Қазақстанда АуылФутбол Лигасы құрылды

Қазақстанның жеті облысының өкілдері «Арман Ауыл» қайырымдылық қоры жетекшілігімен жүргізілетін «АуылФутбол» атты ауылдық балалар футбол лигасын құруды шешті. Бұл жайлы «Арман Ауыл» қоры хабарлайды.

#АуылФутбол жобасының жетекшісі Серік Мәмбетовтың айтуынша, Лига тек қана ауылдық балалар ойнайтын клубтарды қамтиды, оған облыстық орталықтар мен қалалар кірмейді.

«Облыстық орталықтарда және қалаларда тұратын балалардың әртүрлі деңгейдегі сайыстарға қатысу мүмкіндігі әлдеқайда көп екендігі бәрімізге мәлім. Ауылдағы балалардың мұндай жарыстарға қатысатын мүмкіндігі аз, себебі олар ауылдарда сирек өткізіледі. Сонымен қатар жарыстардың көбісіне қатысу үшін міндетті түрде жарна төленуі тиіс. Бірақ кейбір ата-аналардың жарна төлейтін мүмкіндігі болмай жатады. Сол себептен біз өз алдымызға мақсат қойдық, ол – ауыл балаларына барлық жарыстарды тегін өткізу», − деді Серік Мәмбетов.

Серік Мәмбетовтың ойынша, ауыл балаларына арналған жарыстардың барлығы үкімет немесе демеушілер есебінен ұйымдастырылуы тиіс.
«Жеке турнир немесе лига жарыстарын өткізу үшін көп қаражат жұмсалмайды. Дегенмен біз Лига болғандықтан демеушілерді қанағаттандыру үшін барлығын жоғары деңгейде өткізуіміз тиіс. Бұл бір жағынан жарнамаға және PR-ға оң әсерін тигізеді. Шетелдегі барлық лигалар мен клубтар осындай жүйе бойынша жұмыс істейді. Ал үздік командалар тек мықты топқа түсу мүмкіндігіне ие болып қоймай, сонымен қатар клубтың ары қарай дамуына қаржы табу мүмкіндігін алады», − деді Серік Мәмбетов.

АуылФутбол Лигасында аймақтық, облыстық және республикалық деңгейлер болады.

Бүгінгі таңда АуылФутбол Лигасының өкілдіктері 7 облыста бар, олардың әрқайсысында жетекшілік жүргізілуде. Қазір ұйымдастыру жұмыстары өткізіліп жатыр, басқа облыстардың өтінімдері күтілуде.

Желтоқсан айында 10 жасқа дейінгі балалар арасында 2-3 аймақтарда презентациялық турнир өткізу жайлы талқылаулар жүргізілуде.
АуылФутбол Лигасы қызығушылық танытатын барлық корпорациялар, мемлекеттік органдар, әлеуметтік ұйымдар, кіші және орта кәсіпкерлік өкілдерімен серіктес болуға дайын.

«Біз Instagram, Facebook, YouTube желілеріндегі ондаған парақшалар, сонымен қатар БАҚ-тағы (сайттар, газеттер, телеарналар) әріптестердің көмегімен бірнеше миллион оқырмандарды қамти аламыз. Біздің ойымызша, аталған алаңдар қызығушылық танытатын кез келген серіктес үшін PR мен жарнама жасауда мықты құрал бола алады», − деп қорытты Серік Мәмбетов.

Бүгін бізге қазақстандық букмекерлер қолдау көрсетуде. Букмекерлік кеңселердің арқасында бірқатар ауылдарда футбол алаңдары салынды, және алдағы уақытта тағы бірнеше алаңдарды салыну жоспарланып жатыр. Ақтөбе, Ақмола, Қостанай, Түркістан және Алматы облыстарындағы клубтар спорт киімдері мен жабдықтарды алды. Желтоқсан айында тағы бірнеше командаға демеушілердің сыйлықтары табысталады.

Лиганың мүшесі болу, қолдау көрсету немесе жарнама сұрақтары бойынша +7 777 721 68 08 (Whats App) нөміріне хабарласыңыз.

Аймақ бойынша жетекшілердің Whats App нөмірлері:

Маңғыстау облысы – Асанғалиев Әділет, +7 702 502 3891

Ақтөбе облысы – Бисенбаев Дастан, +7 705 919 0788

Түркістан облысы – Тойлыбаев Елдос, +7 702 768 1995

Ақмола облысы – Мейрамбай Ербол, +7 777 474 1060

Шығыс Қазақстан облысы - Қызжанов Нұрлан, +7 707 666 3011

Қостанай облысы – Авгумбаев Серік, +7 777 741 6793

Алматы облысы – Мәмбетов Серік, +7 777 721 6808

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Август 2025 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Мы в соц сетях:

Қазақстанда АуылФутбол Лигасы құрылды

Поделиться материалом

Другие материалы по теме

По читаемости

По материалам