Достар арасындағы кикілжің – достықты қалай сақтауға болады?

Бізге адамдар арасындағы достық бұзылмайтындай, ал құрбылармен араласу тек қуаныш сыйлайтындай көрінеді. Алайда, ұзаққа созылған қарым-қатынас кезінде кикілжіңдердің де орын алуы заңды. Досымызды жоғалтпай, ұрыс-керісті қалай шешуге болады?

Өкінішке қарай, комедиялық сериалдардың кейіпкері секілді достармен арадағы сөзталасты астарлы қалжың, ойлы ақылмен шешіп, 30 минуттық серия соңында бәрінің қайта достасып кетуі сияқты жайттарды өмірде қайталау оңай емес. Шынайы өмірдегі достар арасында мәселені үнемі дәл осылай шешіп тастаудың реті келе бермейді. Өйткені, шынайы өмірде біздің пікіріміз бен көзқарастарымыз және қабылдайтын шешімдеріміз әлдеқайда өзгеше. Бұл өз кезегінде адаммен ұзақ уақыт дос болған кезде кикілжің мен түсініспеушіктің орын алуы қалыпты екенін көрсетеді.

Күн сайын артатын қысым шегінде жеткенде біз қандай қадам жасарымызды білмей, байбалам саламыз: мәселе өздігінен шешіледі деген үмітпен оған мән бермеген дұрыс па, әлде, бәрін талқыла салған жөн бе? Мүмкін, әлі де не боларын күтіп, сырттан бақылай тұрған дұрыс шығар?

Досымызды кері итеру арқылы біз көп жағдайда эмоционалды жақындықты құрбандыққа шалып, уақыт өте келе достығымызды жоғалту қаупіне ұшыраймыз. Ұрыс-керістен бойын аулақ ұстағысы келетіндер кикілжіңнен соң достарынан саналы түрде алшақ жүргенді дұрыс көреді. Біріншіден, бұл ойлы шешім болып көрінуі мүмкін, себебі, ара қашықтық ұстау арқылы екеуара әңмігені шешу кезіндегі күйзелістен және артық сөздерден құтыласыз. Алайда, досымызды кеудесінен қағу арқылы біз көбіне эмоционалды жақындықты жойып, достыққа түбегейлі нүкте қоюымыз мүмкін. Ал өкпе-ренішті ішке жинап, үнемі мазасызданып жүрудің денсаулыққа зияны шаш етектен екені тағы бар.

Қуанышқа қарай, достарды жоғалтпай-ақ, ұрыс-керісті шешудің жолдары бар. Солардың бірнешеуін назарларыңызға ұсынамыз.

1. Оңтайлы сәті түскен бойда болған жағдайды талқылаңыз

Эмоция күш алатын кикілжіңнің ең басында аздаған үзіліс алып, досыңызбен ара-қатынасты тоқтата тұрғаныңыз жөн. Дәл сол сәтте сіздің де, досыңыздың да бір-біріңізді тыңдап, бір-біріңіздің пікіріңізді тыңдауларыңыз неғайбыл. Алайда, бұл үзілісті тым ұзаққа созудың қажеті жоқ. Кикілжіңнен бір күн өткен соң досыңызға телефон шалып немесе смс хабарлама жазып, болған жағдайға өкінетініңізді жеткізсеңіз болады. «Болған жағдай үшін өкініп жүрмін, бәрін дұрыстағым келеді», «Мен үшін біздің достығымыз қымбат», «Барлығын тезірек ұмытайықшы» деген сыңайда хабарлама жазуға болады.

2. Барлық мәселені бірден талқылап, шешу міндетті емес

Кейде бізге достық қарым-қатынасымыздың болашағы өте ауыр және өте байыпты жағдайда өтетін бір әңгімеге тіреліп тұрғандай көрінеді. Бірақ достықтың уақыт өте келе қалыптасатыны секілді, мәселенің толық шешімі де уақытты талап етеді. Кей жағдайда мәселені қысқаша ғана талқылап, дұрыс шешім қабылдау үшін ойланатын уақыт алғаныңыз дұрыс. Ал бұл әңгімеге кейін ораласыз. Мәселені біртіндеп шешу қалыпты нәрсе екенін ұмытпаңыз.

3. Досыңыздың күйзелісіне түсіністік танытыңыз

Достарымыздың көзқарасы мен шешімдеріне келіспеген жағдайда да, олардың сезімдері мен күйзелісін түсінуге тырысқан жөн. Әңгімелесу барысында олардың дене тілін бақылап, дауыс ырғағы мен ишараларына назар аудара аламыз. Досыңыздың кез келген ашуын, ауыртпалығы мен ыңғайсыздығын елеп-ескергеніңіз дұрыс («Сенің ренжулі екеніңді түсінемін, осы жағдайдың саған ауыр тигені мен үшін өте өкінішті»).

4. Тыңдай біліңіз

Досыңыз айтқысы келген дүниелерді толық тыңдап шығыңыз. Әңгімелесу барысында оны тоқтатпаңыз, сөзін бөлмеңіз. Егер оның сөздері сізге жақпаса да, досыңыз айтқысы келетін нәрсені толық түсінбейінше эмоцияңызға ерік бермегеніңіз дұрыс. Егер түсінбеген жеріңіз болса, қайталап сұраңыз. Өзіңізді жақсы сезіну үшін бұл әңгімеден соң досыңыздың не қалайтынын және оған не қажеттігін түсінуге тырысыңыз.

5. Анық әрі қысқа сөйлеңіз

Досыңыздың не айтқысы келгенін оның сөзін бөлмей тыңдап шыққан соң, өз ойыңызды, көкейіңіздегі пікірлерді айтатын кезек сізге келеді. Осы орайда, өз ойыңызды нақты әрі ашық айтқан дұрыс. Бірақ досыңыздың көңіліне қатты тиетіндей болмасын. Өзіңіздің сезімдеріңіз бен қиналғаныңыз туралы айтыңыз, бірақ кіналай жөнелудің қажеті жоқ. «Сен үнемі осылай істейсің», «Сен ешқашан осылай істемейің» деген сөз тіркестерін қолданбаған дұрыс. Өйткені, мұндай тіркестер мәселені одан әрі қиындатып, дау-дамайдың оң шешілуіне кері әсерін тигізеді.

6. Басқа көзқарасты қабылдауға тырысыңыз

Біздостарымыздың пікірімен үнемі келісе бермейміз, алайда, олардың пікірі сіздікінен өзгеше болуы мүмкін екендігін мойындауымыз керек. Біз достарымыздың көзқарасына сыйластық танытып, олардың ұдайы бізбен пікірлес бола бермейтіне үйренген жөн. Егер сіз досыңыз айтқан дүниелердің бәрімен келіспесеңіз де, оның кейбір сөздерін қолдауға дайын болуыңыз мүмкін.

Сөз соңында досыңызбен арадағы кикілжіңнен соң ара-қатынастарыңыз толығымен қалпына келу үшін біраз уақыт алған дұрыс екенін ескерткіміз келеді. Осы кезеңде өзіңіз қалайтын сүйікті ісіңізбен шұғылданыңыз. Достық қатынастағы жағымды эмоциялар уақыт өте келе арадағы салқындықты жібітеді.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Ноябрь 2024 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Мы в соц сетях:

Достар арасындағы кикілжің – достықты қалай сақтауға болады?

Поделиться материалом

Другие материалы по теме

По читаемости

По материалам