Нағашыларым Маңғыстау өлкесін зерттеу үшін "+362" экспедициясын ұйымдастырды

Бәріміз білетіндей, әр адамның, әр тіршілік иесінің бойында өз ерекшелігі және дарыны мен таланты болады. Осындай өмірлік ұстанымы бар өзіңді қызықтыратын адамды тапқан жағдайда, өз қуанышты сәттеріңмен бірге адамдар арасында берік бір одақтастық пайда болады. Осындай адамдармен таныстығымды және сол адамдардың қызықты тарихы жайлы қазір баяндап көрейін.

Менің анам Ақтау қаласында дүниеге келген. Ақтау - тамаша портты қала, көкпеңбек мөлдір суымен және көңілі жайсаң адамдарымен әдемі. Анам туғаннан бастап үлкен ағасы Ерлан мен кіші інісі Ержанмен бірге өсті.

Әрқайсысының өз мінезі мен өз қызығушылығы бар. Үлкен ағасы Ерлан кітапқа қызықты, ол үнемі судағы тіршілік, қорқынышты акулалар, олардың түрлері және батыл да күшті капитандар акулалардың қасынан қалай жүзіп өткендігі туралы көп оқитын. Ал кіші інісі табиғат, корабль, алыс жақын елдер мен шөл далалардың суреттерін салғанды жақсы көрді.

Ағайынды жігіттерді олардың арманы мен Қазақстанның құпия орындарын бағындыруға деген махаббат біріктірді. Міне, менің ағаларым балалық шақтан бірге және олар әртүрлі идеяларымен бірін-бірі толықтырып отырды. Сондай-ақ барлық уақытта бір-біріне қол ұшын беріп келді. Бертін келе олар компания құру туралы идеяларымен бөлісті, оларды біріктірген күш – Отанға деген махаббат болатын.

Бір күні олардың бала күннен ойлаған арманы орындалды. Олар әлемді шарлап, жаңа орындармен танысу мақсатында экспедиция ұйымдастырды. Оны қалай атасақ деп ұзақ ойлана келе тағы да туған жеріне деген ыстық махаббатын дәлелдеді. Олар компаниясын «Экспедиция +362» деп атады. Себебі Маңғыстау жерінде 362 киелі орын бар екен.

Ендеше сол экспедиция жайында әңгімелейін. Менің ағаларым ғаламторды жақсы меңгерген, олардың өздерінің сайты бар. Сайт арқылы өз өмірінің қызықты сәттерімен бөлісіп отырады. Олар сайтқа тіркелген адамдармен қазақ тілінде де, орыс тілінде де әңгімелесіп отырады. Бұл да болса олардың барлық тіркелушілерге деген сыйластығы, солардың көңілінен шығуға, сол адамдардың тілінде сөйлесуі менің ағаларымның мәдениеттілігін көрсетеді.

Ерлан мен Ержан ағаларым Батыс Қазақстан жерін зерттеп келеді. Булы ойық үңгірі, Қарынжарық, Сартас, Түпқараған, Бозжыра, Жығылған және Үстірт... Олар видео арқылы осы өңірлердің ғажайыптары мен тарихын көрсете отырып, өздері де үстірттердің биіктігін бағындыруға тырысады.

Мақсаты – Қазақстанымның әсем де керемет жерлерімен көпшілікті таныстыру. Маған өте ұнаған экспедиция – Үстіртке жасаған саяхаты. Тұрғылықты халқымен сұхбат жүргізеді, қиын жағдайларда бір-біріне қол ұшын беру, т.б. көрсетеді.

Олар әр саяхатқа тыңғылықты дайындалады. Өздеріне қажетті қор, тамақ сатып алады. Бағытталған орынға жету үшін міндетті түрде өз көлігін тексереді. Менің ағаларымның мақсаты Қазақстанның бай жерін таныстырып қана қоймай, қандай жағдайда да біз Отанымыздың байлығын сақтауымыз керек, бағалауымыз керек екендігін насихаттайды.

Мен ағаларымды өте жақсы көремін. Олар екеуі де бірінен бірі өткен талантты жандар, кез келген сәтте менің өмірімді қызықты сәттерге толтырып, маған қуанышты сәттер сыйлай алатын ағаларымның өмірінен азғана болса да естелік болсын деп осы мақаланы жазғым келді. Олар сондай-ақ өз отбасыларының тірегі.

Мамандығы бойынша Ержан тіс дәрігері, видео түсірумен айналысады. Ал Ерлан қажет жағдайда не істеу керектігін біледі, себебі ол өте білімді, эрудит тұлға. Дегенмен олардың өмірінде осы экспедицияны ұйымдастыру кезінде өте көп қиыншылықтар болды, олар қазір артта қалды десек те болады.

Енді біз Батыс Қазақстан өлкесінің далалары мен үңгірлерін және басқа да көрнекті орындарын әртүрлі видеолардан қарап тамашалаймыз. Бұл жолда менің ағаларымның атқарған еңбегі мен үшін, біздің еліміз үшін өте зор.

Мен ағаларымды бүгінгі мақаланың тақырыбына сай «Қазақстанның қызықты адамдары» деп айта аламын. Менің елімде бізге қашан да өзімізді көрсеткіміз келсе, әрқашан Болашаққа жол ашық дегім келеді, тек еңбектенуден жалықпасақ болғаны.

Алина ИСКАКОВА
Ораз Жандосов атындағы
№105 гимназияның
8-сынып оқушысы
Алматы қаласы
Жетекшісі: Раушан Тұрлыбекова

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2025 »
Пн	Вт	Ср	Чт	Пт	Сб	Вс
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Мы в соц сетях:

Нағашыларым Маңғыстау өлкесін зерттеу үшін "+362" экспедициясын ұйымдастырды

Поделиться материалом

Другие материалы по теме

По читаемости

По материалам