Астанада босанғаннан кейін көз жұмған әйелдің туыстары оның өліміне дәрігерлерді кінәлап отыр

Өмірге сәби әкелмек болған осымен төртінші жан перзентханада көз жұмды.

Бала бақытын көрмей, бақилық болған келіншектің туыстары оның ажалына ақ халаттыларды айыптауда. Ал дәрігерлер болса, өздеріне шаң жуытпай әлек. Бұл туралы stan.kz Еуразия бірінші арнасына сілтеме жасап хабарлайды.

Еліміздің денсаулық сақтау министрі, көз жұмған 4 нәзік жанның бірі шылымқор болса, кейбірі тіркеуге уақытылы тұрмаған деген деректі алға тартты. Ең сорақысы, жыл басынан бері босануға келген 31 әйел қайтыс болған.

«Мен өз әйелімді білемін. Денсаулығы жағынан бәрімізді қарайтын адам болды. Сондықтан, ауырған адам деп айта алмаймын», – дейді қайтыс болған босанушы келіншектің күйеуі Сапар Әміртай.

Әйелінен қапияда көз жазып қалған жанның бірі Сапар Әміртай. Қазір айдай жары болған Айдансыз күндер кешуде. Отыз бір жастағы марқұм екінші қызын өмірге әкеліп, өзі бұл өмірмен қош айтыса барды. Қайғыдан қан жұтып отырған күйеуі әйелінің жүктілік кезеңі жақсы өткендігін айтады.

«Жүкті болған кезде ешқандай ауырған жоқ. Өйткені өзін жақсы сезінді. Уақытысында талдау тапсыратын кезде тапсырады. Серіктестік босану болған кезінде мен қасында жүрдім, ол өзін жақсы сезінді. Босанғаннан кейін де өзін жақсы сезінгеннен кейін, мені шығарып салған. Одан кейін не болғаны туралы ештеңе айта алмаймын», – дейді марқұм болған келіншектің күйеуі Сапар Әміртай.

Жас келіншектің артынан 2,5 жасар тұңғышы мен қырқынан шықпаған қызы қалды. Биыл жыл басынан бері жалпы, 31 сәби дүние есігін аша сала, анадан жетім атанды. Соңғы қайғылы жағдай күні кеше ғана Астанада тіркелді.

«Отыз төрт жастағы қайта босанушы Астана қаласының №2 перниаталдық орталығына келіп, 15 шілде күні түскен. 16 шілде күні өздігінен табиғи жолмен босанды. Босанудан кейін жағдайы нашарлады. Қолдан келген барлық жағдай жасалды. Бірақ, өкінішке орай, осындай жағдай болды», - дейді қалалық қоғамдық денсаулық сақтау басқармасының акушер-гинекологі Гүлнәз Досмырзаева.

Осылайша, Астанада жаңа босанған төртінші әйел о дүниеге аттанды. Мәселе Үкіметке де жетті. ҚР Премьер-Министріне есеп берген қала әкімі ана өлімі себебін анықтау үшін Еуропадан мамандар шақырылатынын айтты.

«Тәуелсіз сараптама жүргізу үшін акушерлік-гинекологиялық көмек үшін Еуропаның мықты деп саналатын мамандарын шақырып отырмыз. Мәселе бақылауда», - дейді Астана қаласының әкімі Әсет Исекешев.

Өңірлердегі жағдай да ақсап тұр. Көштің басын оңтүстік өңірі бастайды. Бірақ, ондағы туу көрсеткішін ескерсек, Ақмола облысындағы жағдай сын көтермейді. Жылына жиынтығы 60 әйел көз жұмады екен.

«Әрбір ана және бала өлімі жағдайында арнайы стандартталған тексеріс зерттеу жұмыстары жүргізіледі. Соның нәтижесінде, қажетті әкімшілік шаралар қабылданатын болады» – дейді ҚР Денсаулық сақтау министрі Елжан Біртанов.

Министрдің айтуынша, көз жұмғандардың жартысынан астамы есепке кеш тұрған. Қалаберді патологиялық аурулары болған. Мұндайда бала көтеруге болмайды. Ал елордада қайтыс болған үшінші келіншек ерте жастан темекіге әуес болған көрінеді.

«Екі қабат болып жүріп, үш түрлі препаратпен емделген. Оның үстіне, 19 жасынан бастап күніне 20-30 реттен темекі шегетін болған. Қазаның басты себебі осыдан деген ойымыз бар», - дейді қалалық №1 перинаталдық орталық директорының орынбасары Ербол Әубәкіров.

Ал Астанада жаңа босанған үш бірдей ананың мәйтінін шығарған перинаталдық орталықта жүкті әйелдерді қабылдау уақытша тоқтатылған еді. Онда тиісті тексерулер жүргізіліп, оның нәтижесі он күн ішінде шығуы тиіс болатын. Алайда, бұл мерзім өтіп кеткенмен, сараптама қорытындысы әзірге шыққан жоқ. Ал өткен аптада осы перинаталдық орталықтың қайтадан жұмысын бастағаны хабарланды. Алайда, әзірге онда жүкті келіншектер босанып жатқан жоқ. Басқа перзентханаларға жөнелтілуде.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Октябрь 2026 »
Пн	Вт	Ср	Чт	Пт	Сб	Вс
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Мы в соц сетях:

Астанада босанғаннан кейін көз жұмған әйелдің туыстары оның өліміне дәрігерлерді кінәлап отыр

Поделиться материалом

Другие материалы по теме

По читаемости

По материалам