Қарағандыда сал ауруына шалдыққан сәбиді балабақшадан қуып шыққан

Қарағандыда жекеменшік балабақшадан 3,5 жастағы сәбиді шығарып жіберген. Жалғыз басты ананың айтуынша, қыз бала сал ауруының жеңіл түрімен ауырады. Мектепке дейінгі мекемеден баланың шығарылып жіберілуіне оның сырқаты себеп болған, деп жазады Baq.kz аймақтағы тілшісі.

Қарағандылық ана Лиана Султаеваның 3,5 жастағы қызы 29 мамыр күні жекеменшік балабақшаға мемлекеттік бағдарлама есебінен қабылданған. Бақшаға бар-жоғы екі апта уақыт барған қыз баланың күтімі үшін мекеме директоры анасынан қосымша ақша сұраған. Оның себебін сал ауруына шалдыққан баланың жанында үнемі жеке тәрбиешісі болуы қажет деп түсіндірген. Бірақ мұны төлеуге жалғыз басты ананың қауқары жетер емес.

«Қызым 3,5 жаста. Оның ақыл-ойы жақсы дамыған. Өз бетімен жүреді, өзімен-өзі ойнайды. Тек аяғында аздаған кемістігі бар. Балам жүрген кезде басқа балаларға қарағанда көп құлауы мүмкін. Денсаулығында бұдан басқа кінәрат жоқ. Жекеменшік балабақшаға 11 мың теңге төлеймін. Қалған 26 мың теңгені біз үшін мемлекет төлейді», - дейді Лиана Султаева.

Ананың айтуынша, қызы балабақшаға барғаннан кейін бірнеше күннен соң мекеменің директоры Гүлдана Әбенова бақшаға төленетін 11 мың теңгеден бөлек, тәрбиешінің жұмысы үшін қосымша 10-15 теңге төлеуін талап еткен.

«Не себепті қосымша ақша талап еткенін сұрағанымда, директор қызыма қараудың өте қиын екендігін, оның тәрбиешінің жанынан шықпайтындығын айтты. Мен бірден тәрбиеші Айнара Дүйсенхановамен сөйлестім. Ол қызымның күтімі үшін ақша сұрамағандығын айтты. Осыдан кейін балабақша директорына қосымша қаражат төлемейтіндігімді айттым. Г.Әбенова болса қызымның кесірінен медбикенің жұмыстан шығып кеткендігін, бізге басқа балалар бақшасын іздеу керектігін айтты. 14 шілде күні таңертең директор бізді шешіну бөлмесінде қарсы алып, бақшадан кетуімізді өтінді. Содан кейін баланың киімдерін шкафтан алып, орындыққа лақтырды. Және де айғайлап, менің қызыма қатысты кемсіту сөздер айтты», - дейді ана.

Лиана Султаеваның сөзінше, қыз бала сал ауруының жеңіл түрімен сырқаттанған.

«Ол қарапайым бала. Тек жүрген кезде аяғында аздап кемістік бар. Оның емі үшін барлық күшіміді салып жатырмын. 1,5 ай бұрын ресейлік дәрігерлер аяғына ота жасады. Қазір оның жүрісінің қалыпты болуы үшін жұмыс жасаудамын. Дәрігерлер баланың қарапайым балалар бақшасына баруын қолдайды. Себебі ол қоғамға сіңісуі керек»,- дейді ол.

Аталған оқиғаға байланысты мектепке дейінгі білім беру мекемесі жетекшісінің өз айтары бар. Оның сөзінше, Лиананың қызына қарапайым балалар бақшасына баруға болмайды. Себебі бала үнемі жеке күтімді қажет етеді.

«Бала сал ауруына шалдыққан. Бұл оның денсаулық паспортында көрсетілген. Онда сәби қарапайым балалар бақшасында емес, мамандандырылған оңалту орталығында, арнайы оқытылған мамандардың жанында болуы қажет деп көрсетілген. Осы екі аптада балабақша тәрбиешісі үнемі осы баланың жанында отырды. Ал бізде топта 23 бала бар. ол басқа балаларға да қарауы керек қой. Сондай-ақ, баланы жаңа ортаға бейімдеу деген мәселе бар. Яғни анасы баланы алғашқы күндері бірер сағатқа ғана қалдырып, үйретуі керек. Бірақ бұл баланы анасы таңертеңнен кешке дейінге қалдырды, сәби күні бойы жылайды», - дейді Гүлдана Әбенова.

Директор балабақшадан осы уақыт аралығында екі баланың кетіп қалғандығын айтады. Себебі, олардың ата-аналары тәрбиешінің бір ғана балаға көңіл аударылатынына наразы болған.

«Мен олардың құжаттарында проблема болғанына қарамастан, балабақшаға қабылдадым. Қазір өкінемін. Егер баланың анасы қосымша қаражат төлесе оның жанында үнемі жеке тәрбиешісі отыратын еді. Бала жиі құлайды, егер де ол сатыдан құлап кетсе ше? Мұндай баланың күтіміне байланысты жауапкершілікті мойныма ала алмаймын», - дейді директор.

Аталған мәселені қазіргі уақытта білім беру бөлімінің мамандары анықтап жатыр.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Декабрь 2025 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31

Мы в соц сетях:

Қарағандыда сал ауруына шалдыққан сәбиді балабақшадан қуып шыққан

Поделиться материалом

Другие материалы по теме

По читаемости

По материалам