&#1178;ОПА К&#1256;ЛІНІ&#1186; ЖА&#1170;АЛАУЫ ЖАЗ&#1170;Ы ДЕМАЛЫС ОРНЫНА АЙНАЛМА&#1178;

ҚОПА КӨЛІНІҢ ЖАҒАЛАУЫ ЖАЗҒЫ ДЕМАЛЫС ОРНЫНА АЙНАЛМАҚ

Көкшетаудың іргесіндегі Қопа көлінің жағалауында суға түсіп, күнге қыздырынып, көңіл сергітер жағажайдың ашылуы қала халқына жаңа бір тыныс болды. Көл жағалауын қала тұрғындарының жазғы демалыс орнына айналдыруға кәсіпкерлер де ерекше ынта танытып отыр, деп хабарлайды Baq.kz тiлшiсі.

Биыл көкшетаулықтардың және қала меймандарының жазғы демалысын ұйымдастыру шаралары белсенді түрде жүргізілуде. Айдын көлдің жағалауына қоныстанған қала болғандықтан адамдарға туристік және сервистік қызмет көрсетуге мүмкіндік мол. Көл жағалауын демалыс аймағына айналдыру сонау кеңес дәуірінде сөз болғанымен оны нақтылы жүзеге асырудың сәті енді ғана түскендей.

Өткен жылдан бастап «GrandSport», «Babysport» сауда кешендерінің бас директоры Рыскүл Арыстамбаева жергілікті биліктің қолдауымен көл маңында абаттандыру жұмыстарын қолға алды.

«Әуелі көл жиегін қамыстан тазартып, жағажай аймағын кеңейттік. Катамарандар, қайықтар алып, пирс орнаттық, жазғы дәмхана аштық. Келешекте яхта-клубты құруға байланысты жұмыстар да қолға алынғалы отыр. Жағажайға келіп демалушылар катамаран және су скутерлерінің қызметін, батутты пайдалана алады. Күнге қыздырынып кетпеу үшін жағажай бойынша зонттар орнатылды, – дейді кәсіпкер Рыскүл Арыстамбаева.

Былтыр «Атамекен» ұлттық палатасының шағын және орта бизнес субъектілерін қолдауға бағытталған «Іскерлік байланыс» байқауында кәсіпкер Қопа көлінің жағалауында спорттық-денешынықтыру кешенін ашу жөніндегі жобаны сәтті қорғап, Германияның Дрезден қаласында бір айлық іс-тәжірибеден өтіп келді.

«Бизнес-сабақтар жоғары кәсіби деңгейде өтті. Енді германиялық әріптестерден үйренген тәжірибемді туған жерде іске асырғым келеді. Жылдың барлық мезгілінде жұмыс істеу үшін жеке ғимарат құрылысының жобасын қарастыру үстіндемін. Жоба құны 60 миллион теңгені құрап отыр. Осы орайда «Бизнестің жол картасы–2020» бағдарламасы арқылы несие алуды жоспарлап отырмын. Мақсат ойдағыдай жүзеге асатын болса, көкшетаулықтардың жаз айларын көңілді демалыспен өткізетіндігіне сенім мол»,–дейді кәсіпкер.

Осыдан үш жыл бұрын көлге жақын орналасқан жекеменшік тұрғын үйлер алынып, оның орнына осы заманғы өскелең талаптарға сай демалыс және сауда орындары, тұтас тұрғын үй кешендері бой көтеруде. Негізгі жағажай Горький көшесі бойындағы теннис орталығы мен «Жансая» жаңа тұрғын үй кешені маңында жасалмақшы.

Көлдің экологиясына кері әсер тигізбеу мақсатында жағажайда тазалық бейсенбіліктері ұйымдастырылуда.

«Жазғы демалыстың қазіргідей қызған шағында қаламыздың тазалығын сақтауға біз де өз үлесімізді қосқымыз келеді. Сол себепті тазалық бейсенбілігіне өз ұжымымызбен бір кісідей қатыстық. Мұндай шараны алдағы уақытта дәстүрге айналдыру керек. Өйткені, қаламыздың тазалығы ешкімді бейжай қалдырмауы тиіс», – дейді Көкшетау қаласы қаржы бөлімінің бюджеттік сектор меңгерушісі Гүлнар Құстаева.

Бұған дейін Қопа көлінің жағалауында инфрақұрылымы толық сақталған жағажай болған емес. Демалысқа лайықты коммуналдық және сервистік қызмет көрсетілмегендіктен әркім өз бетінше суға шомылуды әдетке айналдырды. Енді ресми түрде ашылған жағажайдың судан құтқарушылары, тәртіпті қадағалаушылары бар.

«Біз жағажайға келушілерге қазақ және орыс тілдерінде дайындалған жадынамаларды таратамыз. Тыйым салынған ережелерді түсіндіреміз, кеңес береміз. Қарапайым да қажетті ескертпелер бар. Одан арыға жүзудің қауіпті екенін ескертетін белгілер орнатылған, биік бақылау мұнарынан құтқарушылар қарап тұрады, қайық, басқа құрал-жабдық, бәрі дайын», – дейді шұғыл құтқарушылар отряды жетекшісінің орынбасары Талғат Айтпаев.

Жағажайға келіп демалушылар катамаран және су скутерлерінің қызметін, батутты пайдалана алады. Күнге қыздырынып кетпеу үшін жағажай бойынша зонттар орнатылады және шешінетін орындар жасалмақ. Аталған шаралар ойдағыдай жүзеге асатын болса, көкшетаулықтардың жаз айларын көңілді демалыспен өткізетіндігіне сенім мол. Көп қабатты үйде «қамалып» отырғаннан гөрі қала тұрғындары таяқ тастам жердегі Қопаға шомылғанды қалайды.

«Су қашанда адамға көтеріңкі көңіл сыйлайды, сергітеді. Суға түссең, шаршағаның басылып, жаның жадырайды. Жаз шыға жұрттың су іздеп, көлікке отырып, өзен-көлді жағалап кетері сондықтан. Ал, қала іргесінде Қопадай шалқыған шалқар көлдің болуы үлкен қуаныш, таптырмас олжа. Міне, қаланың Куйбышев көшесінің көлге тірелетін тұсынан арнайы жағажайдың ашылуы қала халқына жаңа бір тыныс болды»,–дейді қала тұрғыны Қанат Батыров.

Сонымен, Көкшетауда салқын суға түсіп, күнге қыздырынып, көңіл сергітер жағажай ашылды.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июль 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

&#1178;ОПА К&#1256;ЛІНІ&#1186; ЖА&#1170;АЛАУЫ ЖАЗ&#1170;Ы ДЕМАЛЫС ОРНЫНА АЙНАЛМА&#1178;

Поделиться материалом

Другие материалы по теме

По читаемости

По материалам

ҚОПА КӨЛІНІҢ ЖАҒАЛАУЫ ЖАЗҒЫ ДЕМАЛЫС ОРНЫНА АЙНАЛМАҚ