Бүтін бір ауыл дәрі-дәрмекке жарымай отыр

Жыл соңында ғана «дәріден таршылық көрмейміз» деп министр Елжан Біртанов премьер-министрді алдады ма, әлде айналасындағылар Біртановты алдады ма, әйтеуір денсаулық сақтау министрі сөзінде тұрмады. Өйткені бүтін бір Батыс Қазақстан облысының науқастары үш айдан бері тегін дәрі таба алмай әлекке жатыр. Әсіресе, қатерлі ісікке шалдыққан науқастар үшін, дәрі-дәрмектің жоқтығы қиын. Өңірде онкологиялық дертпен ауыратындардың жағдайы нашарлағанын жергілікті мамандар да жасырмайды.

Жақыны қатерлі ісікке шалдыққан Андрей науқастың Аксастрол атты дәріні қабылдамағанына біраз уақыт болғанын айтады. Бір айда бір рет қолданылатын тегін дәріні ақ халаттылар «препарат жоқ» деп үш ай бұрын беруді тоқтатты дейді. Ал 20 мың теңгелік препаратты сатып алуға қалтасы көтермепті.

АНДРЕЙ, Орал қаласының тұрғыны:

– Облыс әкімі дәрілер сатып алғанын мәлімдеген болатын. Бірақ еш жерден таппай жүрміз. Жақынымыз мүгедек болып қала ма деп қорқамыз.

Онкологиялық науқастардың ауруы күрт асқынғанын Батыс Қазақстан облысының ақ халаттылары да жасырмайды. «Қатерлі ісікке қарсы берілетін «Аксастрол» препараты өңірдегі әлеуметтік дәріханалар түгілі, емханалардың өзінде де жоқ», дейді. Үш ай бойы үкіметтен тегін үлестірілуі тиіс дәріні қайдан аламыз деп денсаулық сақтау басқармасындағылардың да басы қатып отыр.

ҚАНАТ ТӨСЕКБАЕВ, БҚО Денсаулық сақтау басқармасының жетекшісі:

– Ол мәселемен біз таныспыз. Бірыңғай дистрибьютерлерге әлі тендер ойнатылған жоқ. Бірақ бүгінгі таңда 345 миллион теңгеге дәрі сатып алынды. Қазір олардың барлығы емхана мен дәріханаларға жеткізіліп жатыр.

Ауруы көп, дәрі жоқтың кебін киген аймақта артрит дертімен ауыратындар да дәріге зәру. Апта сайын қолданылатын «Метотрексат» препаратын науқастар екі жарым айдан бері шарқ ұрып іздеп жүр.

Ал Аксастрол - өмірге қажетті препараттардың бірі. Қатерлі ісікке қарсы қолданылады. Дәрі әйелдерде сүт бездерінің жайылған обырын емдейді. Метотрексат онкологиялық тәжірибеде қолданылатын қатерлі және зарарсыз ісіктің алдын алуға арналған дәрі. Препарат адам ағзасына, өкпе, бауыр және көкбауырға тез сіңіп, бірнеше ай бойы ісіктің өспеуіне әсерін тигізеді.

Ал жыл соңында ғана министрлердің көзінше дәрілерден таршылық көрмейміз деген министр Елжан Біртанов Үкімет басшысының тапсырмасына құлақ аспаған сыңайлы.

Ал науқастары үш айдан бері қажетті ем ала алмай жүрген Батыс Қазақстан облысының жауаптылары мәселені жуық арада шешуге уәде етті.

Мейрамгүл Салқымбаева
ДЕРЕККӨЗ: 31 арна

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Апрель 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30

Мы в соц сетях:

Бүтін бір ауыл дәрі-дәрмекке жарымай отыр

Поделиться материалом

Другие материалы по теме

По читаемости

По материалам