4-қабаттан секіріп, қаза тапқан шенеунік содан 2 күн бұрын зейнетке шығып кеткен (ВИДЕО)

Талдықорғандағы сыбайлас жемқорлыққа қарсы департаменттің төртінші қабатынан секіріп кеткен шенеунік жайлы жаңа ақпараттар белгілі бола бастады. Бүгін түсініксіз жағдайда мерт болған Сейілхан Мұхамадиевтің ұлы журналистерді жинап, арнайы брифинг өткізді. Әкесінен айырылған Мұхит Мұхамадиев сыбайластықпен күресіп жүрген Ұлттық бюро қызметкерлеріне қатысты біраз деректерді жайып салды, деп хабарлайды 31 арна.

Бұл бейнежазба биыл ақпанның бірі күні түсірілген. Жазбада «ҚазСушар» мекемесі Алматы филиалының директоры Сейілхан Мұхамадиевті ұжымы зейнеттік демалысына салтанатты түрде шығарып салуда.

Себебі, 31 қаңтар күні Сейілхан Мұхамадиев өз еркімен директор қызметін босату жөнінде өтінішін жазған. Алайда 2 ақпан күні түнгі сағат он жарымдар шамасында лауазымды қызметте болмаған, зейнеттегі адам «Пара алу» фактісімен ұсталған дейді ұлы.

МҰХИТ МҰХАМАДИЕВ, марқұм Сейілхан Мұхамадиевтің ұлы:

– Қылмыстық кодекстің 366 бабына субъекті болып, зейнеткер адам табылады десе, пара алушы болып, мен 1 миллион теңге сыйақы тағайындаймын.

Марқұм болған әкесінің заңды қорғаушысы Мұхит Мұхамадиев зейнеткердің үстінен «пара алу фактісі» бойынша іс қозғалғаны былай тұрсын, Ұлттық бюроның ресми мәлімдемесіне де аң-таң. Ұлттық бюроның ресми сайтында тұрған ақпаратта парамен «ҚазСуШар» мекемесінің Алматы филиалының директоры ұсталды деп жарияланған. Алайда парамен ұсталған күні әкесінің еш жерде лауазымды қызметте болмағанын айтады.

МҰХИТ МҰХАМАДИЕВ, марқұм Сейілхан Мұхамадиевтің ұлы:

– 400 мың алған күні менің әкем ешбір лауазымды қызметте болмаған. Екі күн бұрын жұмыстан босаған, зейнеткер болған адам. Соттың үкімінсіз, менің әкемді халықтың алдында жемқор қылып көрсеткен Нацбюроның пресс службасына наразылық білдіріп, осы мәслихатты өткіздім.

Осылайша құқықтарымыз тапталып жатыр деген марқұмның жақындары өз шындықтарын жеткізуде. Алайда бұл бар жайттың бір парасы сынды.Себебі, Сейілхан Мұхамадиев өз еркімен төртінші қабаттан секіріп өлді дегенге ешкім сенбейді. Ал қазір аталған факті бойынша қылмыстық кодекстің 105 бабы, яғни «Өзiн-өзi өлтiруге дейiн жеткiзу» ісі бойынша тергеу жүріп жатыр.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Март 2026 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Мы в соц сетях:

4-қабаттан секіріп, қаза тапқан шенеунік содан 2 күн бұрын зейнетке шығып кеткен (ВИДЕО)

Поделиться материалом

Другие материалы по теме

По читаемости

По материалам