Мал шаруашылығы – маңызды сала » Матрица.kz - Информационно-аналитический портал

Мал шаруашылығы – маңызды сала

Бүгінде аудан бойынша ет өндірісінен көшбасшы болып келе жатқан кәсіпорынның бірі - «Империя Фут» ЖШС. «Империя Фут» серіктестігі былтырдан бері инвестиция көлемі 2,3 млрд. теңгені құрайтын ет өңдеу зауытының құрылысын жүргізуде.

Құрылыс жұмыстары биылғы жылдың қыркүйек айында аяқталуы тиіс. Бұл жобаның қуаттылығы жылына 8 000 тонна ет өңдеуге қауқарлы болмақ. Зауытқа дейін инфрақұрылым жүргізу үшін облыстық бюджеттен 80,1 млн. теңге бөлінген. Қазіргі кезде құрылыс жұмыстары аяқталуға жақын. Серіктестік бұған дейін инвестициялық құны 1,4 млрд. теңгені құраған мал бордақылау алаңын 2014 жылы салған болатын. Бүгінгі күні мұнда 2750-ге жуық бас мал семіртілуде. Жыл басынан бері 57 тоннаға жуық ет өткізілген. Алдағы уақытта Алматы – Бішкек тас жолының бойындағы ет комбинаты құрылысы аяқталса бұл көрсеткіштер еселене түспек.

Арман Джавидан , «Империя Фуд» ЖШС-нің директоры: «Біз 2018 жылы 256 бас Ангус тұқымды бұқалар алып келдік. Оның игілігін тек өз пайдамызға ғана пайдаланған жоқпыз. Аудандағы өзге де шаруа қожалықтарға жалға (арендаға) беріп келеміз. Осылайша ауданның мал шаруашылығына, нақтырақ айтқанда селекциялық және мал тұқымын асылдандыру саласына өз үлесімізді қосып жүрміз.

Өйткені кейбір кәсіпкерлердің мүмкіндігі жетпейтінін ескеруіміз керек. Бәріміз осы ауданның ауасын жұтып, суын ішіп отырмыз» деп айтты. Биыл Жамбыл ауданы мал тұқымын асылдандыруға ерекше көңіл бөліп отыр. Аудан әкімі Бағдат Әлиев ең алдымен ірі қара мен қойды асылдандыру қажеттігін алға тартқан еді. Жыл басындағы есепке қарасақ аудан бойынша асыл тұқымды қой малының саны 52507 басты құраған болса, оның ішінде 32818 аналық саулық. Аудандағы қой малы 18 ЖШС мен шаруа қожалықтарында шоғырланған. қаңтардағы санақ бойынша 607905 бас қой мен ешкі бар, соның 8,8 пайызы ғана асыл тұқымдының негізін құрайды. Қой малынан шығатын өнімдерді (жүн мен етін) арттыру үшін асыл тұқымды қойды 45-50 пайызға жеткізу керек екен.

Осыған орай алдағы уақытта күрделі селекциялық асылдандыру жұмысы күтіп тұр деген сөз. ҚР ауылшаруашылығы министрлігінің 2018 жылғы 15 маусымдағы № 256 бұйрығына сәйкес ауданымыздағы ауылшаруашылық ұжымдары мен шаруа қожалықтары «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау» ережесіне аналық басқа селекциялық және асыл тұқымды бағытымен жұмыс жүргізу бағытына аудан бойынша 192620 аналық бас қатысқан болатын. Оның ішінде 32612 қолдан ұрықтандырылды. Өз кезегінде «Жамбыл асыл тұқым» ӨК асыл тұқымды орталығы арқылы Еділбай, Сарыарқа еті меринос асыл тұқымды қошқарлармен асыл тұқымды шаруа қожалықтары «Мұрынбай», «Қалижан», «Р-Күрті», «Мыңбай», «Ақсұңқар2007», «Береке», «Басай-Агро», «Мәди», «Ажар» атты шаруа қожалықтары – 23103 бас саулықты қолдан ұрықтандыру, қойға асыл тұқымдық және селекциялық жұмыстар жүргізу үшін 204 шаруа қожалықтары мен ауылшаруашылық ұйымдары белсене қатысты.

Ал, қойды қолдан ұрықтандыруды өз уақытысымен дұрыс ұйымдастыру қазіргі заман талабына сай келетін осы тәсіл арқылы өнімділігі өте жоғары бағалы қошқарлардың генетикалық мүмкіншілігін толық пайдалануға болатынын аңғартады. Алдағы уақытта барлық ауылдық округ әкімдеріне, мал дәрігері пункттерінің меңгерушілеріне, техник ұрықтандырушыларға «Жамбыл асыл тұқым» ӨК асыл тұқымды орталығымен өзара бірлесе отырып, қойды қолдан ұрықтандыру жұмысын ұтымды ұйымдастырғаны абзал. Шалғайдағы шаруа қожалықтардың бірнешеуін біріктіріп, қолдан ұрықтандыру пунктін салу керек межеленуде. Аудан бойынша асыл тұқымды ірі қара малы 26 ауылшаруашылық ұжымдары мен шаруа қожалықтарында ұзын саны 7752 бас.

Оның ішінде етті бағытқа Санта Гертурда, қазақтың ақ басы, Әулиекөл тұқымы жөнелтіледі. Ал, сүтті сиырлар болып саналатын Алатау мен Голштино-Фриз тұқымы ауданымызда қарқынды бағылуда. Ет өндірісіне етене кіріскен ірі шаруа қожалықтар: «Мыңбай», «Айтақ», «Ажар», «Асыл қой», «Еңбек» өз жұмыстарын жандандырып келеді. Ал, сүтті сиырдың асыл тұқымдарын «Табыс», «Бейбіт», «Сұңқар», «Жамбек» шаруа қожалықтары тұрақты айналысуда. «Асыл тұқымды мал шаруашылығын дамытуды, мал шаруашылығының өнімділігінің және өнім сапасын арттыруды» субсидия алуға қатысатын шаруа қожалықтар мен ауыл шаруашылық ұжымдарының саны – 165-ке жетті.

Ауданның сүт өндірісі де қарқындап дамып келеді. Оған дәлел, Қарақыстақ ауылындағы «Табыс» шаруа қожалығының 600 басқа арналған сүт кешені. Соңғы кездері өнімді еңбек етіп жатқан заманауи сүт кешенінің жобалық құны 1 млрд. 780 млн. теңгені құрайды. Сүт кешеніне Украинадан 300 бас асыл тұқымды сиыр сатып әкелінген. Кешен жылына 6 тонна сүт шығара алады.

Талғат Естібеков, «Табыс» шаруа қожалығының директорының айтуынша «Біз сүт бағытындағы асыл тұқымды сиырлар өсірудеміз. Олардың бабын арнайы мамандар қадағалайды. Алдағы уақытта сүт өңдейтін зауыт салу жоспарланып отыр. Ол үшін арнайы жер бөлініп, құжаттары дайындалуда. Содан кейін біз өз өнімдерімізді өзіміз өңдеуге мүмкіндік аламыз. Асыл тұқымды сүтті сиырларға ауыл халқының қолы жете бермейді ғой. Сондықтан мен асыл тұқымды бұқаларды ауылдағы қарапайым сиырларға қосып, тұқымын алуға беріп тұрамын. Осылайша, азда болса ауыл халқына көмегімді тигізіп отырмын» деді.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Ноябрь 2024 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Мы в соц сетях:

Мал шаруашылығы – маңызды сала

Поделиться материалом

Другие материалы по теме

По читаемости

По материалам