Арабтардан &#1201;ят болды

Арабтардан ұят болды

Қазақстанда орыс тілінде жазылатын заңдардың кейбірінің қазақша аудармасында өріп жүрген қателер ұлтжанды азаматтар үшін жүректегі шаншуға, санадағы сергелдеңге айналғалы қашан?

"Айқын" газеті

Ал халықаралық келісімшарттардың мемлекеттік тілдегі нұсқасында да қателердің жіберілуі – ел беделінің нығаюына үлес қоспайтын келеңсіздіктің ең бір сорақысы болып табылады. Осы орайда Қазақстанның қол қойылған екіжақты құжатқа қайта-қайта нота жолдап, түзете беруі арабтардың ашынысын туғызыпты.
Бұл туралы кеше Бас прокурордың бірінші орынбасары Иоган Меркель жария етті. Ол «Қазақстан мен Италия арасындағы сотталған адамдарды беру туралы шарт» жөнінде депутаттарға түсініктеме берген болатын. Қалаулылар осы құжаттағы «с согласия стороны» деген тіркестің «тараптың келісуі бойынша» деп жазылып кеткендігіне, шындығында, заңдық айналымда және тәжірибеде «келісімі бойынша» деп айтылатындығына назар аудартты. Бұған жауап ретінде И.Меркель шартқа ендігі қол қойылғандығын алдан тартты. Оның үстіне аудармашы «договор» келісім болып тәржімаланатындықтан, «согласиені» келісу деп алған. Бірақ ұлтжанды қалаулылар ондай қателерді нота жіберіп, өзгерту керектігінде табандады.

Сөйтсе, бұған дейін дәл осы құжаттың мемлекеттік тілдегі нұсқасындағы қателер бойынша Италияға ендігі бір нота «барып, қайтыпты». «Құрметті әріптестер! Сіздерге ұсынылып отырған аударма нұсқасын қолдауларыңызды сұраймыз! – деп өтінді Бас прокурордың бірінші орынбасары. – Ашығын айтайын, біз бұл проблемаға үнемі маңдай соғамыз! Мысалы, Араб Әмірліктері қол қойылған құжат бойынша қайта-қайта нота жібере бергенімізге налып, өткен жолы хат жолдады: «Сендер өзі бізбен ынтымақтасқыларың келе ме, әлде жоқ па?» дейді олар!»

Осы айтылып отырған түйткілдің түйінін тарқату үшін осыдан біраз бұрын ел Үкіметі, Сенатпен және Мәжіліспен тізе қосып, арнайы бірлескен комиссия құрған. «Осы аударманы солар жүзеге асырды, – деп ескертті И.Меркель. – Солар берген нұсқаға біз қол қойдық. Егер қазір Италияға келесі нотаны жолдасақ, абыройымыз не болады? Жұмыс тұрып қалады ғой!» Парламентарийлер осыған тоқтады. Бірақ мәселеге қайта оралуға ұйғарды.

Жалпы, Бас прокуратураның мәліметінше, осындай қылмыскерлер алмасу шарттарының арқасында Қазақстан біраз қаржыны үнемдеуде екен.

– Бүгінде Қазақстандағы бас бостандығынан айыру орындарында шамамен 2 мың 400 шетелдік жазасын өтеп жүр, – деді Иоган Меркель. – Бұл әрине, өзгеріп тұратын көрсеткіш: біреулері босайды, басқалары отырады. Мемлекетіміз үшін бұл адамдардың барлығының өз жазаларын өз елдерінде өтегендері пайдалы. Оларды темір торда сол мемлекеттердің бюджеттері асырасын!

Алайда оның айтуынша, шетелдердің бәрі бірдей қылмыскерлерін қайтарып алуға асықпайды, тіпті ат-тондарын ала қашатындары да жетеді екен. «Мәселен, Өзбекстан, Қырғызстан бас тартады, «бұл біздің ұлттық қауіпсіздігімізге нұқсан келтіреді!» дейді. Бұған ештеңе де жасай алмаймыз. Ресей жақсы алады. Тек биылғы жылы ғана сотталған 49 ресейлікті тапсырдық. Бұл – ең үлкен үлес. Осының арқасында бюджеттен 160 миллион теңгеден артық қаржы үнемделді!» деді ол.

Бас прокуратура осы тұста Қазақстанның кері қабылдап алғаннан бергені әлдеқайда асып түсетіндігін хабарлады.

Ресми билік Италиямен арадағы «сотталған адамдарды беру туралы шартына» да үмітпен қарап отыр. Өйткені еуропалық елдермен қылмыскерлер алмасу қиын іс. «Соңғы кездері біз олармен ұдайы келіссөздер жүргізудеміз. Бүгінде Еуропа кеңесі әділ төрелік саласындағы еуропалық 3 конвенцияға қосылу туралы біздің ендігі үшінші өтінішімізді қарауда. Екі рет олар бетімізді қайтарды. 12 қарашада тағы да Брюссельге барып, диалог жүргізуіме тура келеді. Сұхбаттастық осы істі орнынан ілгері жылжытуға мүмкіндік берді. Әйтпесе бұрын бірде-бір қылмыскерді бермейтін. Ал жақында Германия есірткі үшін сотталған қазақстандықты қайтарды. Швейцария қарақшылық үшін отырғанды бізге тапсырды. Испания бүгінде Павловты беру бойынша мәселені қарауда» деді Бас прокурордың орынбасары.

Оның айтуынша, Мұхтар Әбілязовты беру туралы Қазақстанның өтініші француз сотының қарауына жетпей қалыпты. Сондықтан еліміз Ресей мен Украинаның Әбілязовты өздеріне экстрадициялау туралы өтініштеріне үміт артып отыр екен.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Август 2025 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Мы в соц сетях:

Арабтардан &#1201;ят болды

Поделиться материалом

Другие материалы по теме

По читаемости

По материалам

Арабтардан ұят болды