«Атамекен»: Локдаун – тығырықтан шығаратын жол емес

Бизнес «өмір сүру ережелерін» нақты түсінуі керек. Қатаң тыйым салу тәжірибесінен алыстап, Ashyq жобасының қатысушылары үшін жұмыс аптасын көбейту керек. Ұлттық кәсіпкерлер палатасы бизнеске қатысты бірқатар ұсыныс енгізді, деп хабарлайды Azattyq Rýhy.

16 тамызда бизнес үшін, соның ішінде Ashyq жобасына қатысушылар үшін демалыс күні локдаун енгізу жөніндегі уағдаластықтардың мерзімі аяқталды. ҰКП мәліметінше, жобада 111 мыңнан аса бизнес субъекті жұмыс істейді. Карантинді бұзушылар саны 46 мыңға дейін артқаны анықталды. Жұмыс күндері «қызыл» статусы бар 2 мыңнан аса келуші тұрақты түрде анықталып жатыр.

Вакциналау қарқыны бойынша қызмет көрсету саласындағы қызметкерлердің жартысынан көбі бірінші компонентін салдырды.

Үкімет отырысында денсаулық сақтау министрі Алексей Цой Қазақстандағы эпидемиологиялық жағдайдың біртіндеп тұрақталғанын, 1 тамыздан бастап республикада коронавирус инфекцияның таралу индексі 14%-ға – 1,11-ден 0,97-ге дейін төмендегенін мәлімдеді. Ведомство басшысы тыйым салуларға қарамастан қазақстандықтар бұрынғысынша той, еске алу және банкеттер ұйымдастыратынын атап өтті.

«Соңғы екі апта ішінде «Атамекен» ҰКП алаңында бизнестің, санитар дәрігерлердің, Цифрлық даму, инновациялар және аэроғарыш өнеркәсібі министрлігі мамандарының қатысуымен бірқатар онлайн-конференция өтті. Экономиканың зардап шеккен секторларын бағалау үшін кәсіпкерлерден сауалнама алу басталды. «Ashyq көшбасшылары» критерийлерін қайта қарау бойынша ұсыныс әзірленді, жобадан аутсайдерлерді, чекин жасамаған және қатысу ережелерін бұзатын кәсіпкерлерді алып тастау тетігі пысықталды. Қызметкерлерді вакциналауды тексеру алгоритмі бойынша бизнестің пікірі жиналды», - делінген ҰКП баспасөз хабарламасында

Кәсіпкерлер «Атамекен» ҰКП алаңы арқылы Үкіметке жолдаған негізгі месседж: кәсібін адал жүргізіп жатқан бизнес қоғам, клиент және персонал алдындағы жауапкерішілікті түсініп, қолданыстағы шектеулерге жауаппен қарауға дайын. Осы ретте көлеңкеден гөрі, ашық жұмыс істеу тиімдірек болуы тиіс.

Жиналған ұсыныстарды талдау негізінде Ұлттық кәсіпкерлер палатасы 2021 жылдың 21 тамызынан бастап:

• Аshyq жобасына қатысушыларға сенбі күндері сағат 22:00-ге дейін, жоба лидерлеріне (қызыл аймақта) сағат 24:00-ге дейін жұмыс істеуге рұқсат ету;
• Қарағанды облысы әкімдігінің бастамасы бойынша Қарағанды қаласында «COVID-free» пилотын іске қосу («жасыл» статусы бар келушілер мен персонал үшін қоғамдық тамақтану орындарына сағат 02.00-ге дейін жұмыс істеуге рұқсат беру);

• «Жасыл» статусы бар қазақстандықтар үшін той өткізуге рұқсат етуді (іс-шараны алдын ала тіркеу бойынша және барлық персонал вакцина салдырған мекемеде 100 адамға дейін) ұсынады.

ҰКП шешім шығарған кезде барлық аймақта Ashyq бойынша жұмыс істейтін субъектілер үшін Бас мемлекеттік санитар дәрігердің бірыңғай қаулысын басшылыққа алуға шақырады. Ұлттық палата адал бизнестің Ashyq жүйесі мен вакциналау науқаны сырқаттану жағдайын тұрақтандыруға көмектесетініне сенімді. Керісінше, түрлі тыйым кәсіпкерлік субъектілерін «көлеңке» жолдарды іздеуге итермелейді. Бұл инфекцияның жаңа ықтимал ошақтарын тудырады.

Ұлттық палата «көлеңке» жолдардың әлі де жойылмағанын атап өтті. Өкінішке қарай, ішінара локдаун енгізу арқылы пандемиямен күресу оң нәтиже бермей отыр. Бизнес «өмір сүру ережелерін», яғни жұмыс істейміз бе немесе жабыламыз ба – нақты түсінуі керек.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Декабрь 2025 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

Мы в соц сетях:

«Атамекен»: Локдаун – тығырықтан шығаратын жол емес

Поделиться материалом

Другие материалы по теме

По читаемости

По материалам