Алдағы 10 жылда «Қазпошта» бөлімшелері болмауы мүмкін - Сәкен Сәрсенов

Еліміздегі бірегей ұлттық пошта операторы «Қазпошта» АҚ 2018 жылы 54 млрд. 500 млн. тенге табыс тапқан. Көрсеткіш 2017 жылмен салыстырғанда 11% өскен. Бұл туралы "Самұрық-Қазына" АҚ орталығында өткен баспасөз мәслихатында "Қазпошта" АҚ Басқарма төрағасы Сәкен Сарсенов мәлім етті.

Ұлттық пошта операторының барлық процестерді автоматтандыруының нәтижесінде айтарлықтай жетістіктерге қол жеткізіп келеді.
«Осыдан 3 жыл бұрын елімізде 4-5 миллион ғана сәлемдеме жеткізілетін, бүгінде оның саны 20 миллионға жақындады. Қазіргі таңда жұмыстың басым бөлігі онлайн жүйеге ауысып жатыр. Тұтынушы тек біздің бөлімге сәлемдемені алып кетуге ғана келеді. Осындай қарқынмен алдағы 10 жылдықта Қазпошта бөлімшелері болмауы да мүмкін. Ол кезде операторлардың көмегіне емес, смартфоныңыздың көмегімен тіркеуден өтіп өзіңізге тиесілі сәлемдемені алып кетуіңізге болады. Ол жерде сізді бақылайтын тек бейнебақылау камерасы болады», – деді "Қазпошта" АҚ Басқарма төрағасы Сакен Сәрсенов.

Бүгінде ұлттық пошта операторы цифрландыру бойынша қарқынды жұмыстар атқарып жатыр. Нәтижесінде, сәлемделердің саны едәуір артуда. Мәселен, 2018 жылдың қорытындысы бойынша 18 миллион 500 мың сәлемдеме жеткізілген. Бұған дрондар да өз септігін тигізуде (жеткізу көлемін 10 есеге арттырды). Сондай-ақ, халыққа тиімді қызмет ұсыну мақсатында ел аумағында заманауи кеңселер бой көтеруде. Нәтижелері де жоқ емес.

«2018 жылы цифрлық офистердің қызметтерін 22 400-ден астам адам пайдаланды. Егер де халық цифрлық кеңселерге белсенді келіп жатқан жағдайда өзге де аймақтарда ашатын боламыз», – деді Басқарма төрағасы.

Биыл компания «Қорғас» ШЫХО-дағы кеден қоймасын ашуды жоспарлап отыр. Бұл өз кезегінде Қытай мен Еуропа арасындағы электронды коммерцияның дамуына жағдай жасап, сәлемдемелердің тезірек жеткізілуіне ықпал етеді. Мысалы, қазір Қытайдан Еуропаға сәлемдемелер 15-20 күнде келсе, ал бонд қоймалар арқылы бұл уақыт 7-ден 12 күнге қысқартылады.

Сонымен қатар, 2018 жылы әкімдіктермен бірлесе отырып, «Цифрлық Қазақстан» мемлекеттік бағдарламасын іске асыру шеңберінде ұлттық пошта операторы 763 мың 524 қазақстандықтың цифрлық сауаттылығын ашқан.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2026 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

Алдағы 10 жылда «Қазпошта» бөлімшелері болмауы мүмкін - Сәкен Сәрсенов

Поделиться материалом

Другие материалы по теме

По читаемости

По материалам