Тоқаев Украинадағы жағдайға қатысты пікір білдірді
Қасым-Жомарт Тоқаев Самарқандта өткен «Орталық Азия – Еуропа Одағы» саммитінде Украинаға қатысты келіссөз процесіне қолдау білдірді, деп хабарлайды Azattyq Rýhy.
«Қазақстан кез келген қақтығыстың бейбіт жолмен шешілуін жақтайды. Сондықтан Украинаға қатысты келіссөздердің басталуын құптаймыз. Мәселенің күрделі екенін түсінеміз. Дегенмен шиеленіс оң шешімін табады деп үміттенеміз, – деді Президент.
Мемлекет басшысы БҰҰ Бас Ассамблеясы Алматыда Орталық Азия мен Ауғанстан үшін орнықты даму мақсаттары жөніндегі аймақтық орталықты құру туралы қарарды бірауыздан қабылдағанын айтып, жиын қатысушыларына Қазақстанның бастамасын қолдағанына ризашылық білдірді. Оның пікірінше, Орталық Ұйымның 2030 жылға дейінгі күн тәртібін ілгерілетуге, өңірдегі өзекті әлеуметтік, экономикалық және экологиялық мәселелерді шешуге елеулі үлес қосады.
Саммитте сондай-ақ Өзбекстан президенті Шавкат Мирзиёев, Еуропалық Кеңес президенті Антониу Кошта, Еуропалық комиссия президенті Урсула фон дер Ляйен, Қырғызстан президенті Садыр Жапаров, Тәжікстан президенті Эмомали Рахмон, Түрікменстан президенті Сердар Бердімұхамедов, Еуропалық қайта құру және даму банкінің президенті Одиль Рено-Бассо сөз сөйледі.
