығармаған абзал.

Бүгінде тек «Omron» компаниясы шығарған жалғыз сенімді сағат тонометр бар. Бағасы шамамен 500 доллар тұратын гаджет смартфонға қарағанда әлдеқайда тиімді қызмет етеді.

Глюкометрдің орнына Смартфон: нашар дамыған елдерге арналған Accu-Chek қосымшасы

Roche компаниясы шығарған SugarView бағдарламасы арнайы сынақ жолақтары мен смартфон камерасы арқылы қандағы глюкоза деңгейін анықтауға арналған құрылғы. Компания өкілдерінің айтуынша, бұл бағдарлама тек 2 типті қант диабеті немесе преддиабет бар адамдарға арналып жасалған. Сарапшылар бұл жобаны нашар дамыған және экономикалық жағдайы тұрақсыз елдер қолдау үшін құрылған болуы мүмкін деп топшылайды. Яғни, глюкометрді сатып алуға материалдық мүмкіндігі жоқ науқастар үшін. Өйткені, қосымшаның құны төмен және қолжетімді. Оның үстіне Android смартфондар үшін ғана жасалған.

Бұл қалай жұмыс істейді?

Талдау жасау үшін қан тамшысын тест-жолаққа қойып, оны суретке түсіру керек. Камера түстерді таниды және қолданба шкала бойынша талдау жасайды.

Жалпы, смартфон – үлкен өнертабыс, одан артық бағалаудың керегі жоқ. Денсаулықты бақылау тұрғысынан келсек, ол қарапайым зерттеулер үшін өте қолайлы құрылғы. Мысалы, қалыпты күйде жүрек қағысын есептеуге. Сондықтан, күрделі диагноз қоятын кезде телефонға үлкен сенім арту қателік.

Дереккөз: ernur.kz

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2026 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Смартфонның көмегімен қан қысымын және қандағы оттегі мөлшерін шынымен өлшеуге болады ма?

Поделиться материалом

Другие материалы по теме

По читаемости

По материалам