К&#1256;КШЕТАУДА БАСПАНАСЫЗДАР &#1178;АТАРЫ АЗАЙМАЙ Т&#1200;Р

КӨКШЕТАУДА БАСПАНАСЫЗДАР ҚАТАРЫ АЗАЙМАЙ ТҰР

Көкшетауда тұрғын үйге мұқтаж азаматтардың саны 8 мыңнан асып отыр. Қалада құрылыс жүрмей тұр деуге болмайды. Алайда, жоспарланған көрсеткіш үйге мұқтаж адамдардың сұраныстарын қамтамасыз етуге мүлдем жеткіліксіз, деп хабарлайды Baq.kz тілшісі.

Қалалық құрылыс бөлімінен алынған мәліметтерге үңілсек, тұрғын үй-құрылыс жинақ банкі салымшылары үшін «Сарыарқа» шағын ауданында тоғыз қабатты 45 пәтерлік тұрғын үй құрылысы жүруде. Осы ауданда жас отбасылар үшін отыз пәтерлік 3 тұрғын үй салынуда. Биылғы жылдың шілде айында Көктем шағын ауданында 45 пәтерлік тұрғын үй құрылысы басталды. Сондай-ақ Центральный шағын ауданында тоғыз қабатты 45 пәтерлік үй салынуда.

Қоғамдық қабылдауларда жатақханамен қамтамасыз етуге көмек сұрай келетіндердің де қатары көп. Сондай-ақ, үйі барлар да үй сұрап жүр. Көпшілігі үйді кезексіз алудан да үмітті.

«Заңға сәйкес, тұрғындар пәтерді кезекпен ғана ала алады. Біз үшін барлық тұрғынның жағдайы бірдей, біреудің тұрмыс жағдайының ауырлығына қарап, кезекте тұрған өзге адамды ығыстыруға құқымыз жоқ. Мүгедектер мен жетім балаларға, сондай-ақ, аз қамтылғандарға да мемлекет тарапынан көрсетіліп отырған қамқорлықтар заң шеңберінде жалғаса береді», – дейді қала әкімінің орынбасары Иван Юрченко.

Үй алуға мүмкіндік туғызып отырған банктердің бірі – «Тұрғын үй құрылыс жинақ банкі». Бірақ банктің аты айтып тұрғандай, алдын ала пәтер бағасының тең жартысын жинауыңыз қажет. Әйтсе де қазіргі күні пәтерді айына 60-70 мың теңгеге жалдап тұрып жатқан жандар үшін бұл пәтерлі болудың бірден-бір жолы. Дегенмен, ондай үйлерге қол жеткізу де оңай болмай тұр.

«Бұл бағдарламаның да машақаты жетерлік. Жас отбасы, мемлекеттік қызметкер, тағы да басқа топтарға жататын және ең бастысы, жалақың үй үшін төлейтін ақшаға жететін болуы қажет. Оған ай сайын үйдің көлеміне байланысты кем дегенде 45-50 мың теңгені табысыңнан жырып беріп отырасың. Жылуың, ыстық-суық суың, газ, жарық, басқа да ұсақ-түйектер жетіп артылады. Ал, оны әркімнің жағдайы мен қалтасы көтере ала ма?», – дейді Шолпан Елемесова есімді қала тұрғыны.

«Нұрлы жол» бағдарламасына енгізілген өзгерістерге сәйкес, салынған кредиттік тұрғын үйлердің 50%-ы жергілікті атқару органдарында кезекте тұрғандар арасында бөлінуі тиіс. Оның үстіне, олар аталған банктің салымшылары болуы керек.

«1 бөлмелі пәтердің 1 шаршы метрі 100 мың теңге, яғни, 46 шаршы метр 1 бөлмелі пәтердің құны 4 миллион 600 мың теңгені құрайды. Осы ретте салымшы 2 миллион 300 мың теңге жинақтауы тиіс. Негізі пәтер құнының 50 пайызын жинау керек. Алайда пәтердің толық сомасын жинағандардың баспана алуға мүмкіндігі жоғары екенін баса айтқым келеді. Бұрын жергілікті атқарушы органдарда тізімде тұрғандардың алдыңғылары пәтер алып келді. Енді «Нұрлы жол» бағдарламасы бойынша тұрғын үй кезегінде тұрғандардың арасында банк салымшылары арасындағыдай конкурс өткізіледі. Егер сіз кезекте 500-ші болып тұрсаңыз да депозитте жинаған қаражатыңыз болса пәтер алуға мүмкіндігіңіз де жоғары болады. Көкшетаудағы Абылай хан даңғылы, Сарыарқа ықшам аудандарында 216 пәтерлік тұрғын үйлердің құрылысы жүруде. Бұл пәтерлердің кілті тек «Тұрғын үй құрылыс жинақ банкінің" клиенттеріне беріледі. Яғни, сатып алушының міндетті түрде аталған банкте есепшоты болуы керек. Және онда жылжымайтын мүлік құнының 30 пайызы болуы шарт»,– дейді Тұрғын үй құрылыс жинақ банкінің Ақмола облысы бойынша филиалы директорының орынбасары Нұржан Әлібеков.

Банк арқылы баспана алудың ең басты жолы – салымшы болу. Қаражат жинағандардың ғана пәтер алуға мүмкіндігі бар.

«Банктен шотты жай ғана ашып қою жеткіліксіз. Жеті жыл бұрын ашып, 10 мың теңге ғана салған тұрғындар да бар. Сондықтан да, тұрғын үй-коммуналдық шаруашылығы бөлімінде кезекте тұрған азаматтар өздері туралы мәліметтерді қайта тексерткендері жөн. Өйткені кей азаматтарда ЖСН болмайтын жағдайлар кездесіп жатады», – дейді Н.Әлібеков.

Банк өкілінің айтуынша, бұған дейін пәтерлердің 50 пайызы жергілікті атқарушы органдарға кезекте тұрғандарға, 50 пайызы банк салымшыларына беріліп келген. «Нұрлы жол» бойынша баспана алу үшін міндетті түрде алатын пәтер құнының 30 пайызын жинақтау қажет. Айталық, 1 бөлмелі пәтер құны 4 миллион теңгеге жуықтаса, 1 миллион 200 мың теңге қаражат жинауға тиіссіз.

Үй алғысы келген азаматтар қолындағы бар ақшасын «Қазақстанның Тұрғын үй құрылыс жинақ банкіне» жинап жатыр. Алайда, көп салымшылар жиналған ақшаларының тұрғын үй алуға жетпейтіндігіне алаңдаулы.

«Қалада бір пәтерден екінші пәтерге көшіп жүргенімізге он жылдан асты. Үй бағасы шарықтап кетті. Пәтер жалдау бағасы да одан кем түсіп жатқан жоқ. Осыдан үш жарым жыл бұрын «Тұрғын үй құрылыс жинақ банкінде» ашқан жинақ шоттағы қаражатым тек бір бөлмелі пәтерге ғана жетеді екен. Банк мамандары мұның себебін осы үш жылдың ішінде пәтер құны қымбаттағанымен түсіндіріп отыр»,–дейді Ермек Құрманов есімді қала тұрғыны.

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июль 2026 »
Пн	Вт	Ср	Чт	Пт	Сб	Вс
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Мы в соц сетях:

К&#1256;КШЕТАУДА БАСПАНАСЫЗДАР &#1178;АТАРЫ АЗАЙМАЙ Т&#1200;Р

Поделиться материалом

Другие материалы по теме

По читаемости

По материалам

КӨКШЕТАУДА БАСПАНАСЫЗДАР ҚАТАРЫ АЗАЙМАЙ ТҰР