Астанадағы көпқабатты үйлердің 90 пайызында газ қондырғылары талапқа сай емес

Ресейдің Магнитогорск қаласындағы тұрғын үйде болған газ жарылысынан кейін өре түрегеліп, бас қаладағы газ құбырларына жаппай тексеріс жүргізген мамандар осындай байламға келіп отыр.

Бірдеңе жарылмаса немесе өртенбесе орнынан қозғалмайтын жауаптылардың жорығы кезінде барлығынан дерлік көгілдір отынның өткір иісі мүңкіп тұрғаны белгілі болды. Ал, табиғи газ келсе жағдай қаншалықты реттеледі? Бұл туралы Еуразия бірінші арнасы хабарлайды.

Қаланың оң жағалауындағы әбден ескірген үйлердің біразын тексеріп шыққан мамандар газдың көбісі далаға шығып тұрғанын айтады. Себебі, құбырлардың көпшілігі ескірген. Астананың үскірік аязына шыдамай, шірігендерін алға тартады.

«Біз тексеру жүргізіп көптеген олқылықтарды анықтадық. Мәселен, мына құрылғы арқылы далада тұрған газ трубаларын зерттей келе, аппарат сұйық отынның сыртқа қарай шығып жатқанын көрсетті. Бұл жақсы емес. Газ ауаға тарап кететіндіктен мұндай жағдайда жарылыс болмауы мүмкін. Бірақ жаман айтпай, жақсы жоқ. Апат айтып келмейді» - дейді тәуелсіз газ қауымдастығының төрағасы Федор Мардвинкин.

Ал, жалпы газға жауаптылар биыл мәселе толық шешіледі деген уәде беруден ары аса алмады. 2019 жылдың бас жоспарында қаладағы 800 метр құбырды жөндеу көзделген екен. Бұл жыртыққа жамау болмайтыны бесенеден белгілі.

«Орталықтандырылған газ жүйесі бойынша 2018 жылы негізі 97 жылдан бері біздің орталықтандырылған газ жүйесі ТОО «Астана газ қызметі»жекенің меншігіне берілген, она продано. Жыл сайын өздерінің антимонопольный комитетпен утвержденный инвестиционный программасы бойынша олар техникалық куәландырулар, техникалық диагностикалар және алдыңғы жылы 600 метр газопровод ауыстырылды жер асты. Үйге кіреберіс 10 газопровод ауыстырылды» - дейді қалалық газ инспекциясының жетекшісі Мақсат Абылов.

Күнібұрын жаппай тексеріс болған тұрғын үйге бізде ат басын бұрдық. Газ сақтайтын құрылғылардың көпшілігі, мамандар айтқандай ескірген. Айналасынан сұйық отынның иісі бірден байқалады. Ал, жергілікті тұрғындар оған әбден үйреніп кеткендерін айтады.

Бұл Астананың оң жағалауындағы пайдалануға берілгеніне жарты ғасырдан астам уақыт өткен тұрғын үйлердің ауласындағы сұйық отынға толтырылған қойма. Бұл газ сақтайтын құрылғылар айналадағы төрт бірдей үйге қызмет көрсетіп келеді. Көріп тұрғанымыздай қоршауында қауіпсіздік талаптарын сақтау жөнінде бірде-бір жазу жоқ. Ал, айналасында жыл он екі ай бойы жағымсыз иіс шығып тұратынынан әбден шаршаған тұрғындар шағымын айтып бармаған жер, баспаған тауы қалмағанын айтады.

"Аш пәледен қаш пәле" демекші, қазір тұрғындардың көбі электрлі пештерге көшіп алған. Жарылыс қаупі туындайды деп қорықпайтындарын алға тартады. Алайда электр қуатына қаржының басым бөлігі кетеді екен. Бірақ, газға қарағанда тиімді көрінеді.

«Мына газ сақтайтын құрылғыдан шығатын жағымсыз иістен әбден мезі болдық. Осылай жыл он екі ай мүңкіп тұрады. Балаларымызға алаңдаймыз. Кейде басымыз айналады. Газды пайдаланғанымыз үшін ай сайын қаржы төлеп отырмыз. Соған сай қызмет көрсету керек қой. Сұйық отын келіп тұрған трубалар әбден ескірген. Қашан ауыстырғанын ұмытып та қалдым» - дейді қала тұрғыны Лариса Рейнер.

Астананың ескі бөлігінде орналасқан бұл үйлерде жалғызбасты зейнет жасындағы кісілер көптеп тұрады. Тіпті, соғыс ардегерлерін де кезіктірдік. Олардың шағымдана шағымдана, жергілікті әкімдіктен көңілдері қалған секілді. Тіпті, ішер асын өздері әзірлейтін қарияларға ілуде бір қонақ келгенде үйден газдың иісі шығып тұрғанын айтады екен. Өзіміз иіс сезбейміз дейді.

«Бұл газ тұратын қойма айналадағы біраз үйді отынмен қамтамасыз етіп отыр. Бір кездері бұны ауыстырмақшы болған. Біз аула кішкентай болғандықтан мен қарсы болдым. Сұйықтық сақтайтын жер әбден ескірген ауыстыру қажет. Шығатын иісті айтудың өзі артық. Демалу мүмкін емес» - дейді қала тұрғыны Михаил Кочетков.

Жергілікті әкімдік іске білек сыбана кіріскен сыңайлы. Осы айдың өзінде қаладағы мыңнан астам үй толыққанды тексерістен өтпек. Олқылықтар анықталып, зерделеніп тиісті шаралар қолданылмақ. Ал, тұрғындар болса құбырлардың жағдайы одан әрі түзелмесе, табиғи газ келгенде не істейміз деумен күн кешіп отыр.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30

Мы в соц сетях:

Астанадағы көпқабатты үйлердің 90 пайызында газ қондырғылары талапқа сай емес

Поделиться материалом

Другие материалы по теме

По читаемости

По материалам