Баспана қымбаттайды: "7-20-25" бағдарламасы нарыққа қалай әсер етеді

Қазақстанда баспана бағасы қымбаттауда. Ranking.kz аналитиктерінің мәліметіне сүйенсек, бүгінде жаңа үйлердегі шаршы метрдің орташа құны 260 мың теңгеден асып түскен. Елімізде ең қымбат баспана Астана қаласында. Бұл туралы КТК арнасы хабарлайды.

Биыл елордалық құрылысшылар алматылықтардан асып түсті. Бұл орайда мамандар бағаның арзандауын күтпеуді өтінді. Олар әлі салынып бітпеген тұрғын үйлерден пәтер алуға кеңес беруде. Арзаны әрі тиімдісі сол, дейді мамандар.

Қыруар қаржымен қоса арманыңды да көкке ұшырудың қаупі жоғары. Нарықта күмәнді компаниялар қаншалықты тез пайда болса, соншалықты тез жабылып жатыр. Мәселен, өткен айда ғана нарықта мыңға жуық фирма жабылды.

Ал үлескерлерді тартуға небәрі 85 құрылыс мекемесінің заңды құқығы бар. Олармен жұмыс істейтін болсаңыз, бірнеше жылдан кейін берілетін пәтерге ие болуға болады. Сол кезде жақсы пәтерді жарты бағасына алуға мүмкіндік бар.

Мәселен, бүгінде 60 шаршы метрлік екі бөлмелі пәтер орташа есеппен алғанда 19,5 миллион теңге тұрса, тек 2020 жылы пайдалануға берілетін дәл осындай шаршы метрлі үйді небәрі 8 миллион теңгеге алуға болады.
КТК арнасы
Яғни 40 пайызға арзан. Алайда қазақстандықтар ауаға ақша салудан қорқады. Жалпы дайын баспананы алуға асық тұрған халық та көп емес.

“Қазір жылжымайтын мүлік нарығы бір орында тұр. Бүгінде оны екі категорияға бөлуге болады – ол элиталы және қолжетімді баспана. Қазір элиталы баспанаға сұраныс жоқ. Көбінесе ондай үй иелері оны сатып, шетелге кетуді қалайды. Ал сатып алу мүмкіндігіне орта тап ие”, – дейді риелторлық компанияның жетекшісі Айкүн Тәжімбетова.

Қазақстанда ең арзан баспана – Тараз қаласында. Ал көршілес Шымкентте одан 2,5 есеге қымбат. Ол жақтағы баспана құны елорданікімен бірдей. Астанада бір шаршы метр 332 мың теңге тұрады. Бұдан кейінгі орында Алматы қаласы тұр. Ал алдыңғы үштікке мұнайшылар қаласы кірді.

Алайда ескере кететін бір жайт, бұл сандар жақын арада күрт өзгеруі мүмкін.

“Баға көтерілуі мүмкін. Өздеріңіз білесіздер, 7-20-25 бағдарламасы жарияланды. Саудагерлер не істейді? Олар: “Жақсы, нарыққа жаңартылған баға енеді”, – деп отыр. Бір триллион теңге. Бұл ақша – дағдарыс кезеңінде барлық банктерге берілген ипотека ақшасы. Айналдырған 4-5 жылдың ішінде бағаның қалай өскенін көрдіңіздер. Мұны нарық жақсы қабылдайды. Тиісінше, баға көтерілуі тиіс”, – дейді сарапшы Ботагөз Жұманова.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30

Мы в соц сетях:

Баспана қымбаттайды: "7-20-25" бағдарламасы нарыққа қалай әсер етеді

Поделиться материалом

Другие материалы по теме

По читаемости

По материалам