«Мәңгілік Ел» актісінің жобасын қоғам талқысына шығару қажет

Қазақстан Республикасының Президенті Н.Ә.Назарбаев «Қазақстан жолы – 2050: бір мақсат, бір мүдде, бір болашақ» атты халққа жолдауында «Президент Әкімшілігіне, Үкіметке, Қазақстан халқы Ассамблеясына «Қазақстан-2050» жалпыұлттық қозғалысымен бірлесіп, «Мәңгілік Ел» патриоттық актісін әзірлеп, қабылдауды ұйымдастыруды тапсырамын» деген болатын. Содан бері жылдан аса уақыт өтсе де патриоттық акт әлі күнге өмірге келген жоқ.

Менің ойымызша «Мәңгілік Ел» патриоттық актісі мәңгілік құндылықтарға, яғни адам құқықтары мен бостандықтарын қорғаумен қатар ұлттық тарихымызды, әдебиет, мәдениетімізді, ұлттық өнер мен тілді дамыта отырып, Қазақстан Республикасындағы мемлекет құраушы қазақ елінің ұлттық құндылықтарын жаңғыртып, жандандырып, дамытуға, ұлтымыздың терең тарихынан сабақ ала отырып, жаңа заман талабына сай қуатты ұлттық демократиялық Қазақ мемлекетін қалыптастаруға бағытталуы керек деп есептеймін.

Естеріңізде болса билік органдары мен «Нұр Отан» партиясының өкілдері дайындаған «Ел бірлігі» доктринасының алғашқы нұсқасы ел ішінде екіұдай пікір туғызып, зиялы қауымның үлкен қарсылығы мен сынына ұшыраған болатын.

Қызу талқылаудан кейін, зиялы қауымның қатысуымен доктринаға үлкен өзгерістер енгізіліп, 2010-жылы Қазақстанның «Ел бірлігі» доктринасы қабылданды. Доктрина «Қазақстан Республикасы қазақ халқының сан ғасырлық мемлекеттілігінің құқықтық, тарихи жалғыз дара мұрагері және оның саяси, мемлекеттік құрылымының табиғи жалғасы болып табылады. Қазақстан Республикасы өз тәуелсіздігін қорғау және ұлттық мемлекеттілігін күшейту жолындағы барлық шараларды атқарады» деп басталып, ұлттық құндылықтарды дамытудың көптеген жолдарын, тетіктерін ұсынған болатын.

Доктринаның бір тарауы Ұлт рухын дамытуға бағытталып, «Ұлттың рухы халықтың өзіндік санасының бір бөлігі болып табылатын мыңдаған жылдық дәстүрге, құндылықтар мен мәдениетке, тілге сүйенеді. Осы тіл, дәстүрлі құндылықтар мен қайталанбас төл мәдениетіміз халыққа жүздеген жылдар бойы демеу болып, оны тарих жолында тарап кетуден сақтап қалды. Бұлар бүгінде де бізді өзгелерден айырып, ерекшелейді. Әрі қайталанбас бір тұтас руханиятымыздың іргетасы болып табылады. Сондықтан да мәдениетті, дәстүр мен тілді жаңғырту мен дамыту, ұлттық қадір-қасиетті нығайту - мемлекеттің ең маңызды міндеттерінің бірі» деп жазылды.

Доктринаны іске асыру үшін 2011 жылғы 25 мамырда «Қазақстанның ел бірлігі доктринасын іске асыру жөніндегі 2011-2014 жылдарға арналған іс-шаралар жоспарын бекіту туралы» ҚР Үкіметінің қаулысы да қабылданды.

Алайда, Доктринаны толыққанды жүзеге асыру өкінішке қарай тиімді жүзеге асырылмады. Аталған іс-шаралар жоспарының орындалуы қоғам ішінде ұлтты ұйыстыру, ұлттық рухты дамыту бағытында тегеурінді шаралар мен тиімді әрекеттер ұйымдастыруға қозғаушы бола алмады.

Өткен, 2013-жылдың 23-қарашасында Халық өкілдерінің Құрылтайы өтіп, аталған жиында Ұлттық демократиялық мемлекет қалыптастырудың тұжырымдамасы қабылданды. Бұл құжатта та Қазақстанда мемлекет құрушы ұлт – қазақ екенін атап өтіп, еліміздегі тыныштық пен тұрақтылықты сақтап, қоғамды рухани тазалыққа жетелеудің жолдары көрсетілді.

ҚР Президенті Н.Ә.Назарбаевтың тапсырған «Мәңгілік Ел» патриоттық актісі осы аталған Қазақстанның «Ел бірлігі» доктринасы мен Ұлттық демократиялық мемлекет қалыптастырудың тұжырымдамасының заңды жалғасы болуы тиіс.

Бұл екі құжатты да дайындау мен қабылдауға Мұхтар Шаханов, Дос Көшім, Рысбек Сәрсенбайұлы, тағы басқа көптеген танымал тұлғалар ат салысты.

«Мәңгілік Ел» актісін тек Президент Әкімшілігі, Үкімет, Қазақстан халқы Ассамблеясы және «Қазақстан-2050» жалпыұлттық қозғалысы ғана дайындайтын болса ол құжаттың сапалы әрі жалпы халықтың көңілінен шығатынына, ең негізгісі мәңгілік ұлттық құндылықтарды жаңғырту мен дамытуға бағытталатынына үлкен күмәнім бар.

Халық өкілдерінің Құрылтайы құрған Қазақ Ұлттық кеңесі және басқа да ұлттық бағыттағы ұйымдар мен зиялы қауым өкілдері, танымал тұлғалар мен ғалымдар аталған құжатты дайындауда негізгі күшке айналуы тиіс.

Осындай мәселелерді кеңінен баяндай отырып осыдан біраз бұрын Президент Әкімшілігіне хат жолдаған едім. Алайда ҚР Президент әкімшілігі Ішкі саясат бөлімінің меңгерушісі Аида Балаевадан жауап алдым. Жауапта «Мәңгілік Ел» актісінің дайын болып қалғанын баяндапты. Демек, бұл жолы да зиялы қауым өкілдерінің, ұлтшыл күштердің қатысуынсыз дайындалды деген сөз.

Осы жағдайды ескере отырып, біріншіден, дайындалған «Мәңгілік Ел» актісінің жобасын алдын ала баспасөзде, сайттарда жариялап, әлеуметтік желілерде талқылауды талап етемін. Екіншіден, жобаны дайындаушы топтың құрамына ғалымдарды, ұлтшылдарды, Қазақ Ұлттық кеңесінің мүшелерін қосуы керек деп санаймын.

Мақсат Ілиясұлы, «Халық бірлігі» ҚБ төрағасы,
Қазақ Ұлттық кеңесі төрағасының орынбасары

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2025 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Мы в соц сетях:

«М&#1241;&#1187;гілік Ел» актісіні&#1187; жобасын &#1179;о&#1171;ам тал&#1179;ысына шы&#1171;ару &#1179;ажет

Поделиться материалом

Другие материалы по теме

По читаемости

По материалам

«Мәңгілік Ел» актісінің жобасын қоғам талқысына шығару қажет