Мэлс Елеусізов өзі президент болғанда не істейтінін айтты

Елімізге белгілі эколог Мэлс Елеусізов кезекті президенттік сайлауға не себепті қатыса алмайтындығы, президент болса, не тындыратыны, билік басындағылар өзін неге көре алмайтындығы жөнінде Stan.kz тілшісіне берген сұхбатында айтты.

Осы сұхбатта эколог бірқатар мәселелерді сөз етіпті. Биылғы сайлау додасына не себепті түспегенін Елеусізов: «Мені жібермеді. Сайлау туралы заңға өзгеріс енгізді ғой. Мен бұрын өзімді ұсынып шығушы едім, қазір жеке адам өзін ұсынуға болмайды.

5 жыл көлемінде шенеунік болып, яғни жоғары лауазымда отыру керек. Бұл заңмен келісе бермеймін. Бізде шенеуніктер аз. Олардың ғана ұсынуға мүмкіндігі бар да, қалған тоқсан тоғыз пайыз адам керек емес болып тұр ма сонда? Бұл дұрыс емес.

Әдейі жасалған дүние. Олардікі басқа адамдар өздерін ұсынбасын деген ой ғой» деп түсіндірді.

Ал биылғы сайлаудың әділ өтетініне сенесіз бе деген сұраққа эколог: «Ешқандай өзгеріс жоқ. Сол бұрынғыдай. Халық сайлауға жаппай қатыспаған соң, әділетсіз өтеді. Сайлауға 20% ғана адам барады. Халықтың айтатыны "Шықпаймыз".

Бұл керісінше билікке жақсы, халықтың шықпағаны. Ал сайлауға келгенде бұл өте дұрыс емес нәрсе» деп түйіндейді. Сонымен қатар Елеусізов билік басына әйелдердің келуін құптайтынын, еркектерге қарағанда, әйелдер жақсы басқаратынын айтады.

Үміткер ретінде тіркелмегеніне өкінбейтінінайтқан ол: «Маған билік керек емес, ақша да керек емес. Жұмыстарым көп. Соны енгізу - мақсат. Табиғат мәселесін көтеру керек» дейді.

Экологтың көп нәрсеге көңілі толмайды екен. «Ұнамайтын нәрсе көп. Бір сайлаудың өзінде көңіл толмайтын дүниелер жетіп жатыр. Сайлау халыққа қызық болуы керек. Шоу сияқты өтуі керек. Украинадағы сайлау тамаша өтті.

Қалай болар екен, не айтар екен деп қарап отырдық. Халықтың билікке деген сенімі сонда ғана орнайды. Бізге демократия керек. Монополия деген экономика, мәдениетте болсын, білім саласының қайсысында болса да көсегесін көгертпейді.

Даму болмайды. Әсіресе, саясаттағы монополиялар. Қазір бір партия ойлағанын істеп жатыр. Көбісі заңды емес. Қысқасы, монополияны құрту керек» дейді ол.

Президент болсаңыз бірініші не өзгертер едіңіз деген сұраққа: «Мен президент тұрмақ, оған үміткер де емеспін ғой (күліп). Дегенмен, әуелі жемқорлықты құртатын едім. Кәсіпорындарды ашар едім. Өйткені, біз қазір қытайдың базары болып кеттік.

Сол себептен кәсіпорындарды көтеруіміз керек. Оған толықтай мүмкіншілік бар. Бізге әлгі батыстық технология керек емес. Кейін ауылшарушылығын көтеру керек. Ауылды көтермесек, қаңғырып кетеміз» дейді.

Елімізде АЭС салу мәселесіне байланысты Елеусізов бұл бастаманың жақсылық бермейтінін, тілге тиек етіп: «Бізде энергия жетеді. Ресейдіңң неге АЭС салу туралы ұсыныс жасап отырғаны да белгілі. Оларда үлкен атомдық кешен бар.

Өте көп адам жұмыс істеді. Атомдық қаруды сата алмайтындықтан, атомдық станцияларды сатып жатыр. АЭС салудан бас тартып жатқан басқа шет елге қарағанда бізде баламалы энергия көздері жетіп жатыр. Жел, күн, бәрі бізде бар.

Соны дұрыс пайдалану керек» деп, «Көк жайлау» жобасын да қолдамайтынын, бұл жобаның табиғатты құртатынын айтып, сұхбат барысында Алматы экологиялық ахуалы өте нашар жер деп: «Қазір мұнда адам тұруға мүмкіншілік жоқ.

Біріншіден, қала сыйымдылығы жағынан 700 мың адам болса, қазір 3 млн адам тұрып жатыр. Су тапшылығы бар. Алматы төңірегінде қоқыс төгетін тоғыз орын бар. Біреуін жапқыздым. Бірақ басқалары істеп жатыр.

Сай-сайды толтырып жатыр. Одан соң Балқаш, Өскемен, Шымкент, т.б. кете береді» деп қынжылысын жасырмады.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Октябрь 2025 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

Мэлс Елеусізов өзі президент болғанда не істейтінін айтты

Поделиться материалом

Другие материалы по теме

По читаемости

По материалам