Жамбылда жазықсыздарға жала жапқан жеті полицей сотталды

Жамбыл облысы Байзақ аудандық сотында жазықсыз адамдарға жала жауып, өздерінің мүдделері үшін әдейі жалған дәлелдер келтіріп, қызмет бабын асыра пайдаланған жамбылдық жеті полицей – Байзақ аудандық ішкі істер бөлімінің тергеушісі Ерлан АРЗЫҚҰЛОВ, Жамбыл аудандық ІІБ есірткі бизнесіне қарсы бөлімінің басшысы Бекжан БАЙГЕЛДИЕВ, Жамбыл аудандық ІІБ есірткі бизнесіне қарсы жедел уәкілі Досжан ЖҰМАҒҰЛОВ, Жамбыл аудандық ІІБ есірткі бизнесіне қарсы аға жедел уәкілі Асадуллабек СОПАЕВ, Жамбыл аудандық ІІБ есірткі бизнесіне қарсы кіші жедел уәкілі Нұрсұлтан ТӘУІРҚҰЛОВ, Жамбыл облыстық ІІД-нің арнайы жедел реакция бөлімінің жауынгері Ерхан БАЙБУТАЕВ, Жамбыл облыстық ІІД-нің арнайы жедел реакция бөлімінің инспекторы Бақдәулет БЕКЗАТОВҚА қатысты сот үкімі шықты.

Өткен жылдың тамыз айында Байзақ ауданына қарасты құмды алқаптан полицейлер «аса ірі көлемдегі есірткі тасымалдаған екі азаматты қолға түсіргені» жайында ақпарат таратқан еді. Полицейлер «730 келі кептірілген марихуанамен қолға түсірдік» деген Е.Тамилов пен Р.Давлетвагин қызыл жағалылардың үстінен құзырлы орындарға арыз түсірген. Жазылған арыз бойынша полицейлердің ол екі азаматты заңсыз ұстағаны, ерекше ауыр қылмыс жасады деп 730 келі есірткі затын қолдан ұйымдастырғаны, арнайы құралдарды пайдаланып азаматтардың құқықтары мен заңмен қорғалатын мүдделеріне зиян келтіргені, жалған дәлелдер жинақтағаны, қысқаша айтқанда қызмет бабын асыра пайдаланғандары бойынша тексеру жүргізіліп, анықталған қылмыстар бойынша полицейлердің үстінен іс қозғалған.

Шілде айында басталған бұл іс бойынша бүгін Байзақ аудандық сотында үкім шығып, жазықсыз адамдарға жала жауып, жалған дәлелдер жинақтаған жеті полицейге 1 жылдан 3 жылға дейінгі аралықта шартты жаза тағайындалды. Сержанттан майорға дейінгі шендегі олар қызметінен қуылып, шендерінен айырылды. Сот шешімі күшіне енгенге дейін аталған полицейлердің бірінің Тараз қаласы Талас ықшам ауданындағы 4 үйдің 39 пәтері және қалғандарының автокөліктері кепілдік ретінде тәркіленіпті. Олардың алды «Chrysler Neon», «Lexus ES 300» секілді қымбат автокөлік тізгіндеп жүр екен.

Байзақ аудандық сотының төрағасы Ерғазы ТІЛЕУБЕКОВ сот отырысынан соң жеті полицейге қатысты неліктен мұндай жаза тағайындағанын айтып берді.

— Қылмыстық іс «Заңсыз адамды ұстау», «қылмыстық іс бойынша құжаттарды құрастыру», «құқықтық органның қызметкерлері өзіне берілген құзыретті асыра пайдалану» деген 3 құрам бойынша қаралды. Сот қылмыстық іс-құжаттарды зерделеп, сот отырыстарында дәйекті жіті баға беріп, оларды 2 құрам бойынша, 414 баптың 1 бөлігі және 416 баптың 6 бөлігі бойынша ақтады. Ал 362 баптың 2,3 тармақтары бойынша және сол баптың 1-ші бөлігімен қарады. Бұл қылмыстар санаты бойынша орта дәрежелі.

Сот олардың жеке бастарына қатысты мәліметтерінің жиынтығы, олардың бұрын сотты болмағаны, отбасыларының табыс көзі, асырауларында кәмелетке толмаған жасөспірім балалары бар екені ескеріліп, осы баппен бас бостандығынан айырмай, шартты жаза тағайындады, — деді.

Осылайша, екі азаматты қолдан қылмыскер жасауды көздеп, өз мүдделері үшін әдейі жалған дәлелдер келтіріп, қызмет бабын асыра пайдаланған жамбылдық жеті полицей шартты жазамен құтылмақ.

Дереккөзі: Жас Алаш

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2025 »
Пн	Вт	Ср	Чт	Пт	Сб	Вс
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Мы в соц сетях:

Жамбылда жазықсыздарға жала жапқан жеті полицей сотталды

Поделиться материалом

Другие материалы по теме

По читаемости

По материалам