42500.enbek.kz сайтына бір тәулікте 7 мыңнан астам өтініш келіп түскен

20 сәуірдегі жағдай бойынша 42500.enbek.kz сайтына барлығы 122 мыңға жуық өтініш, оның ішінде 7 мыңнан астам өтініш 19 сәуір күні ғана келіп түскен деп хабарлайды AzattyqRuhy.kz «Еңбек ресурстарын дамыту орталығы» АҚ-ның баспасөз қызметіне сілтеме жасап.

Орталықтың мамандары келіп түскен барлық өтініштерді қарап, төтенше жағдай кезеңінде әлеуметтік төлем алуға өтініш беру тәртібі туралы, әлеуметтік төлем тағайындаудан бас тарту себептері туралы, бірыңғай жиынтық төлемді қайтару тәртібі туралы және т.б. түсініктемелер береді.

«Тек 20 сәуір күнінің өзінде орталық қызметкерлері 4,5 мыңнан астам өтініш берушіге жауап қайтарған. Әрбір өтініш жеке қаралып, өтінімде жіберген қателерді жоюға, сол арқылы азаматтарға әлеуметтік төлемді алуына көмек көрсетіледі», - делінген аталған хабарламада.

Орталық мамандары өтініштерді жіті қарап, құжатта жіберілген қателерді жою мүмкіндіктері бар. Мысалы, Еңбек ресурстарын дамыту орталығы әлеуметтік төлемнің қайтарылуына жол бермеу және уақытылы төлеуді ұйымдастыру үшін өтініш берушілердің көрсетілген шоттарын салыстыру мақсатында екінші деңгейлі банктермен интеграция жасайды. Осының арқасында шот деректерінде жіберген қатені түзеп, азаматтардың әлеуметтік төлемді алуына жағдай жасалған.

«Мысалы, өтініш беруші Е есімді азамат өтініште каратаның 20 таңбалы IBAN шотының орнына дербес шоттың нөмірін көрсеткен. ЕРДО мамандары салыстыру жүргізіп, бұл қатені түзеп, өтініш берушінің Каспий банкіндегі карталық шотына жәрдемақыны жіберді. Айта кетсек, бір күннің ішінде осындай қате жіберген 5 жағдай тіркеліп, оларға көмек көрсетілді», - делінген «Еңбек ресурстарын дамыту орталығы» АҚ хабарламасында.

Естеріңізге сала кетсек, ҚР Үкіметі 42 500 теңге әлеуметтік төлемді алуға қатысты азаматтардың өтініштерін (арыздарын) қарастыратын 4 мекемені анықтаған болатын. Олар:

1) 1414 call-орталығы. «Азаматтарға арналған үкімет» АҚ-ның 1414 call-орталығы жүгінген адамның мәртебесі және әлеуметтік төлемдерді алу құқығы, сондай-ақ төлемді жүзеге асыру туралы ақпарат айқындалады.

2) 1411 call-орталығы. «Азаматтарға арналған үкімет» АҚ мемлекеттік корпорациясының Мемлекеттік әлеуметтік сақтандыру қоры» АҚ тікелей жұмыс істейтін call-орталығы. Бұл жерде азаматтарға төлем тағайындау, төлемнің кешіктірілу себептері және төлемді беруден бас тарту туралы ақпарат ұсынылады.

3) ҚР Еңбек және халықты әлеуметтік қорғау министрлігінің «Еңбек ресурстарын дамыту орталығы». Бұл мекеме азаматтар қате ұсынған банктік шоттың нөмірлері мен ЖСН-ін анықтап, өтініш берушілерге дұрыс деректерді қайта ұсыну үшін хабарлама жібереді. Азаматтардың түзетілген деректері негізінде оларға 42500 теңгені тағайындау үшін «Мемлекеттік әлеуметтік сақтандыру қоры» АҚ-на жібереді.

4) ҚР Еңбек және халықты әлеуметтік қорғау министрлігінің 42500.enbek.kz сайты. Бұл сайтта азаматтарға әлеуметтік төлем тағайындау бойынша барлық мәселелер қарастырылады.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Май 2025 »
Пн	Вт	Ср	Чт	Пт	Сб	Вс
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Мы в соц сетях:

42500.enbek.kz сайтына бір тәулікте 7 мыңнан астам өтініш келіп түскен

Поделиться материалом

Другие материалы по теме

По читаемости

По материалам