Алматыда «7-20-25» баспанасының былығы ашыла бастады

Алматыда өткен жылы ғана үйлі болған 72 отбасы баспанасыз далада қаламыз ба деп үрейленіп отыр. Бұл шуды естіген тағы 72 жанұя пәтерлеріне көшіп келу-келмеулерін білбей, жандарын шүберекке түйіп отырғанын айтуда.

Олардың басым бөлігі өткен жылдан бері жыр болған «7-20-25» және «Бақытты отбасы» бағдарламасымен үйлі болғандар, деп жазады Stan.kz ақпарат агенттігі КТК арнасына сілтеме жасап.

Бірақ, былық тек адамдар пәтерді алып қойғаннан кейін ашылып отыр. Сөйтсе, ол көпқабатты үйлер бой көтерген жер телімін қолдануға тыйым салынған екен.

Ол жерде тұрғызылған үйлер былтырдан бастап пайдалануға беріліп қойған. Көпшілігі пәтерді «7-20-25» және «Бақытты отбасы» бағдарламалары бойынша алып, қоныс тойын тойлап та қойыпты. Бірақ, баспаналы болдық деп қуанған тұрғындар бүгінгі күні үреймен отыр.

Себебі, көпқабатты үйлер басқа компанияға тиесілі жерге заңсыз салынған болып шығып, бұл іс сотқа бір-ақ жеткен.

Өздерінің тұрғын үйінің заңсыз жерге тұрғызылғанын естіген жұрт енді бізді үйден қуып шықпақ деп шырылдауда.

«Құрылыс компаниясы біздің үйдің орналасқан жерін сотқа берген. Енді бәрімізді тоқтатпай сотқа шақырып жатыр. Олар бізді үйімізден қуып шықпақ. Не пәтер үшін төлеген ақшаны да қайтарып бермейміз деп отыр.

Онда біз далада, тіземізді құшақтап қаламыз ғой»,- дейді баспаналы болған Алматы тұрғыны Дәния Ысқақова.

Ал, жоспар бойынша ол жер учаскесінде 3 бірдей көпқабатты үй салынуы керек екен. Олардың бірі аяқталып пайдалануға берілгенімен, үй

иелері бүгінде сергелдеңге түсіп жүр. Бұдан бөлек, екінші тұрғын үйдің де құрылысы аяқталып қалыпты. Бірақ, соңында жерге байланысты мынадай дау туғаннан кейін қалған үй иелері пәтерлеріне не көшіп келерін, не келмесін білмей дал болуда.

«Пәтердің кілтін алып, жөндеу жұмыстарымен айналысып жатырмыз. 4 моллионға банкке кепіл қойғанмын. Жөндеу жұмыстары да 2-3 аптаның ішінде біткелі тұр. Ал, қазір осындай сұмдықты естіп отырмыз», - дейді Алматы тұрғыны Бағдат Қаленов.

Жаңа қоныс иелерінің қорқынышына айналған құрылыс компаниясы болса, ол жер телімін 2 жыл бұрын сатып алғандарын айтады.

Алайда, Алматы әкімдігінің күрделі құрылыс кәсіпорыны бұған дейін рәсімделген 2014 жылғы келісімді заңсыз деп, сотқа жүгініпті.

«Бұл жерді біз салып алып, тіркеуден өтіп қойғанбыз. Сондай-ақ, келісім кезінде де үшінші тарап деген сөз болған емес. Құжат бойынша да жердің заңды иесі біз.

Бұған дейін не болғанында хабарым жоқ, ол жерді біз 2017 жылы салып алғанбыз»,- дейді «ЖВК» ЖШС директоры Саяуш Нұртазин.

Арызданушылардың мәліметіне сүйенсек, дау туған жер телімін 2008 жылдан бастап пайдалануға тыйым салынған. Бірақ, біраз жылдардан кейін жер иесі жерді біреуге сыйға беріп, кейін бірнеше рет саудаға салыпты.

«Қазір жердің қандай себептермен бірнеше мәрте сатылғанын анықтаудамыз. 2014 жылы 1 аптаның ішінде жер телімінің 3 рет иесі ауысып, келісім жасалған болып шықты.

Осыдан күдік туындап отыр. Ал оған қандай жағдайда негізделіп тыйым салынғаны әлі белгісіз.

Бірақ тұрғындарға қарсы ешқандай шағымымыз жоқ»,- дейді «Алматы қаласы әкімдігінің күрделі құрылыс кәсіпорны» ЖШС заң басқармасының басшысы Максим Бакулов.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2025 »
Пн	Вт	Ср	Чт	Пт	Сб	Вс
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Мы в соц сетях:

Алматыда «7-20-25» баспанасының былығы ашыла бастады

Поделиться материалом

Другие материалы по теме

По читаемости

По материалам