Пәтер талап еткен көпбалалы аналардың мәселесі қалай шешіледі?

Елімізде көпбалалы отбасылар мемлекеттік бағдарламалар арқылы баспанаға қол жеткізе алмай жүргендерін айтады. Жергілікті әкімдіктердің тізімінде тұрсақ та, кезек жылжымайды. Ал, несиеге ипотека рәсімдеуге жалақы жетпейді, дейді. Аядай жеркепеде өлместің күйін кешкендер елімізде жетерлік. Алайда, әлдебіреулер жалға беретін қора іспеттес тар үйшікте шұбырған баласымен жан сақтағандардың азабы қашанға дейін жалғаспақ? Бұндай ата-аналарға жағдай жасала ма? Бұл туралы Еуразия бірінші арнасы хабарлайды.

Ботагөз 5 ұл мен 3 қыздың анасы. Сегіз баланы асырау үшін жолдасы екеуі екі жақта аз жалақыға жанталасып жұмыс істейді. Алтын алқа иегері қазір жұпыны, тар, лас жеркепеде балаларымен бірге әрең жан бағып отыр. Үлкен пәтерлерді жалдауға қалтасы қалың емес, ал барған жерден көп баланың шуы үшін қуылады екен.

БОТАГӨЗ ЖҰМАБАЕВА,КӨПБАЛАЛЫ АНА:

«Качегаркада тұрамын. Жетпейді, балалар оқудан келеді. Оқуын оқиын десе орын жоқ мына жерде үйдің ішінде. Киімдерін күнде жусаң күнде қап-қара болады».

Ақша жинап, шотқа салу тіпті арман. Себебі, тапқан-таянғандары бала-шағаның ішіп-жемінен артылмайды. Тіпті, балалар бір-бірінің киімдерін ауыстырып киіп әлекке түседі екен. Оның үстіне, ай сайынғы несие тағы бар. Мардымсыз жалақы оған да жетпейді, дейді. Жалпы бұл, тек Ботагөздің ғана басындағы жағдай емес. Қалың бұқара "пәтер алуға парықсызбыз" - деп налиды.

Несиеге тәуелді болған халықтың арманы ипотекамен шектеледі. Себебі, қарызға алсақ та бір шаңырағымыз болса дейді. Ал, еліміздегі бүкіл несие айналымын есептеп отыратын бюро мамандарының сөзінше, биыл несиеге баспаналы болғандар былтырғыдан көп.

ӘСЕМ НҰРҒАЛИЕВА, БІРІНШІ НЕСИЕ БЮРОСЫНЫҢ АТҚАРУШЫ ДИРЕКТОРЫ:

«Бүгінгі таңда 2019 жылдың басындағы есеп бойынша Қазақстанның кредиттік портфелі 6 триллион теңге. Оның 25-пайызы,1,5 триллионы ипотекалық несиелердің үлесі. Өткен жылы ғана жүйеде 75,000 миллиард теңгеден астам ипотекалық несиелер берілген. Пәтер алуға арналған мемлекеттік бағдарламалардың көбеюіне орай ипотекалық несие де өсіп келеді.

Көпбалалылар бұндай ипотекалық несиелердің маңына да жолай алмайды. Өйткені, оны өтемек түгілі, ай сайынғы пәтерақыны әзер тауып жүр. Оның үстіне, биыл пәтердің шаршы метрінің бағасы 4-5 пайызға қымбаттапты. Мәселен, еліміздегі ірі бес қаладағы жағдай мынандай:

Алматыда пәтердің шаршы мерті 374 мың теңге, Астанада 333 мың теңге, Көкшетауда 195 мың теңге, ал Ақтауда 196 мың, пәтерлер арзан деген Павлодардаың өзінде 1 шаршы метр 175 мыңды құрап тұр.

Сатылатын үйлердің бағасының аспандап өсуі жыл сайынғы көрініс. Алайда, 1 шаршы метрдің 5 пайызға бірден көтерілуін көпшілік түсінбейді. Ал,сала мамандары оған себеп көп дейді. Мәселен, "бизнес класс" санатындағы үйлерді салатын құрылыс компанияларын атамағанда, эконом жүйедегі үйлерді соғушылардың бағалары жыл сайын шарықтап, аспанға бірақ шығады. Өйткені, доллар тұрақсыз. Оның құны өскен сайын құрылыс материалдарының бағасы да өзгеріске ұшырайды. Ол былай тұрсын, өз қалтасын қампайтуды ойлайтын алыпсатарлар да бар -дейді мамандар.

РУСЛАН ШҮКЕНОВ, РИЕЛТОР:

«Егер де сұраныс болмаса ұсыныс та болмайды мысалға. Негізі ол иә әсерін тигізеді.Олар мысалға көбінде қазір келгендердің барлығы мысалға алдына қойған кезде пәтердің бағасын былай айтқан кезде қымбаттатып қояды. Бірақ, негізі түптеп келгенде сатылатын бағасы нарықтық бағамен сатылады».

Көпбалалылар тұрмақ, жастар сәбилі болуға қорқып, аяқтарын аңдап басады. Себебі, қолында дипломы бар жас мамандар пәтерден-пәтерге көшіп күйлері қашқан.

Ал, Үкімет мүшелері "бұл мәселені шешуге барынша күш саламыз" -дейді. Индустрия және инфрақұрылымдық даму министрі Жеңіс Қасымбектің айтуынша, көпбалалыларға арналған бағдарлама іске қосылмақ. 4 баладан көп отбасыларға арналған заң жобасы дайындалып жатыр екен. Бұл жоба бойынша, ата-аналар тұрғын үй жинақ банкінен екі түрлі сертификатқа ие болады. Алғашқысы, 20 пайздық жарнаның тек жартысын өтеу арқылы пәтерлі болуға арналған мүмкіндік болса, екінші сертификат қаражатты банкке 10-15 жылдан кейін қайтаруға міндеттейді, деді ол.

ЖЕҢІС ҚАСЫМБЕК, ҚР ИНДУСТРИЯ ЖӘНЕ ИНФРАҚҰРЫЛЫМДЫҚ ДАМУ МИНИСТРІ:
«Осы жылы біз аренда арқылы беретін пәтерлерге сомасын қосып жатырмыз. 25 миллиард болса осы жылы әкімдіктерге 35 миллиард беріп жатыр. Сол арқылы 4000 пәтер салынады арендаға беретін пәтер. Оның ішінде осындай семьялар бар. Енді қазір арнайы әкімшіліктермен жұмыс істеп, госпәтерлердің санын көбейту үшін біз жұмыстарды атқарамыз деп отырмыз. Біз қосымша тек қана осындай семьяларға қосымша пәтер салу үшін қазір қаражат іздеп отырмыз».

Министрдің сөзінше, елімізде 28 мың көпбалалы отбасы баспана кезегінде тұр. Оның 2 мыңы Астанада. Ал, былтыр көпбалалыларға 700 пәтер үлестіріліпті. Биыл оның саны 4 мыңға жетпек.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Август 2025 »
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Мы в соц сетях:

Пәтер талап еткен көпбалалы аналардың мәселесі қалай шешіледі?

Поделиться материалом

Другие материалы по теме

По читаемости

По материалам