1,2 млн қазақстандыққа салық өсімпұлын төлемеуге тағы бір мүмкіндік беріледі

2020 жылғы 2 шілдедегі Салық кодексіне енгізілген өзгерістерге байланысты мүлік салығы, жер салығы және көлік құралдары салығы бойынша жеке тұлғаларға салықтық рақымшылық қайта ұсынылып отыр. Яғни, былтыр мерзімі өтіп кеткен салығын төлемеген азаматтар берешектің негізгі сомасын өтесе, үстіндегі өсімпұлы кешіріледі. Бұл жайында Мемлекеттік кірістер комитетінің баспасөз қызметі хабарлады, деп жазады AzattyqRuhy.kz.

Жалпы, 2019 жылғы салықтық рақымшылықтың арқасында 1,24 млн адамның 60,9%-ы мемлекет алдындағы қарызынан құтылған. Жеке тұлғалардың 30,1%-ы әлі күнге дейін салық қарыздарын төлеген жоқ. Бұл азаматтардың негізгі қарызын қосқанда 6,2 млрд теңге болса, өсімпұл сомасы 3,4 млрд теңгені құрайды. Міне, осы берешек адамдар 31 желтоқсанға дейін негізгі салықты төлесе, үстіндегі 3,4 млрд теңгесі автоматты түрде жойылады.

«Өсімпұлды есептен шығару үшін ешқайда барудың қажеті жоқ. Борыштың негізгі сомасын төлеу жеткілікті. Өсімпұл автоматты есептен шығарылады. Мемлекеттік кірістер органының барлық аумақтық бөлімшелерінде өсімпұлды есептен шығару жөніндегі комиссиялар құрылады», - делінген хабарламада.

2019 жылы Қазақстанда жалпы саны 755,7 мың жеке тұлға салық рақымшылығын пайдаланған. Олар 15,9 млрд теңге мөлшерінде негізгі қарызды төледі және 3,1 млрд теңге сомасындағы өсімпұл есептен шығарылды.

Болжам бойынша, 2020 жылы салық рақымшылықты шамамен 1,2 млн азамат пайдаланады. Сөйтіп бюджетке 12,7 млрд теңге төленеді де, 4,3 млрд теңге көлеміндегі өсімпұл есептен шығарылады.

Салықтық берешегінің бар-жоғы екендігі туралы мәліметті ҚР ҚМ Мемлекеттік кірістер комитетінің сайтындағы сілтеме (http://kgd.gov.kz/ru/app/culs-taxarrear-search-web) арқылы немесе «eSalyq mobile» (AppStore, PlayMarket) мобильді қосымшасы арқылы тексеруге болады.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Декабрь 2025 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

Мы в соц сетях:

1,2 млн қазақстандыққа салық өсімпұлын төлемеуге тағы бір мүмкіндік беріледі

Поделиться материалом

Другие материалы по теме

По читаемости

По материалам