Восточно-Казахстанская область
ШҚО-да таудағы өртті сөндіру үшін тікұшақпен су төгіліп жатыр
Адам аяғы жетуі қиын жердегі өрт сөндіру қиындап барады
![](https://matritca.kz/wp-content/uploads/2023/07/64a3df0152512196716370-780x470.jpg)
Шығыс Қазақстан облысына қарасты Ұлан ауданы Асубұлақ орман шаруашылығының аумағында таулы, қол жетпейтін жерлерде құрғақ шөптер мен бұталар өртенді, деп хабарлайды Azattyq Ruhy.
Облыстық ТЖД мәліметінше, өрт 3 шілдеде тұтанған.
«Елдімекендерге қауіп жоқ. Өрттің жердің таулы, жартасты, жетуі қиын орында болуы сөндіруді қиындатып жатыр.
МИ-2 және МИ-8 тікұшақтарымен орманшылар мен өрт сөндірушілер жасақтары жану орнына жеткізілді», — делінген хабарламада.
Өртті сөндіруге ШҚО әуе бөлімшесі мен «Қазавиақұтқару» АҚ су ағызатын құрылғысы бар МИ-8 тікұшағы тартылып, ол 13 рет су төкті.
Өрттің алдын ала ауданы шамамен 6 гектарды құрайды.
«Өртті сөндіруге орманшылардан, өрт сөндірушілер мен жергілікті атқарушы органдардан 180-қа жуық адам, 23 техника, Шығыс Қазақстан әуе бөлімшесінің 2 тікұшағы «Қазавиақұтқару» АҚ-ның 2 тікұшағы жұмылдырылған», — делінген хабарламада.