ЕКПЕ ЗИЯН ЕМЕС!

Екпеге қатысты қоғамның пікірі екіге бөлініп тұр, қазір. Біреулер шариғат тиым салған деген сылтаумен бас тартса, көпшілік вакциналардың сапасына күмән келтіреді. Естеріңізде болса, әнебір жылы екпелердің сапасы төңірегінде дау туған-ды. Ал, әсіредіншілдер үшін керемет желеу боп шыға келген еді. Дәрігерлер медицина тұрғысынан екпенің пайдасын дәлелдеп әлек.

Дін проблемаларын зерттеу орталығының жоспарлау және ұйымдастыру бөлімінің басшысы Жақыпов Ерзат Жасқанбайұлы екпе жасау дұрыс емес дейтіндерге шариғат тұрғысынан жауап берді.

«Қасиетті Құранда һәм Пайғамбарымыздың сүннетінде вакцинацияға анық тыйым салынбаған. Керісінше, аурумен күресудің бұл тәсілін қолдаған көптеген дәлелдерді табуға болады.

Құран мен пайғамбар сүннетінде – аурудың алдын алуға қатты көңіл бөлген. Медицина ғылымындағы соңғы жетістіктер талай жылғы тәжірибенің арқасы ғана емес, бұл Алланың өз құлдарына жасаған қамқорлығы: «Егер мен ауырсам, (Алла) мені аурудан айықтырады...» (Құран 26:80).

Имам Муслимнен жеткен хадисте Пайғамбарымыз (с.ғ.с.) былай деп айтты: «Барлық ауруға дәрі бар. Дәрі ауруға сәйкес келсе, жаратушының әмірімен ол кісі айығады». Осыны алға тарта отырып Муслим «Пайғамбарымыз (с.ғ.с.) аурудан емделуге дәріні қолдануға рұқсат берген»,- дейді, ол.

Денсаулық – Алланың аманаты. Әрбір адам өз денсаулығына күтіммен қарауға үгіттейті, дін-Ислам. Бұл жөнінде Пайғамбарымыз с.а.у: «Қандай да бір жерде жұқпалы ауру тарады дегенді естісеңдер, ол жаққа бармаңдар. Егер оба ауруы сендер тұрған жерде тарай бастаса, ол жерден кетпеңдер» деген екен. Бұл хадисте «аурудан абайла және ауру басқа жаққа таралып кетпесін» деген ескертулер жатыр.

«Халыққа екпе жасауға бірнеше жыл кедергі жасалса, жұқпалы аурулар үлкен бір аумақтарға таралып кетеді. Жаппай иммунизация жасау, кедей, тұрғылықты жері онша жақсы емес аумақтар үшін де жақсы нәтиже көрсетіп жатыр. Екпенің пайдасы зор.

Екпе – ғалымдар мен медицина қызметкерлерінің бірнеше ғасыр бойы іздеп, тапқан дәрісі. Мен күллі облыс тұрғындарды арандатуға ермеуді, вакцинация жасауға қарсы болмауға шақырамын», - дейді дінтанушы.

Бар мәселе шариғаттың тиым салған-салмағанына тіреліп тұрса, Құранда да, хадисте де екпеге қарсылық жоқ екенін білдік. Ендігі мәселе тек сапасында болып тұр ғой.

Мөлдір Нұрман, Матрица.kz

Рейтинг	Регион	Аким
219022	Алматинская область
146708	Туркестанская область
108999	Восточно-Казахстанская область

Рейтинг	Регион	Аким
339	Алматинская область
195	Туркестанская область
180	Северо-Казахстанская область

« Июнь 2026 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Мы в соц сетях:

ЕКПЕ ЗИЯН ЕМЕС!

Поделиться материалом

Другие материалы по теме

По читаемости

По материалам