Коронавируспен күрескендер

Әлемнің түкпір-түкпіріне жайылған коронавируспен пневмонияға шалдығып, жұқпалы дертті еңсерген науқастар қайдан кеселдің жабысқанын білмейді. Олардың айуынша аурудың белгілері тамақ жыбырлайды, тұншығып жатқандай күй кешеді, дененің қызуы , әлсіздік , иіс сезу, тәбеттің жоғалуы ,демікпесі күшейіп, жөтеледі. Соңғы кездері үрейленіп, күйзеліске бой алдырған науқастардың саны жиілеген.

Жер бетін әлекке салған Covid-2019 жайлы ел арасында тараған әңгімені естіп, есеңгерімеу мүмкін емес. Сондықтан кеселді жұқтырып, қауіпті індеттен айыққан тұрғындарды тыңдау үшін Алматы қалалық психикалық сауықтыру орталығына хабарластық.

Орталық директоры Сапар Рахменшеевпен онлайн арқылы сұхбаттастық.Себебі, карантин ережесін және еліміздің бас санитарлық дәрігерінің қаулысын орындау барлық азаматтың міндеті.

Сонымен орталықтың наркологиялық қызмет көрсететін ғимаратында коронавирус ауруының белгілері мазалаған науқастарды емдейтін 170 төсекті жайып, 5 наурызда Провизорлық орталық ашылады. Орталық директорының айтуынша 4 айда 1500 тұрғын емделіп, отбасына оралды.
Ал шілде айында психиатриялық қызметғимаратындағы 180 орындық екінші емдеу нысаны жұмысын бастады.

Медицина қызметкерлері науқастарды кесел құрығынан құтқару үшін күні-түні жанталасып жатыр.

Біз орталықта емделіп жатқан науқастардың да пікірін білдік. Алғашқы кейіпкеріміз 61 жастағы Гүлнара Көпжасарова.

- Ауырмай тұрғанда Whatsap –қа «ауруханада бүйтеді, аман шықпайсың, зиянды дәрі береді» деген түрлі әңгімеден шошып жұрдім. Аяқ астынан ауру мені де құрсаулады. Амал жоқ , жедел жәрдем көлігін шақырдық. Жолда қатты уайымдадым. Отбасымды енді көремін бе деген жанымды жегідей кемірген үреймен аурухана табалдырығын аттадым –дейді науқас.

Шілдеде денесін күйдіргендей қызып , өкпесі қабынып, тынысы тарылып, дүниені астан-кестен еткеніндеттен оңалған Гүлнараның өміріне енді ешқандай қауіп жоқ. Жаһанды шарлап жүрген коронавирусты еңсеріп, науқас 6 күннен бері үрей, қорқынышты ұмытыпты.

- Дәрігерлер, мейірбикелер, тазалықшыларға алғыс айтамын. Жиі-жиі дене қызуымды қадағалап, үнемі бақылап, тажалдың тырнағынан жұлып алып қалды. Есімді жиғаннан кейін санама әбден сіңген үрейден құтылу маған оңай болған жоқ. Мұнда кәсіби психологтар көмек берді. Аурухананың тамағы да құнарлы. 4 мезгіл ішеміз. Сізбен сөйлесіп отырғаным осы аурухана қызметкерлерінің арқасы. Мұндай ауруды ешкімнің басына бермесін ,- дейді Гүлнара Көпжасарова.

Орталық директоры Сапар Құттыбайұлының айтуынша ем-дом шаралары Денсаулық сақтау министрлігі бекіткен қаулыға сәйкес тағайындалады. Дәрі-дәрмек жеткілікті. Науқастарға 4 мезгіл ас беріледі. 350 төсек орын қажетті медициналық аппараттармен жабдықталған.

- Науқастардың жасы әртүрлі. Қазір 1933 жылы туған, 87 жастағы зейнеткеріміз сырқаттан айықты. Денсаулығы жақсы. Медицина қызметкерлеріне алғыс айтып, қарт кісілер бата береді. Ең жас пациент 23 жаста. Қазір оның денсаулығы дәрігерлердің жіті бақылауында. Коронавирус жұқтырды деген белгілері бар және пневмонияға шалдыққан тұрғындарды 10-14 күн емдейміз. Егер Covid-2019 жұқтырғаны расталса, онда инфекциялық ауруханаға жіберіледі , -дейді Сапар Рахменшеев.

Екінші кейіпкердің жасы елуде. Өзінің аты-жөнін жариялауға рұқсат бермеді. Алматы тұрғыны иіс сезбей, әлсіздік сияқты ауру белгілері байқалған кезде түрлі дәрілік шөптерді ішкен, елден естіген ем-дом шипа болады деп үміттеніпті. Медициналық көмекке жүгінбейді. 10 күннен кейін сусамыр ауру мен өкпенің дерті өршиді. Өкінішке қарай өкпесінің 80 пайызы зақымданып, ауа жетпей, ауруханаға ауыр халде жеткізіліп, жансақтау бөлімінің мамандары аман алып қалғанын айтады. Қазір науқастың жағдайы орташа. Диагнозы пневмония.

- Дәрігерлердің еңбегіне бас иемін. Алғысым шексіз. Уақыт жоғалтып алмаңыздар. Екі-үш күнде денем қалшылдап, ауа жетпей қиналдым. Ауруханаға дер кезінде жеткізіпті. Денсаулығым жақсы ,-дейді науқас .

Сапар Рахменшеев Алматы қалалық психикалық сауықтыру орталығының директоры;

- Әрине бәрі керемет деп мақтанудан аулақпын. Ауыр халде, жағдайы өте мүшкіл науқастарды көп түсті. Барлық медициналық көмекті аяған жоқпыз. Соңғы күндері аурудың беті қайтып, ауыр халде жеткізілетін пациенттердің саны сәл ғана азайды. Коронавирусқа қатысты ақпараттар интернетте , әлеуметтік желілерде өте көп. Соны уайымдап, ем-домнан үркіп үрейленген кейбір азаматтарға, аналарымызға психологиялық көмекті аямадық. Ең бастысы ауруханадағы медицина қызметкерлерінің еңбегі бір төбе. Бірлік бар жерде тірлік бар деп бекер айтпаған. Көзге көрінбейтін вирустың құрығынан құтқарып , отбасына оралған тұрғындардың алғысы бізге үлкен марапат.

Тұрлыахмет Оңғаровты жасанды желдеткіш аппараттың көмегімен тыныс алып, аман қалды. Дәрігерлер ақсақалдың сағат сайын дене қызуын тексереді.

-Жансақтау бөлімінде көзімді ашсам, жап- жас ұл-қыздарым дәрісін беріп, жанымда құрақ ұшып жүгіріп жүр. Бұл жарық дүниені тағы көремін деп ойламадым. Ауру алқымымнан алып, жан азабын тартқанда естен танып қалыппын. Жасым 74-те. Жас дәрігерлердің кәсіби мықтылығына таң қалдым. Дәрі-дәрмегі тегін. Төрт мезгіл тамағымды береді. Бас дәрігері, орынбасарлары күнде жағдайымызды көріп, жігерлендіріп кетеді. Адамның жанының арашалап жүрген дәрігерлерге ақ батамды бердім.

Бізбен сөйлескен науқастардың айтуынша ауру белгілері байқалғанда емханаға хабарласып, медициналық көмекке жүгіну керек.
Ең бастысы бойды үрейге билетпеу керек. Соның кесірінен кейде дәрінің ағзаға әсері әлсіз болуы мүмкін. Көбірек негативті ақпараттан бойды аулақ ұстау керек. Әсіресе ауырып жатқан адамға өлім-жітім жайлы жайсыз хабарлардың естіртпеуге тырысқан тиімді.
Бүгін елімізде коронавирусты жұқтырғандар саны 65 мыңнан асты.

Жазира Бегалы, Алматы

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Декабрь 2024 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Мы в соц сетях:

Коронавируспен күрескендер

Поделиться материалом

Другие материалы по теме

По читаемости

По материалам