Қоқысқа батқан өңірді ақша ғана құтқара алады

Қарағанды қаласында қоқыс жинаумен айналысатын мекеме де тарифті 80%-ға өсіруді ұсынды. Бір адамға айына 214 теңге болатын төлем осыдан 3 жыл бұрын бекіген. Енді компаниялар тарифті кем дегенде 410 теңгеге дейін ұлғайтуды сұрап отыр. Олар да тариф аясында қызметкерлерінің жалақысын көтеріп, жаңа арнайы техника сатып алмақ, деп хабарлайды Aikyn.kz.

Тарифті көтеру мәселесі қалалық қоғамдық кеңесте қаралды. Пандемияға байланысты талқылау ZOOM-да ұйымдастырылды.

«Қоқыс таситын көліктерге 25 жүргізуші жетіспейді. Қазір біз жалақыны көтере алмаймыз, өйткені қаржы ресурстары жеткіліксіз. Қазіргі тариф 214 теңгені құрайды, ал біздің нақты шығындарымыз көпқабатты сектордың тұрғынынан 458 теңге және абаттандырылмаған, яғни жеке сектордан 588 теңге мөлшерін құрайды. Бұл санды әкімдіктің тапсырысы бойынша тәуелсіз аудиторлық компания есептеп шығарды, – дейді «ГорКомТранс» компаниясының директоры Виктор Иванов.

Қоқыс таситын компания билікпен өзара ынтымақтастық туралы Меморандумға қол қоюға дайын. Егер билік ҚТҚ шығару және кәдеге жарату тарифін 410 теңгеге дейін көтеруге міндеттенсе, компания өз қызметкерлерінің жалақысын кезең-кезеңімен көтеріп, жаңа арнайы техника сатып алмақ. Нәтижесінде, Қарағандының қоқыстан уақытында тазаратынына сенімді.

Қарағандыда қоқыс шығарумен «ГорКомТранс», «Ресайклинг-Сервис» және «ЭкоАлем Казахстан» атты үш компания шұғылданады.

Қарағандылықтар қоқыстың көбеюіне көптен бері наразы. Шаһарды қоқыстан тазартуға полицейлер де кіріскен. Тәртіп сақшылары қалдықтарды қоқыс жәшігіне төкпейтіндерге айыппұл салады. Әкімшілік құқықбұзушылық туралы кодекстің 505-бабы бойынша жеке тұлғалардан 20 АЕК, яғни 55 мың теңгеден астам айыппұл өндіруге болады.

«Қатты тұрмыстық қалдықтарды жинау, шығару, кәдеге жарату, қайта өңдеу және көму тарифі бір текше метр үшін 2 591 теңгені құрайды. Біз жиналыс өткізіп, әлеуметтік шиеленісті азайту үшін шешім қабылдадық, жеке сектор тұрғындары үшін төлемді 15 пайызға, яғни 410 теңгеге дейін төмендету туралы шешім қабылдадық», – дейді Қарағанды қаласының коммуналдық шаруашылық, жолаушылар көлігі және автожолдар бөлімі басшысының орынбасары Рүстем Қожақапанов.

Шенеунік биыл жазда Қарағандыда 1 000 контейнер алаңы абаттандырылғанын хабарлады. Олардың барлығы көпқабатты тұрғын үй секторында ғана орналасқан. Әр алаңда бетон негізі төселіп, жаңа қоқыс жәшіктері, шамдар мен бейнебақылау камерасы орнатылған.

«Биыл біз қайталама шикізатты қайта өңдеу деңгейін 20-дан 30 пайызға дейін арттыру міндетін өзімізге алдық. Сондықтан бізге қайталама шикізатты жеткізетін арнайы техника қажет. Біз көрсетілетін қызметтің сапасын дамыту мен жетілдіруге 1 миллиардтан астам теңге инвестиция салғымыз келеді», – дейді қоқыс жинайтын компания басшысы.

Пришахтинск және Сұрыптау тұрғындарына қызмет «Ресайклинг-Сервис» компаниясының клиенттері аз, сондықтан олардың шығыны «Горкомтрансқа» қарағанда аз.

– Біздің шығын бір адамға – 430 теңге. 2016 жылы бекітілген алдыңғы тарифте дизель отынының бағасы литріне 80 теңге болды. Жарты жылдан кейін ол 192 теңгеге дейін өсті, яғни екі есе артты. ЖЖМ шығындары біздің шығындарымыздың шамамен 40 пайызын құрайтынын атап өткім келеді. Егер қазіргі 214 теңге тарифті алып, оны 30 күнге бөлсек, онда тәулігіне бар болғаны 7 теңге табамыз. Бұл өте аз! – дейді «Ресайклинг-Сервис» компаниясының бас директоры Айтпану Омарова.

Бас директордың айтуынша, қоқыс шығаратын компания қызметкерлерінің жалақысы төмен. Жүк тиеушілердің алатыны – 70 мың теңге. Осының өзінде кәсіпорын үшін ол әжептеуір шығын, жалақы барлық шығындардың шамамен 45 пайызын құрайды екен.

Қоғамдық кеңес мүшелері арасында талқылау қызу болды. Қарсы болғандар да, қолдағандар да көп болды. Дауыс берудің өзі 40 минутқа жалғасты. Нәтижесінде, 11 адам тарифті өсіруді жақтап дауыс беріп, 9-ы қарсы дауыс берді, тағы 1 мүшесі қалыс қалды.

Енді қоғамдық кеңестің қоқыс жинау бағасын көтеру жобасын мәслихат депутаттары қарайды. Болжам бойынша абаттандырылған аумақтан қоқыс шығару үшін бір адам 380 теңге және жеке сектордан қоқыс шығарылғаны үшін бір адам 410 теңге төлейді.

«Егер жарты жылдың ішінде жағдайды жақсартпаса, олармен келісімшартты бұзу керек», – дейді Қоғамдық кеңес төрағасы Қабдығали Оспанов.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Январь 2026 »
Пн	Вт	Ср	Чт	Пт	Сб	Вс
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Мы в соц сетях:

Қоқысқа батқан өңірді ақша ғана құтқара алады

Поделиться материалом

Другие материалы по теме

По читаемости

По материалам