“Кәсіпкер боламын” бизнес лагерінің мүмкіншіліктері мен артықшылықтары

Маусымның 3-9 аралығы Ақтау қаласында "Al-FarabiEducationBusinessAcademy орталығының ұйымдастыруымен Маңғыстау өңірінен жиналған 150 баланың қатысуымен жазғы лагерь өтті. Ұйымдастырушылар хабарласып балаларға тренинг өту ұсынысын жасағанда, көп ойланбастан келістім, себебі бұған дейін ересек аудиторияға үйренген мен үшін, оқушылар мен жұмыс жасау қызық болып көрінді.

Лагерьдің ашылу салтанатына қазақстандық эстрада жұлдыздары қатысуымен, сондай-ақ журналистиканың шыңында жүрген Нұртөре Жүсіп, Серік Жанболат, Серік Мәмбетов сияқты ағаларымыз сөз алып, жас өркендерге жөн сілтеп, ақыл-кеңестерімен бөлісті.

Демалыс лагері Ақтау қаласынан 20 шақырым қашықтықта Каспий теңізінің жағасында орналасқан екен. Таңғы 9-дар шамасы болатын, заттарымызды алып лагерь территориясына кіргеннен бастап музыкамен үйлесіп, микрофонмен сөйлеп тұрған жаттықтырушының дауысы естіле бастады. Жақындап келгенімде лагерьге жиналған оқушылардың музыка ырғағына ілесіп, қаз-қатар тізіле таңғы жаттығу жасап жатқандарын көрдім. Тура осылай біздің демалыс лагеріндегі алғашқы күніміз басталды.

Ұйымдастырушылардың өте жоғары деңгейде дайындалғаны бірден білінеді. Әр командаға тиесілі жатын корпустардың тұсындағы командалардың аты жазылған, желкен тәріздес биіктулар, арнайы дайындалған сахна, мұнтаздай таза лагерь ауласы, әктеліп сырланған ғимараттар ұйымдастырушылар алқасының әрбір детальға назар аударып қыруар шаруа атқарғандықтарынан хабардар етіп тұрды.

Тағы бір есте қалғаны балалар қауіпсіздігі дер едім. Бүкіл лагерьдің қызметкерлері, еріктілер, тренерлер, қауіпсіздік қызметі, өрт сөндірушілер, медиктер, аспаздар, администрация, жүргізушілер қосылып бірегей организмге айналып, оқушылар демалысының маңызды өтуіне атсалыстық.

Күнтәртібі де өте сапалы ойластырылған, оқушылардың лагерьде өткізген әр минуты босқа кетпеді. Оқушылар алдында еліміздегі ең мықты тренерлері мен ең мықты спикерлері сөз сөйлеп, бар білімін үйретіп жатты. Осының бәрін көргенде, көз алдыма Айнаш Төлеш xаным бастаған "AlFarabiEducation" BusinessAcademy орталығының ұйымдастыру алқасын елестеттім.

Олар жобаны ойластыру барысында "балаларға тек ең мықты" принципіне сүйеніп жасаған сияқты. Олай демеске шара жоқ, спикерлер қатарында ЛәйләСұлтанқызы, Марат Жылынбаев, Абылай Юсупов сияқты өзісінің шеберлері тұрды.

Тренинг барысында оқушылардың бизнес саласынан хабардар екенін түсіндім, олар осы уақытқа дейін өз мектептерінде бизнес курстардан өтіп, бизнес жобаларын қорғап презентациялап та үйренген. Әрқайсысының өз арманы, нақты мақсаттары бар.

Айтылып жатқан пайдалы ақпараттарды қылғыта жұтып, қызыға тыңдаған қаракөздерді көріп шабытым шарықтай түсті. Тренингке белгіленген екі сағат уақыт жетпей жатты. Презентация жасау, сату, идея табу, команда жинау, монетизация, тіпті бойдағы комплекстерді жою тақырыбына дейін өтіп, бар білгенімді шығардым. Өмірлік миссия мен мақсат қою тақырыптары оқушылардың қызығушылығын қатты оятты. Ал жаңа медиа, әлеуметтік желідегі бизнес тақырыптар соңы үлкен дискуссия мен жалғасыпжатты.

Лагерьдің тағы бір ерекшелігі, бұл демалыс лагері үлкен жобаның кішкентай бір бөлшегі ғана екен. "Al-FarabiEducationBusinessAcademy” орталығы Маңғыстау облысы әкімдігі және Атамекен кәсіпкерлер палатасының қолдауымен ауқымды жобаны іске асырып жатыр екен.

Олар оқушыларды кәсіпкерлікке баулитын тренерлерді, мұғалімдер арасынан іріктеп алып арнайы оқытыпты. Және осы жоба аясында "Кәсіпкер боламын" атты үстел ойынын жасап шығарған. Ойын бір қарағанда монополия ойынын еске салады, бірақ авторлардың айтуынша мүлдем басқаша.

Бизнес әлемі сондай тартымды болғанымен, соншалықты қатаң әрі сұрапыл. Жүз адамды мысалға алатын болсақ, тек 3% ғана нағыз бизнесмен болып шығады екен. Сондықтан лагерь оқушылардың тек кәсіпкерлік қырын ашып қоймай, өзінтану, жеке даму жағына да орасан пайдасын тигізді. Осы жаз олардың мәңгі есіңде қалатыны сөзсіз.

Нұрлан Жанай, Media Commerce Partnership ЖШС бас директоры

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Март 2026 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Мы в соц сетях:

“Кәсіпкер боламын” бизнес лагерінің мүмкіншіліктері мен артықшылықтары

Поделиться материалом

Другие материалы по теме

По читаемости

По материалам