«ПТР-тесттің нәтижесі жоқ»: Алматы тұрғындары қайтыс болған туыстарын жерлей алмай отыр

Алматылық тұрғындар жерлеу рәсімін әдеттегіден кеш өткізіп жатыр. Өйткені, коронавирусқа тапсырған тесттің нәтижесі болмай мәйітті жерлей алмайды. Ал, тест нәтижесі бір емес, бірнеше күннен кейін бір-ақ дайын болады, тіпті аптаға созылуы мүмкін. Осылайша, марқұмдардың еті сүйегінен қабірде емес, үйінде ажырап жатыр деп дабыл қақты «Еуразия» телеарнасы.

Алматылық Екатерина Холюченконың 80 жастағы әжесі қайтыс болған. Эпидемиологтар сол күні-ақ марқұмнан анализ алып кеткен екен. Алайда, арада бірер күн өтсе де оның нәтижесі жоқ.

«Бүгін мәйіттің үйде жатқанына бір тәуліктен асты. Біз оны жерлей алмаймыз, анализдері әлі дайын емес дейді. Анализ нәтижесі болмай әжемізді жерлей алмаймыз, тіпті денесін мәйітханалар да қабылдамайды. Не істерімізді білмей абдырап отырмыз», - дейді ол.

Мұрат Құсайынов есімді тұрғын да осы пррблемамен бетпе-бет келген.

«Үш күн бұрын келініміз қайтыс болды. Сол уақыттан бері денесі үйде жатыр, еті сүйегінен ажырай бастаған. Не істерімізді білмей қалдық... Мәйітхана қабылдамайды. Анализ әлі тапсыра алмай жатырмыз, Жібек Жолындағы зертхана карантинге жабылып қалған», - деп жанайқайын жеткізді ол.

Мәйіттерді жерлеумен айналысатын компаниялар да «қолымыз байланып отыр» дегенді айтады. Олар көмектесуден қашпаймыз дейді, тек заң бұзуға тағы болмайды.

«COVID-19-ға тест нәтижесі болмай біз мәйітті не бальзаидай алмаймыз, не жуындыра алмаймыз, не табытқа сала алмаймыз, қысқасын айтқанда қолымыз байлаулы. СЭС үшінші күннен бері анализдерді қабылдамай жатыр. Хабарлассақ жұмыс істеп жатырмыз дейді, бірақ өтірік, тапсырылған анализдің бәрі зертханада емес, тоңазытқышта жатыр», - дейді жерлеу рәсімімен айналысатын компания өкілі Қуаныш Мұқұшев.

25 маусым күні қаланың Бас санитар дәрігері Жандарбек Бекшин бұл проблеманы шешкендей болды. Ол ауруханада қайтыс болмаған науқастарды коронавирусқа тексермей-ақ жерлей беруге рұқсат беретін қаулыға қол қойды. Ал, жоғарыда аталған тұрғындар туыстарын кеше кешке жерлеуге мүмкіндік алған.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2026 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

«ПТР-тесттің нәтижесі жоқ»: Алматы тұрғындары қайтыс болған туыстарын жерлей алмай отыр

Поделиться материалом

Другие материалы по теме

По читаемости

По материалам