500 теңге пара алудан бас тартқан салық қызметкеріне 72 мың теңге сыйақы беріледі

500 теңге пара үшін 336 700 теңге айыппұл салынған оқиға туралы жаңа мәліметтер белгілі болды. Бұл туралы BNews.kz хабарлады.

«Аталған қызметкер дәл сол күні азаматтарға кеңес беруімен айналысқан. Ол сол жерде болған адамдарға, соның ішінде, өзіне 500 теңге ұстатқан әйелге көмектескен. Азаматша компьютердің тілін білмегендіктен, салық қызметкерін көмекке шақырған. Ол, тіпті қызметкердің жас екенін көре сала, оған көмектескені үшін алғысын білдіретінін айтқан. Мүмкін, ол қызметкердің өзіне көп көңіл бөлгенін қалаған шығар. Жұмысын бітірген әйел өзіне көмектескен жігітке шай немесе тәтті үшін белгілі бір сома, яғни 500 теңге беремін деген. Ал, салық қызметкері ол ұстатпақшы болған ақшадан бас тартты, бұны көрген куәгерлер де бар», – деді Астанадағы Мемлекеттік қызмет және сыбайлас жемқорлыққа қарсы іс-қимыл департаментінің сыбайлас жемқорлықпен күресу бөлімінің бастығының міндетін атқарушы Данияр Райымбаев.

Оның айтуынша, жас жігіт ақша алудан үзілді-кесілді бас тартқан, бірақ оның қарсылығы әйелді тоқтатпаған.

«Ал салық қызметкері басқа келушілерге көмектесіп жатқан кезде, ол жігітке келіп, қалтасына ақша салып, бөлмеден тез шығып кеткен. Жас жігіт басқа бір келушіге көмектесіп, қолы босамай тұрғандықтан, не болғанын түсінбей қалған. Сосын ол өзін жағымсыз қиындықтардан қорғау үшін өзінің тікелей басшысын бұл оқиғадан хабардар еткен. Кейін бұл әйелді құжаттар мен видеожазба арқылы тауып алды», – деді ол.

Оның айтуынша, заңда сыбайлас жемқорлыққа қатысты құқық бұзушылықтың болғаны туралы хабар бергендер ынталандырылады және салық қызметкері осы әрекеті үшін сыйақы алуы мүмкін.

«Заңнама бойынша сыбайлас жемқорлыққа қатысты құқық бұзушылықтың болғаны туралы хабар бергендер ынталандырылады. Біздің департамент қазір осы мәселені қарастыру туралы хат жолдады. Ал әкімшілік құқық бұзушылық туралы хабар бергендерге 30 АЕК мөлшерінде, шамамен 72 150 теңге материалдық сыйақы төлеу қарастырылған», – деп қорытындылады Райымбаев.

Аударған: Stan.kz

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2026 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

500 теңге пара алудан бас тартқан салық қызметкеріне 72 мың теңге сыйақы беріледі

Поделиться материалом

Другие материалы по теме

По читаемости

По материалам