К&#1198;Н&#1240; АР&#1178;АЛАМАС &#1198;ШІН &#1170;АЙБАТ С&#1256;ЙЛЕУДЕН СА&#1178;ТАН&#1170;АНЫМЫЗ АБЗАЛ

КҮНӘ АРҚАЛАМАС ҮШІН ҒАЙБАТ СӨЙЛЕУДЕН САҚТАНҒАНЫМЫЗ АБЗАЛ

Рамазан айын өзің үшін жақсы бір әдет қалыптастыруды мақсат тұтып, барынша жоспарлы өткізуге ұмтылсаң, бір айда керемет нәтижеге қол жеткізуге болады екен. Заманауи оймен айтқанда, әрбір адам бұл айда өзінің болашақ бақилық өмірі үшін «инвестиция» құяры анық. Қасиетті Рамазан айы адам баласына берілген үлкен бір «бонус» секілді.

Әлеуметтік желілерден шымкенттік жастар ауызашар уақытында жолда жүрген адамдар үшін көшеде тегін су мен құрма таратып жүргенін оқып едік. Яғни, қасиетті айда әркім барынша, қолынан келгенше жақсылық жасауға тырысып бағары хақ. Өйткені, Рамазан айында сауаптар еселеніп жазылатынын білеміз.

Біз де біраз уақыттан бері өзімізді толғантып жүрген бір мәселе жайын қозғауды жөн көрдік. Бұл – әрбір пендеге тән «қасиет». Сол «қасиеттің» өзімізге зиян екенін біле тұра, өзгелерді жамандауға, өзге адамның өміріне сыртынан баға беруге, ғайбат айтуға үйірміз. Өзгелер дұрыс өмір сүрмейтін секілді көрінеді бізге. «Ғайбат айтқаным емес, бірақ…», «қара жер хабар бермесін» деп қойып, өзгелердің мінін жіпке тізгенді жақсы көреміз.

Неліктен? Адамдар не үшін өздерін ақылды санап, өзгелерді ақымақ көруге бейім? Өзіміз ғана ақылдымыз, өзгелер ақымақ? Неге басқалардың өміріне араласуға бейілміз? Бұл пендешіліктің себебін іздеуге тырысып көрелікші.

«Әлхамдүлилла, мұсылманбыз» деп өскен қазақпыз ғой. Бәріміз ислам дінінде өзге адамды сыртынан жамандау күнә екенін білгенмен, ғайбаттыққа жол беріп жатамыз. Адамдар мұның қаншалықты ауыр екенін сезінбейтін сияқты. Мәселен, Павлодар облысы орталық мешітінің ресми порталы – mazhab.kz сайты осы мәселеге қатысты мынадай мысалдар келтіреді.

Пайғамбарымыз Мұхаммед (с.ғ.с.) Миғражға көтерілгенде, тозақтың ішінде тілдері желкесінен шығып, азапталып жатқан бір топ қауымды көріп, Жәбірейілден (ғ.с.) бұлардың кімдер екенін сұрайды. Жәбірейіл (ғ.с.): «Бұлар өсек, өтірік, ғайбат айтқандар» деді.

Кейбір замандастарымыз ғайбаттан сақтанған болып, «одан да бетер нәрселері бар. Бәрін айта берейін десем, ғайбат бола ма деп қорқамын» дейді. Ал шындығында, бұлай сөйлеу – ашық айтылған ғайбаттан да ауыр күнә.

«Қияметте бір адам сауап дәптерінде жасамаған ғибадаттарын көреді. “Бұлар сені ғайбат еткен адамдардың сауаптары” делінеді» (Хараити).

Тіпті, ислам, өзге адамның сырт келбетіне баға беріп, сөйлеуді де құптамайды екен. «Пәленшенің бойы қысқа» деген адамға пайғамбарымыз (с.ғ.с): «Бұл сөзің теңізге тасталса, теңіз де сасиды» деді (Тирмизи).

«Ғайбат еткен адамның дұғасы қабыл болмайды» (Шира). «Ғайбатталған кісі, ғайбат еткен адамды кешірмейінше, кешірілмейді» (Дәйләми). «Ғайбат – адамның сауаптарының азаюына, басқалардың күнәлары өзіне жүктелуіне себеп болады. Бұларды үнемі ойлап жүру, ғайбат айтуға кедергі болады» (Ислам ахлақы).

Қарап отырсақ, өзге адамды сыртынан жамандау, өсектеу дінде күнә саналады. Өзгенің күнәсін де арқалап алуыңа себепші болады екен.

Тура осы мәселеге орыстың белгілі психотерапевт дәрігері Валерий Синельниковтың «Формула жизни» кітабында: «Сіз біреуді сынап-мінеп, сыртынан сөге бастағанда не болатынын тереңірек түсіну үшін физика пәніндегі ішіне бірдей су құйылып, түтік салынған екі құтыны елестетіңіз. Егер сіз сол құтының біреуін жоғары көтерер болсаңыз, жоғары тұрған құтыдағы су төмен тұрған құтыға түтікше арқылы құйылатынын көресіз. Біраздан кейін екі құтының деңгейі теңеседі. Ал енді сіз біреуді сынай бастаған сәтте не болатынын елестетіп көріңізші. Өзге біреуді жамандап, сынай бастағанда сіз өркөкіректік танытасыз. Яғни, сіз өзіңізді сол жамандап тұрған адамнан жоғары қоясыз. Сол сәтте сіз өзіңіздегі энергияны сол адамға бересіз. Өйткені, біздің барлығымыз бір-бірімізбен көрінбейтін энергия арқылы байланыстымыз», – деп топшылайды психотерапевт. «Яғни, бұған оңай көз жеткізуге болады. Егер байқаусызда бір адамды жамандап қойсаңыз немесе сондай ортаға түсіп қалсаңыз, біраздан кейін өзіңіздің шаршап қалғаныңызды аңғарасыз. Немесе басыңыз ауырып, психологиялық тұрғыда өзіңізді нашар сезінуіңіз мүмкін. Сол сәтте энергияңыздың қайда кетіп жатқанын түсіне берсеңіз болады. Егер мұндай әдеттен адам тыйыла алмаған жағдайда ол ақпараттық-энергетикалық деңгейде қандай да бір жағымсыз оқиға немесе ауру түріндегі жауапты «соққы» алады», – дейді В.Синельников.

Егер бір адам өзге адамды жамандап, сыртынан сөгетін болса, сол адам өз өміріне разы емес дегенді де оқығанымыз бар. Психологияда солай айтылады. Ал миллионер Майкл Роуч «Духовное партнерство» кітабында «Неліктен біз өзге адамның мінін көреміз?» деген сауал қойып, оған былай жауап береді: «Өйткені, біздің ешқайсысымыз мінсіз, кемел емеспіз, біздің санамыз да солай жаратылған. Сондықтан өзгелердің мінін көрер болсақ, ол біздің санамыздың бейнесі. Яғни, кемшілік ол адамда емес, ол бізде» дегенді айтады.

Сондықтан өзге адамды жамандай бастағанымызда сол адамның күнәсін арқалайтынымызды, өз энергиямызды беріп қоятынымызды әрі өзіміздің де мінсіз емес екенімізді, алдымен өзімізбен жұмыс істеуді ойланғанымыз абзалырақ секілді.

Дереккөзі: almaty-akshamy.kz

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2025 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Мы в соц сетях:

К&#1198;Н&#1240; АР&#1178;АЛАМАС &#1198;ШІН &#1170;АЙБАТ С&#1256;ЙЛЕУДЕН СА&#1178;ТАН&#1170;АНЫМЫЗ АБЗАЛ

Поделиться материалом

Другие материалы по теме

По читаемости

По материалам

КҮНӘ АРҚАЛАМАС ҮШІН ҒАЙБАТ СӨЙЛЕУДЕН САҚТАНҒАНЫМЫЗ АБЗАЛ